IV Aleksey (Trabzon imperatoru)

IV Aleksey Komnenos (yun. Αλέξιος Μέγας Κομνηνός) (1379, Trabzon – 26 aprel 1429) — 19-cu Trabzon imperatoru.^[3]

IV Aleksey
yun. Αλέξιος Δ΄ Μέγας Κομνηνός
Şəxsi məlumatlar
Doğum tarixi	1379
Doğum yeri	Trabzon, Trapezund imperiyası
Vəfat tarixi	26 aprel 1429
Atası	III Manuel (Trabzon imperatoru)[1]
Uşaqları	IV İohann[2][1], II David[2][1], Dəspinə xatun (Qara Yuluq Osman)
Vikianbarda əlaqəli mediafayllar

Həyatı

Atası Trabzon imperatoru III Manuel, anası isə Gürcü çarı IX Davidin qızı Evdokiya Baqrationidir. 1395-ci ildə atası tərəfindən ortaq imperator elan edildi. Atasının 1417-ci ildə ölümünün ardından idarəni təkbaşına ələ aldı. Atasının ölümündə əli olduğu ehtimal olunur.

Onun səltənətində Genuyalılarla 1418-ci ildə sülh bağlansa da, onlarla mübarizədə Venesiya ilə ittifaq quruldu. Digər tərəfdən şərqi Anadoluda güclənən Qaraqoyunlularla yaxın münasibətlər quruldu və 1420-ci ildə qızlarından birini Qaraqoyunlu sultanı Qara Yusifin oğlu Cahanşahla evləndirdi.

Apardığı evlilik siyasətləriylə qonşularıyla dost münasibət saxladı. Digər qızı Mariyanı 1428-ci ildə Bizans imperatoru VIII İohannla, Evdokiyanı isə italyan əsilli lord Nikol Krispo ilə evləndirdi.

Övladları

• IV İohann
• Mariya Komnini (ö. 17 dekabr 1439) — 1428-ci ildə Bizans imperatoru VIII İohannla evləndirildi.
• Aleksandr Komnenos (d. 1405 — ö. 1459)
• David
• … Komnini — 1420-ci ildə Qaraqoyunlu sultanı Qara Yusifin oğlu Cahanşahla evləndirildi.
• Evdokiya Komnini — italyan əsilli lord Nikol Krispo ilə evləndirildi.

Mənbə

• Claude Cahen, Pre-Ottoman Turkey: A General Survey of the Material and Spiritual Culture and History c. 1071–1330, 1968
• George Finlay, The History of Greece and the Empire of Trebizond, (1204–1461) (Edinburgh: William Blackwood, 1877)
• Alexander Kazhdan, (Ed.) (1991). The Oxford Dictionary of Byzantium (İngilizce). Oxford ve New York: Oxford University Press. ISBN 0-19-504652-8

İstinadlar

1. Lundy D. R. Alexios IV Comnenos, Emperor of Trebizond // The Peerage (ing.).
2. (not translated to fr) La descendance d'Alexis IV, empereur de Trébizonde. Contribution à la prosopographie des Grands Comnènes (fr.). // Revue des études byzantines Peeters, 1979. ISSN 0766-5598; 2261-060X; 0373-5729
3. Jackson Williams, Kelsey (2007). "A Genealogy of the Grand Komnenoi of Trebizond". Foundations: The Journal of the Foundation for Mediaeval Genealogy.