Remove ads
Şərif Naidhacav oğlu Şərifov (rus. Шариф Наидгаджавович Шарифов; 11 noyabr 1988, RSFSR, Dağıstan MSSR və ya Çaroda rayonu, Dağıstan MSSR) — 2008–2021-ci illərdə Azərbaycanı təmsil edən Avar əsilli[1] sərbəst güləşçi.[2] Şərif Şərifov 2012-ci ildə Birləşmiş Krallıqın London şəhərinin ev sahibliyində baş tutan XXX Yay Olimpiya Oyunlarında qızıl medal, 2016-cı ildə Braziliyanın Rio-de-Janeyro şəhərinin ev sahibliyində baş tutan XXXI Yay Olimpiya Oyunlarında isə bürünc medala sahib olub.[2]
| Şərif Şərifov | |||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Şərif Şərifov 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarının bürünc medalına sahib olanda (20 avqust 2016-cı il) | |||||||||||||||||||||||||||||||||||||||||
| Şəxsi məlumatlar | |||||||||||||||||||||||||||||||||||||||||
| Tam adı | Şərif Naidhacav oğlu Şərifov | ||||||||||||||||||||||||||||||||||||||||
| Vətəndaşlığı |
 Rusiya (2000—2007) →  Azərbaycan (2008—2021) |
||||||||||||||||||||||||||||||||||||||||
| Doğum tarixi | |||||||||||||||||||||||||||||||||||||||||
| Doğum yeri | Çaroda rayonu, Dağıstan MSSR, Rusiya SFSR | ||||||||||||||||||||||||||||||||||||||||
| Boyu | 180 sm. (5 ft 10 in) | ||||||||||||||||||||||||||||||||||||||||
| İdman növü | Güləş | ||||||||||||||||||||||||||||||||||||||||
| Karyera illəri | 2000—2021 | ||||||||||||||||||||||||||||||||||||||||
| Məşqçisi | Ənvər Məhəmmədhacıyev | ||||||||||||||||||||||||||||||||||||||||
| Komandası | Atasport İdman Klubu | ||||||||||||||||||||||||||||||||||||||||
|
Medallar
|
|||||||||||||||||||||||||||||||||||||||||
 Vikianbarda əlaqəli mediafayllar | |||||||||||||||||||||||||||||||||||||||||
2011-ci ildə İstanbul şəhərində baş tutan Dünya Çempionatının qalibi olan Şərif Şərifov, 2019-cu ildə Avropa Çempionatının qızıl medalını da qazanıb.[2]
Şərif Şərifov Azərbaycan idmanında xidmətlərinə görə Azərbaycan Prezidenti İlham Əliyevin 31 avqust 2012-ci il tarixli Sərəncamına əsasən "Şöhrət" ordeni ilə, 22 avqust 2016-cı il tarixli Sərəncamına əsasən isə "Tərəqqi" medalı ilə təltif edilib.
Remove ads
Şərif Şərifov 1988-ci il noyabrın 11-də Dağıstanın Çaroda rayonunun Qunux qəsəbəsində anadan olub.[2] Milliyyətcə avardır. Güləşlə Qızılyar şəhərində məşğul olmağa başladı. 2000-ci ildən isə Mahaçqala şəhərində məşhur güləş mütəxəssisi Ənvər Məhəmmədhacıyevin rəhbərliyi altında məşq edirdi.[2] Rusiya yığmasının heyətində ciddi rəqabət olduğuna görə məşqçilərin məsləhətilə 2008-ci ildə Azərbaycan yığmasına transfer oldu.[2]
Şərif Şərifov 2012-ci ildə Əminə Şərifova ilə evlədi.[3] 2016-cı ildə cütlüyün oğlu dünyaya gəldi.
Remove ads
2006–2007-ci illər: Beynəlxalq turnirlə debüt
18 yaşlı Şərif Şərifov 2006-cı ildə sərbəst güləş üzrə Dağıstan Çempionatının qalibi oldu.
