Aryen Robben

Aryen Robben (23 yanvar 1984^[1][2][…]) — hollandiyalı futbolçu. Hücumçu arxası və sağ cinahda oynayır. Hollandiyada iki dəfə ilin futbolçusu seçilmişdir.

Aryen Robben
nid. Arjen Robben
Ümumi məlumatlar
Tam adı	Aryen Robben
Doğum tarixi	23 yanvar 1984 (40 yaş)
Doğum yeri	Bedum, Niderland
Vətəndaşlığı	Niderland krallığı
Boyu	1.80 m
Çəkisi	80 kq
Mövqeyi	Hücumçu
Vikianbarda əlaqəli mediafayllar

Klub karyerası

Robben, futbol karyerasına anadan olduğu Qroningen şəhərinin Qroningen futbol klubunda başlamışdır. Liqada ilk oyununa Tventeyə qarşı oynamışdır. Robben ilk mövsümündə 18 oyuna 2 qol vurmaqla komandada ilin futbolçusu seçilmişdir. İkinci sezonunu daha yaxşı keçirən Robben 28 oyuna 6 qol vurmuş və il sonunda 3.9 milyon € qarşılığında PSV klubuna transfer olunmuşdur.

Robben, burada da ilk sezonun yaxşı keçirmiş və 33 oyunda 12 qol vurmuşdur. Bu uğurlardan sonra Mançester Yunaytedin baş məşqçisi Aleks Ferqyuson, Robben üçün 8 milyon € təklif etmiş, lakin rəhbərlik qəbul etməmişdir. 2003–04 sezonunu yaxşı keçirməsə də, il sonunda 12 milyon € qarşılığında Çelsiyə transfer olunmuşdur.

22 avqust, 2007-ci ildə İspaniyanın Real Madrid klubu ilə 5 illik müqavilə bağlamışdır. 2009–10 sezonunda Florentino Perezin prezident seçilməsi və Kriştiano Ronaldo və Kakanın transferlərindən sonra komandadan ayrılmağa qərar vermişdir.

28 avqust, 2009-cu ildə təxminən 25 milyon € qarşılığında Almaniyanın Bayern Münhen klubuna transfer olunmuşdur. Robben, yeni klubunda axırıncı dəfə Roy Makaayın geyindiyi '10' nömrəli forma ilə çıxış etmişdir. 2013-cü ildə klubu ilə birlikdə UEFA Çempionlar Liqasını qazanmışdır. 19 mart, 2014-cü ildə Bayern Münhen ilə müqaviləsini 3 il daha uzatmışdır.

İstinadlar

1. Arjen Robben // Transfermarkt (çd.). 2000.
2. ARJEN ROBBEN // Argentine Soccer Database (isp.).