Hallavar çayı (erm. Լեռնապատ գետի (Lernapat qeti)) — Ermənistanda, hazırkı[2] Loru vilayətinin (erm. Լոռու մարզ (Lorru marz)) əsasən Hacı Qara və Hallavar kənd cəmiyyətləri ərazisində çay. Pəmbək çayının sağ qoludur. Ən böyük qolu (sol sahildə çaya tökülür) Qaraçoban çayıdır.[3]
| Hallavar çayı | |
|---|---|
| Ölkə | |
| Keçdiyi ərazilər | Loru mərzi |
| Mənsəbi | Pəmbək çayı |
| Uzunluğu | 18[1] |
| Su hövzəsi | Pəmbək—>Tona—>Anaxatır—>Kür—>Xəzər |
| Hövzəsinin sahəsi | 126[1] |
Mənsəbindən sol qolu Qaraçoban çayı ilə birləşdiyi məntəqəyədək Hallavar çayının sahilində Mollaqışlaq, Aşağı Kilsə[4], Yuxarı Kilsə, Hallavar və Heydərli kəndləri, Qaraçoban çayı birləşdikdən sonra isə Pəmbək çayına az qalmış Hacı Qara kəndi yerləşir.[5]
- 1988-ci ildə azərbaycanlıların qovulması:
- 1988-ci ilədək Mollaqışlaq, Aşağı Kilsə, Yuxarı Kilsə, Hallavar və Heydərli kəndləri monoetnik azərbaycanlı kəndləri idi. 1988-ci ilin dekabr ayında Mollaqışlaq kəndindən 200 nəfərdən çox, Aşağı Kilsə kəndindən 120 nəfər, Yuxarı Kilsə kəndindən 575 nəfər, Hallavar kəndindən 2.760 nəfərdən çox və Heydərli kəndindən 1.240 nəfər etnik azərbaycanlı zorla qovulmuşdur.[6] Azərbaycanlıların çıxarılmasından sonra Heydərli və Hallavar kəndlərinə az sayda ermənilər yerləşsələr də[7] sonradan onlar Heydərlini də tərk etmiş və yalnız az sayda Hallavar kəndində qalmışdır. 1990-cı illərin əvvəllərində xaraba qalmış Aşağı Kilsə kəndi ləğv edilmiş və ərazisi Mollaqışlaq kəndinə verilmişdir.[8]
- 1 yanvar 2011-ci il tarixinə olan rəsmi məlumatlara əsasən:
- Hacı Qara kənd cəmiyyəti (erm. Լեռնապատ գյուղական համայնքի (Lerrnapat qyuğakan hamaynki)) Hacı Qara kəndini[9] əhatə edir.[10] Cəmiyyətin ərazisi 36.18 km², əhalisi isə 1.222 nəfəri kişilər və 1.057 nəfəri qadınlar olmaqla toplam 2.279 nəfərdir.[10][11] Monoetnik milli təkibi olan cəmiyyətin əhalisini ermənilər təşkil edir.[12]
- Hallavar kənd cəmiyyəti (erm. Հալավար գյուղական համայնքի (Halavar qyuğakan hamaynki)) Mollaqışlaq[13], Yuxarı Kilsə, Hallavar və Heydərli kəndlərini əhatə edir.[7] 10-19 oktyabr 2001-ci il Ümumermənistan əhali siyahıyaalınması zamanı Heydərli, Mollaqışlaq və Yuxarı Kilsə kəndlərində de-fakto və de-yuri əhali yaşamırdı.[14] Cəmiyyətin ərazisi 34.3 km², əhalisi isə 85 nəfəri kişilər və 75 nəfəri isə qadınlar olmaqla toplam 160 nəfərdir.[7][15] Bütün əhali Hallavar kəndində yaşayır, digər kəndlər əhali barındırmır. Monoetnik milli tərkibi olan cəmiyyətin əhalisini (Hallavar kəndi əhalisini) ermənilər təşkil edir.[16]
- Mercy Corps Georgia: List of Files related to EC Program: Documents: Lori Marz Baseline Survey Report (rus): "Динамика местных тенденции изменения климата, природных катастроф ианализ экологических, социально-экономических последствий в трансграничном целевом ареале реки Кура.: Лорийский марз (Республика Армения). 2012."[ölü keçid]—>Подготовлено в рамках проекта «Укрепление местного потенциала и регионального сотрудничества в целях адаптации к изменению климата и сохранения биоразнообразия в Грузии и на Южном Кавказе», который финансируется Евросоюзом и осуществляется Сетью кавказских природоохранных НПО (CENN) и международной организацией Мерси Корпс. Полная ответственность за содержание данной публикации возлагается на Мерси Корпс и CENN; оно никоим образом не отражает взгляды и мнения Европейского союза.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