Şərif Şərifovun birinci beynəlxalq turniri 2007-ci ilin iyununda Serbiyanın Zrenyanin şəhərində baş tutan gənclər arasında Avropa Çempionatı oldu.[2] Nəticədə Şərif Şərifov həmin turniri 12-ci pillədə başa vurdu.[2]
2008-ci il: Azərbaycan çempionluğu və yığmaya gəlişi
Şərif Şərifov Azərbaycan Güləş Federasiyası (AGF) tərəfindən 2008-ci ilin yanvarında baş tutan Azərbaycan Çempionatına dəvət edildi.[4] Həmin turnirin final görüşündə Şərif Şərifov sərbəst güləş üzrə Azərbaycan yığmasının "bir nömrəsi" Novruz Təmrəzov üzərində qələbə qazandı və Azərbaycan Çempionatının qalibi oldu.[4] Bu qələbədən sonra sərbəst güləş üzrə Azərbaycan yığmasının baş məşqçisi Məhəmmədxan Araçilov gənc Şərif Şərifovu Azərbaycan yığmasının heyətinə dəvət eləsə də, o, bu dəvətdən imtina elədi.[5] Sonradan isə Məhəmmədxan Araçilov müsahibəsində onu yığmaya dəvət eləmədiyini bildirdi.[6]
Daha sonra Şərif Şərifov həmin ilin aprelində baş tutan Azerbaijan Wrestling Federation Cup beynəlxalq turnirində mübarizə apardı.[7] Həmin turnirdə də Şərif Şərifov qızıl medalın sahibi oldu.[7] Bu qələbədən sonra isə onun Azərbaycan yığmasına gəlişi rəsmləşdi.
Şərif Şərifovun Azərbaycan yığmasının heyətində birinci turniri iyunda baş tutan Heydər Əliyevin xatirəsinə həsr olunan Qızıl Qran-Pri beynəlxalq turniri oldu.[2] Turnirin nəticələrinə əsasən o, bürünc medalın sahibi oldu.[2]
Şərif Şərifov 2008-ci ilin sonlarında baş tutan Azərbaycan Çempionatının da qalibi oldu.[8]
2009-cu il: Dünya Çempionatında bürünc
2009-cu ilin birinci nüfuzlu turniri 31 mart-5 apreldə Litvanın Vilnüs şəhərində baş tutan Avropa Çempionatı oldu.[9] Komandanın məşqçiləri turnirdən əvvəl Avropa Çempionatında mübarizə aparacaq heyəti formalaşdıran zaman, Şərif Şərifov və Novruz Təmrəzov arasında seçim eləməli oldular.[9] Nəticədə məşqçilər Novruz Təmrəzovun turnirdə çıxış eləməsini məqbul hesab elədi. Avropa Çempionatının nəticələrinə əsasən isə Novruz Təmrəzov turnirin bürünc medalına sahib oldu.
Həmin ilin mayında Dağıstanın Mahaçqala şəhərində baş tutan Əli Əliyevin xatirəsinə həsr olunan beynəlxalq turnirdə mübarizə aparan Şərif Şərifov, turnirdə bütün rəqiblərinə qalib gəldi və qızıl medalın sahibi oldu.[10]
Daha sonra Şərif Şərifov 16–20 iyulda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı.[11] Turnirin bürünc medal uğrunda görüşündə Çin Si Requlenq üzərində qələbə qazanan Şərif Şərifov, turnirin bürünc medalına sahib oldu.[12]
Avqustda isə Şərif Şərifov Polşada baş tutan Poland Open beynəlxalq turnirinin bürünc medalına sahib oldu.[13] Avqustun ortalarında isə sərbəst güləş üzrə Azərbaycan yığmasının məşqçiləri son bir ay ərzində beynəlxalq turnirlərdə medallara sahib olan 20 yaşlı Şərif Şərifovu sentyabrda baş tutacaq Dünya Çempionatında mübarizə aparacaq heyətə daxil elədilər.[14][15]
