Məkanın melodiyası (film, 2004)

Məkanın melodiyası
Fayl:Məkanın Melodiyası (2004).jpg
Janr	Dram Məhəbbət
Rejissor	Hüseyn Mehdiyev
Ssenari müəllifləri	Ramiz Rövşən Hüseyn Mehdiyev
Baş rollarda	Ələddin Abbasov-Murad Ayan Mirqasımova-Rəna Mehriban Zəki-Gülya
Operator	Nadir Mehdiyev
Bəstəkar	Azər Dadaşov
Rəssam	Mayis Ağabəyov
İstehsalçı	"Azərbaycanfilm" kinostudiyası
İlk baxış tarixi	2004
Filmin növü	tammetrajlı bədii film
Müddət	84 dəqiqə
Büdcə	180 min $
Ölkələr	Azərbaycan
Dil	Azərbaycan dili
İl	2004
Texniki məlumatlar	9 hissə 2370 metr 35 mm
Rəng	rəngli (ağ-qara kadrlarla)
Çəkiliş yeri	Bakı Quba
IMDb	ID0470859

Məzmun

80 yaşlı violençelist — Murad(Ələddin Abbasov) özünün ad günündə, ömrünün boş və hədər keçdiyini hiss edib sarsılır. Gəncliyindən bəri ürəyində gəzdirdiyi melodiyanı heç cür tamamlaya bilməyən qəhrəmanın fikrindən hətta intihar da keçir. Amma parkda təsadüfən rastlaşdığı Rəna (Ayan Mirqasımova) ilə tanışlığı onu bu fikirdən daşındırır. Çünki özünün xərçəng xəstələyinə tutulduğundan şübhələnən rəqqasə Rəna da, az qala intihar ərəfəsindədir. Bunu bilən Murad o cavan qadının xilaskarına çevrilir. Rəna isə bu xeyirxah qocanın haçansa gənclik illərində ilk baxışdan görüb sevdiyi, amma iradəsizlik göstərib həmişəlik itirdiyi Minanın axtarışına çıxır. Bu, həm də o nakam sevginin ifadəsi olan itirilmiş melodiyanın axtarışıdır. Tamaşaçının bir çox dramatik məqamlarıyla rastlaşdığı bu film qəhrəmanın uzun ömrünün cəmi iki gününü göstərsə də, əslində onun bütün həyatını əhatə edir.

Filmdə söhbət idealların məhv olmasından gedir. Və idealların məhv olması fonunda insanların arasında olan münasibətlərin dəyişməsi, eləcə də onların psixoloji məqamları diqqət mərkəzindədir. Bu filmin qəhrəmanı bütün ömrü boyu cəmiyyətin qanunları ilə yaşayıb. Cəmiyyətdə mövcud olan əxlaqi-mənəvi dəyərlər çərçivəsindən kənara çıxmayıb. Və cavanlığında özü də fərqinə varmadan təbiətinə qarşı çıxıb və bu addımı ilə də bütün həyatı və yaradıcılığı qarşısına sədd çəkib. Qəhrəman bu səddi yalnız həyatının sonunda duyur, başa düşür. Və bu səddə üsyan edir. Ancaq artıq gecdir. Onun bu üsyanı ölümü ilə nəticələnir.

İştirak etdiyi Festivallar

1)Bakı – Şərq-Qərb Beynəlxalq Festivalı

2)MDB və Baltikyanı dövlətlərin Anapa beynəlxalq kinofestivalı (Rusiya, 2004)

3)"AsoloArtFilmFestival" Beynəlxalq Kino Festivalı (İtaliya-2004)

Film haqqında

• Film 1999-cu ildən kinostudiyanın planına salınmışdı.
• Filmin çəkilişləri 2004-cü ilin yayında tamamlandı.
• Film 180 min ABŞ dollarına başa gəlmişdir.

Filmin heyəti

Film üzərində işləyənlər

Ssenari müəllifi : Ramiz Rövşən, Hüseyn Mehdiyev

Quruluşçu rejissor : Hüseyn Mehdiyev

Quruluşçu operator : Nadir Mehdiyev

Quruluşçu rəssam : Mayis Ağabəyov

Bəstəkar : Azər Dadaşov

Geyim rəssamı : Mehriban Əfəndiyeva

Montaj edən : Nelli Dadaşova

İkinci Rejissor : Süleyman Əhmədov

Qrim rəssamı : Rəna Əliyeva

Səs operatoru : Əsəd Əsədov, Nataliya Nuriyeva

İcraçı prodüser : Nadir Əliyev

Rollarda

Ələddin Abbasov-Murad

Ayan Mirqasımova-Rəna

Mehriban Zəki-Gülya

Mobil Əhmədov-dirijor

Şəfiqə Qasımova

Təzəgül Məmmədova

Muxtar Avşarov

Məmmədkamal Kazımov-çəkməçi

Elmira Şabanova — Rənanın xalası

Natəvan Hacıyeva

Nizami Şıxməmmədov

Fuad Abbaszadə

Gülxar Həsənova

Zümrüd Qasımova

Filmi səsləndirənlər

Yaşar Nuri-Murad (Ələddin Abbasov) (titrlərdə yoxdur)

Rəqs müəlliməsi (Sona Mikayılova) (titrlərdə yoxdur)

Mənbə

• Azərbaycan Respublikası Mədəniyyət Nazirliyi. C. Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923–2003-cü illər. Bakı: Mütərcim, 2004.- səh. 380.

Həmçinin bax

Azərbaycan filmlərinin siyahısı