Dünya Çempionatı 20–28 sentyabrda Herninq şəhərində baş tutdu.[16] Dünya Çempionatlarında debüt edən Şərif Şərifov sentyabrın 22-də mübarizə apardı.[16] Təsnifat mərhələsindən azad olan Şərif Şərifov 1/16 final mərhələsində Belarus nümayəndəsi Alexey İsayev ilə üz-üzə gəldi.[17][18] Həmin görüşdə Şərif Şərifov rəqibinə 2:0 (2:1, 4:0) hesabı ilə qalib gəldi və 1/8 final mərhələsinə adladı.[18] Bu mərhələdə onun rəqibi ABŞ nümayəndəsi Co Herbert oldu.[18] Gərgin idman mübarizəsi şəraitində baş tutan görüşün birinci hissəsində 4:2 hesabı ilə Herbert, növbəti hissəsində isə 4:0 hesabı ilə Şərifov qalib gəldi.[18] Həlledici hissədə isə üstün tərəf Co Herbert oldu.[18] Bununla da Şərif Şərifov final uğrunda mübarizəsini dayandırdı.[18] Rəqibi final görüşünə vəsiqə qazandığına görə Şərif Şərifov təsəlliverici qrupda mübarizə apardı.[18] Həmin qrupun birinci görüşündə onun rəqibi Almaniya nümayəndəsi David Biçinaşvili idi.[18] Amma David Biçinaşvili turnirin birinci mərhələsində zədələnmişdi və buna görə də bu görüşdə mübarizə apara bilmədi.[18] Şərif Şərifovun növbəti rəqibi Türkiyə nümayəndəsi Göyhan Yavaşer oldu.[18] Həmin görüşdə Şərif Şərifov rəqibinə 2:0 (2:0, 4:0) hesabı ilə qalib gəldi və turnirin bürünc medal uğrunda görüşünə vəsiqə qazandı.[18] Həlledici görüşdə isə onun rəqibi Rusiya nümayəndəsi Abdulsalam Qadisov oldu.[18] Gərgin idman mübarizəsi şəraitində baş tutan görüşün birinci hissəsində 1:0 hesabı ilə qalib gələn Şərif Şərifov, növbəti hissədə də rəqibi üzərində qələbə qazandı (2:0) və Dünya Çempionatının bürünc medalına sahib oldu.[18][19] Bu 20 yaşlı Şərif Şərifovun mübarizə apardığı birinci nüfuzlu turnirində birinci medalı idi.
2009-cu ilin sonlarında isə Şərif Şərifov güləş üzrə Azərbaycan Kubounun sahibi oldu.[20]
2010-cu il: Avropa Çempionatında final
Şərif Şərifovun 2010-cu ildə birinci turniri 12–14 fevralda İstanbul şəhərində baş tutan Yaşar Doğunun xatirəsinə həsr olunan beynəlxalq turnir idi.[21] Finala gedən yolda bütün rəqiblərinə qalib gələn Şərif Şərifov, həlledici görüşdə Rusiya nümayəndəsi Albert Satirov üzərində qələbə qazandı və turnirin qalibi oldu.[22][23]
Komanda daxili rəqabətdə Novruz Təmrəzovdan üstün olan gənc Şərif Şərifov, tədricən sərbəst güləş üzrə Azərbaycan yığmasının "bir nömrəsi" olurdu.[2] 2010-cu ilin birinci nüfuzlu turniri 12–18 apreldə Azərbaycanda baş tutan Avropa Çempionatı oldu.[2] Komandanın məşqçiləri ötən il Avropa Çempionatında mübarizə aparmayan Şərif Şərifova bu səfər şans verdilər.[24] Şərif Şərifovun turnirin 1/8 final mərhələsində rəqibi KYRM nümayəndəsi Dejan Boqdanov idi.[25][26] Həmin görüşdə Şərif Şərifov rəqibinə 2:0 hesabı ilə qalib gəldi və 1/4 final mərhələsinə adladı.[26] Bu mərhələdə isə onun rəqibi Fransa nümayəndəsi Səid İtayev oldu.[26] Bu görüşdə də Şərif Şərifov rəqibinə 2:0 hesabı ilə qalib gəldi və turnirin yarım-final mərhələsinə adladı.[26] Finala gedən yolda onun rəqibi Rumıniya nümayəndəsi Georgita Stefa oldu.[26] Həmin görüşdə Şərif Şərifov rəqibi üzərində 24 saniyə ərzində təmiz qələbə qazandı və Avropa Çempionatının final görüşünə vəsiqə qazandı.[26] Həlledici görüşdə onun rəqibi Rusiya nümayəndəsi Anzor Urişev oldu.[26] Gərgin idman mübarizəsi şəraitində baş tutan görüşdə Şərif Şərifov rəqibinə məğlub oldu və Avropa Çempionatının gümüş medalına sahib oldu.[26]
Avropa Çempionatından sonra Şərif Şərifov iyunda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı.[27] Həmin turnirdə o, bürünc medalın sahibi oldu.[28]
2010-cu ilin əsas turniri isə sentyabrda Rusiyada baş tutan Dünya Çempionatı oldu.[29] Şərif Şərifov həmin Dünya Çempionatında mübarizə aparmadı.[30] Sərbəst güləş üzrə Azərbaycan yığmasının baş məşqçisi Saypulla Absaidov Dünya Çempionatından əvvəl müsahibəsində "turnirdə Şərif Şərifovun mübarizə aparmasını istədiyin, amma onun turnirə psixoloji cəhətdən hazır olmadığına görə Novruz Təmrəzovun turnirdə çıxış edəcəyini" bildirdi.[30]
Avropa Çempionatından sonra Şərif Şərifovun birinci turniri Rusiyanın Xasavyurt şəhərində baş tutan Komandalararası Alrosa Cup beynəlxalq turniri oldu.[31] Nəticələrinə əsasən Azərbaycan yığması turniri dördüncü pillədə başa vurdu.[32]
2010-cu ilin sonlarında isə Şərif Şərifov güləş üzrə Azərbaycan Kubounun sahibi oldu.[33]
2011-ci il: İstanbulda qazanılan Dünya çempionluğu
Şərif Şərifovun 2011-ci ildə birinci turniri 28 mart-4 apreldə Almaniyanın Dortmund şəhərində baş tutan Avropa Çempionatı oldu.[34][35] Şərif Şərifov Avropa Çempionatında martın 30-da mübarizə apardı.[36] Şərif Şərifovun təsnifat mərhələsində rəqibi Almaniya nümayəndəsi David Biçinaşvili oldu.[36] Həmin görüşdə Şərif Şərifov rəqibinə 2:0 hesabı ilə qalib gəldi və 1/8 final mərhələsinə adladı.[36] Bu mərhələdə onun rəqibi Ukrayna nümayəndəsi İbrahim Aldatov oldu.[36] Həmin görüşdə Şərif Şərifov rəqibinə 2:1 hesabı ilə qalib gəldi və turnirin 1/4 final mərhələsinə adladı.[36] Bu mərhələdə isə onun rəqibi Yunanıstan nümayəndəsi Emzarios Bentinidis oldu.[36] Gərgin idman mübarizəsi şəraitində baş tutan görüşdə Şərif Şərifov rəqibinə 2:1 hesabı ilə qalib gəldi və çempionatın yarım-final mərhələsinə adladı.[36] Finala gedən yolda isə onun rəqibi Rusiya nümayəndəsi Anzor Urişev oldu.[36] Keçən il Avropa Çempionatının final görüşündə məğlub olduğu rəqibinə Şərif Şərifov bu səfər də məğlub oldu və mübarizəni bürünc medal uğrunda görüşdə davam elədi.[36] Bu görüşdə isə onun rəqibi Polşa nümayəndəsi Maciej Balavender oldu.[36] Həmin görüşdə Şərif Şərifov rəqibinə 2:0 (2:0, 4:1) hesabı ilə qalib gəldi və Avropa Çempionatının bürünc medalına sahib oldu.[36]
Avropa Çempionatından sonra Şərif Şərifov Dağıstanın Mahaçqala şəhərində baş tutan Əli Əliyevin xatirəsinə həsr olunan beynəlxalq turnirdə mübarizə apardı.[37] Turnirin final görüşündə Rusiya nümayəndəsi Məhəmməd İbrahimov üzərində qələbə qazanan Şərif Şərifov, turnirin qalibi oldu.[38][39]
Daha sonra Şərif Şərifov 8–10 iyulda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirdə mübarizə apardı.[40] Finala gedən yolda Moldova nümayəndəsi Petro Yanulova, Bolqarıstan nümayəndəsi Mixail Qaneva və Gürcüstan nümayəndəsi Laçixo Qitiaşviliyə qalib gələn Şərif Şərifov, final görüşündə Türkiyə nümayəndəsi Sərdar Böge üzərində qələbə qazandı və Qızıl Qran-Pri beynəlxalq turnirin qalibi oldu.[41] Bu turnirdən sonra bütün diqqətlər sentyabrda baş tutacaq Dünya Çempionatında oldu.[42]
Dünya Çempionatı 12–18 sentyabrda İstanbul şəhərində baş tutdu.[43] Şərif Şərifov təsnifat mərhələsində Cənubi Koreya nümayəndəsi Yon Can-U ilə üz-üzə gəldi.[44] Həmin görüşün birinci hissəsində 6:0, növbəti hissəsində isə 2:0 hesabı ilə qalib gələn Şərif Şərifov 1/16 final mərhələsinə adladı.[44] Bu mərhələdə onun rəqibi ABŞ nümayəndəsi Kel Sanderson oldu.[44] Kal Sanderson 2004-cü il Afina Olimpiadasının qalibi olan təcrübəli güləşçi idi. Həmin görüşün birinci hissəsində 4:1 hesabı ilə qalib gələn Şərif Şərifov, növbəti hissədə də rəqibinə 4:1 hesabı ilə qalib gəldi və 1/8 final mərhələsinə adladı.[44] Bu mərhələdə onun rəqibi Qazaxıstan nümayəndəsi Yerme Bayduaşov oldu.[44] Bu görüşdə də Şərif Şərifov rəqibi üzərində qələbə qazandı (4:0, 4:0) və turnirin 1/4 final mərhələsinə adladı.[44] Bu mərhələdə onun rəqibi İran nümayəndəsi Alireza Qudarzi oldu.[44] Gərgin idman mübarizəsi şəraitində baş tutan görüşün birinci hissəsində 2:1 hesabı ilə qalib gələn Şərif Şərifov, növbəti hissədə rəqibinə 4:1 hesabı ilə qalib gəldi və Dünya Çempionatının yarım-final mərhələsinə adladı.[44] Finala gedən yolda onun rəqibi Rusiya nümayəndəsi Albert Saritov oldu.[44] Görüşün birinci hissəsində Şərif Şərifov rəqibinə 4:1 hesabı ilə qalib gəldi.[44] Görüşün növbəti hissəsi isə gərgin idman mübarizəsi şəraitində baş tutdu və 4:4 hesabı ilə başa çatdı.[44][45] Nəticədə Şərif Şərifov Dünya Çempionatının final görüşünə vəsiqə qazandı.[44] Həlledici görüşdə isə onun rəqibi Ukrayna nümayəndəsi İbrahim Aldatov oldu.[44] Gərgin idman mübarizəsi şəraitində baş tutan görüşün birinci hissəsində rəqibinə 2:0 hesabı ilə qalib gələn Şərif Şərifov, növbəti hissədə də rəqibinə 2:0 hesabı ilə qalib gəldi və Dünya Çempionatının qızıl medalına sahib oldu.[44][46] Bununla da o, Dünya Çempionatının qalibi olan üçüncü azərbaycanlı sərbəst güləşçi oldu. Təltifetmə mərasimindən sonra Şərif Şərifov müsahibəsində əsas məqsədinin 2012-ci ildə baş tutacaq Olimpiya Oyunları olduğunu bildirdi.[47]
2011-ci ilin sonralarında isə Şərif Şərifov London şəhərində (Birləşmiş Krallıq) baş tutan beynəlxalq turnirin qalibi oldu.[48]
2011-ci ildə Dünya Çempionatının qalibi olan Şərif Şərifova Azərbaycan Prezidenti, Azərbaycan Milli Olimpiya Komitəsinin Prezidenti İlham Əliyev tərəfindən yeni mənziln orderini təqdim edildi.[49] Həmçinin Gənclər və İdman Nazirliyinin və Azerisport.com idman portalının versiyasına görə Şərif Şərifov 2011-ci ilin ən yaxşı on idmançısından biri seçildi.[50][51][52]
2012-ci il: London Olimpiadasında qələbə
2012-ci ilin fevralında Beynəlxalq Güləş Federasiyası (FILA) tərəfindən Şərif Şərifov 2011-ci ilin sərbəst güləşçisi seçildi.[53]
Şərif Şərifov 10–12 fevralda baş tutan Yaşar Doğunun xatirəsinə həsr olunan beynəlxalq turnirdə mübarizə apardı.[54] Turnirin final görüşündə Azərbaycan nümayəndəsi Xetaq Qazyumova məğlub olan Şərif Şərifov, turniri gümüş medalla başa vurdu.
Şərif Şərifov 2012-ci ilin martında Serbiyanın Belqrad şəhərində baş tutan Avropa Çempionatında mübarizə aparmadı.[55] Şərif Şərifov London Olimpiadasına hazırlığı fərdi proqramda davam edirdi.
London Olimpiadasından əvvəl Şərif Şərifov mayda Azərbaycanda baş tutan sərbəst güləş üzrə Dünya Kubounda mübarizə apardı.[56] Azərbaycan yığması turnirin qrup mərhələsində Belarus, Bolqarıstan, Qazaxıstan və Rusiya yığmaları ilə birgə "A" qrupunda mübarizə apardı. Qrup mərhələsinin birinci görüşündə Azərbaycan güləşçiləri Bolqarıstan yığmasına 7:0 hesabı ilə qalib gəldi.[57] Komandanın heyətində Şərif Şərifov, rəqibi mübarizə aparmadığına görə qələbə qazandı.[57] Qrup mərhələsinin növbəti görüşündə Azərbaycan güləşçiləri Qazaxıstan yığması ilə üz-üzə gəldi.[58] Bu görüşdə də Azərbaycan yığması rəqibi üzərində 7:0 hesabı ilə inamlı qələbə qazandı.[58] Komandanın heyətində Şərif Şərifov Semyon Semyonova qalib gəldi və qələbədə pay sahibi oldu.[58] Qrup mərhələsinin üçüncü görüşündə Azərbaycan güləşiləri Rusiya yığması ilə üz-üzə gəldi və bu səfər də inamlı qələbə qazandı — 7:0.[59] Komandanın heyətində Şərif Şərifov Məhəmməd İbrahimov üzərində qələbə qazandı və növbəti dəfə qələbədə pay sahibi oldu.[59] Qrup mərhələsinin sonuncu görüşündə Azərbaycan yığması Belarus güləşçiləri ilə üz-üzə gəldi və 6:1 hesabı ilə qalib gəldi.[60] Komandanın heyətində bu səfər Şərif Şərifov Ömərhacı Məmmədov üzərind qələbə qazandı və dördüncü dəfə qələbədə pay sahibi oldu.[60] Qrup mərhələsində dörd görüşün hamısında qalib gələn Azərbaycan yığması, turnirin final görüşünə vəsiqə qazandı. Həlledici görüşdə rəqib — İran güləşçiləri oldu.[61] Gərgin idman mübarizəsi şəraitində baş tutan final görüşündə Azərbaycan yığması İran güləşçilərinə 3:4 hesabı ilə məğlub oldu və turnirin gümüş medalına sahib oldu.[61] Həlledici görüşdə Şərif Şərifov Nəsir Laşqariya qalib gəlsə də, ümumi nəticədə Azərbaycan yığması məğlub oldu.[61] Şərif Şərifov turnirdə beş görüşün hamısında qalib gəldi.[62][63]
XXX Yay Olimpiya Oyunları
.jpg)
2012-ci ilin əsas turniri 25 iyul-12 avqustda Birləşmiş Krallıqın London şəhərində baş tutan XXX Yay Olimpiya Oyunları idi.[2] Ötən il İstanbulda Dünya Çempionatının qalibi olan Şərif Şərifov olimpiadanın favoritlərindən biri idi.[64][65] Şərif Şərifov olimpiadada avqustun 11-də mübarizə apardı.[66] Təsnifat mərhələsindən azad olan Şərif Şərifovun 1/8 final mərhələsində rəqibi Türkiyə nümayəndəsi İbrahim Bölübaşı oldu.[66] Görüşün birinci hissəsində rəqibinə 4:1 hesabı ilə qalib gələn Şərif Şərifov, növbəti hissədə 5:4 hesabı ilə rəqibin üstün oldu və olimpiadanın 1/4 final mərhələsinə adladı.[66][67] Bu mərhələdə onun rəqibi ABŞ nümayəndəsi Co Herbert oldu.[66] Şərif Şərifov Co Herbert ilə 2009-cu ildə baş tutan Dünya Çempionatında üz-üzə gəlmişdi və həmin görüşdə rəqibinə məğlub olmuşdu.[66] Bu səfər isə Şərif Şərifov rəqibi üzərində asan qələbə qazandı.[66] Görüşün birinci hissəsində rəqibinə 4:1 hesabı ilə qalib gələn Şərif Şərifov, növbəti hissədə rəqibindən 6:0 hesabı ilə üstün oldu və olimpiadanın yarım-final mərhələsinə adladı.[66] Finala gedən yolda isə onun rəqibi İran nümayəndəsi Ehsan Laşqari oldu.[66] Gərgin idman mübarizəsi şəraitində baş tutan görüşün birinci hissəsində 1:0 hesabı ilə Şərifov, növbəti hissəsində isə 2:0 hesabı ilə Laşqari qalib gəldi.[66] Görüşün üçüncü hissəsi isə gərgin idman mübarizəsi şəraitində baş tutan və nəticədə Şərif Şərifov rəqibinə 2:1 hesabı ilə qalib gəldi.[66] Bununla da Şərif Şərifov London Olimpiadasının final görüşünə vəsiqə qazandı.[66][68] Həlledici görüşdə onun rəqibi Puerto-Riko nümayəndəsi Cayme Espinal oldu.[66] Görüşün birinci hissəsində Şərif Şərifov rəqibi üzərində inamlı qələbə qazandı — 6:0.[66] Görüşün növbəti hissəsində də Şərif Şərifov rəqibindən üstün oldu — 2:0.[66] Bununla da Şərif Şərifov XXX Yay Olimpiya Oyunlarının qızıl medalına sahib oldu.[66][69][70][71] Final görüşündən sonra Şərif Şərifovun müsahibəsində bunları bildirdi: "Rəqibim barədə heç bir məlumata sahib deyildim. Bundan əvvəl qarşılaşmamışdım. Buna görə də məşqçilərin mənə ehtiyatlı güləşməyi tapşırdı".[72] Şərif Şərifov həm də Azərbaycanın Olimpiya Oyunları tarixində qızıl medala sahib olan birinci milliləşdirilən idmançı oldu.[73]
Azərbaycan Prezidenti İlham Əliyevin 31 sentyabr 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Şərif Naidhacav oğlu Şərifov "Şöhrət" ordeni ilə təltif edildi.[74]
Şərif Şərifov həm də Gənclər və İdman Nazirliyinin versiyasına görə 2012-ci ilin ən yaxşı on idmançısından biri seçildi.
2013-cü il: Olimpiadadan sonra Xetaq Qazyumovla rəqabət
Şərif Şərifov 2013-cü ilin altı ayı ərzində beynəlxalq turnirlərdə, o cümlədən fevralda İranda baş tutan Dünya Kubounda və martda Gürcüstanda baş tutan Avropa Çempionatında mübarizə apardı.[75][76][77] Komandanın məşqçiləri martda Olimpiya çempionları Toğrul Əsgərov və Şərif Şərifovun hələ beynəlxalq turnirlərdə mübarizə aparmayacağlarını bildirdi.[78]
Şərif Şərifovun olimpiadadan sonra birinci turniri iyunda İspaniyanın Madrid şəhərində baş tutan İspaniya Qran-Prisi beynəlxalq turniri oldu.[2] Finala gedən yolda bütün rəqiblərinə qalib gələn Şərif Şərifov, həlledici görüşdə Azərbaycan nümayəndəsi Xetaq Qazyumova məğlub oldu və turnirin gümüş medalın sahibi oldu.[79] Olimpiadadan sonra idman formasını tam bərpa edə bilməyən və rəqabətdə Xetaq Qazyumova məğlub olan Şərif Şərifov, 2013-cü ildə Macarıstanın Budapeşt şəhərində baş tutan Dünya Çempionatında çıxış eləmədi.[80][81][82]
Şərif Şərifovun 2013-cü ildə birinci nüfuzlu turniri 22–24 noyabrda baş tutan Heydər Əliyevin xatirəsinə həsr olunan Qızıl Qran-Pri beynəlxalq turniri oldu.[83] Turnirin final görüşündə Azərbaycan yığmasının liderləri — Şərif Şərifov və Xetaq Qazyumov üz-üzə gəldi.[84] Bu səfər də qalib gələn tərəf Xetaq Qazyumov oldu və Şərif Şərifov turnirin gümüş medalına sahib oldu.[84]
2014-cü il: Uğursuz mövsüm
2014-cü ilin yanvarında Şərif Şərifov sərbəst güləş üzrə Azərbaycan yığmasının heyətində Dubay şəhərində baş tutan təlim-məşq toplanışlarında oldu.[85] 20–24 fevralda isə o, Bolqarıstanın Sofiya şəhərində baş tutan beynəlxalq turnirdə mübarizə apardı.[86] Şərif Şərifov turnirdə bütün rəqiblərinə qalib gəldi və qızıl medalın sahibi oldu.[87]
Komanda daxili rəqabətdə Xetaq Qazyumova məğlub olan Şərif Şərifov, apreldə Finlandiyanın Vantaa şəhərində baş tutan Avropa Çempionatında mübarizə apardı.[88]
Mayda isə Şərif Şərifov Dağıstanın Mahaçqala şəhərində baş tutan Əli Əliyevin xatirəsinə həsr olunan beynəlxalq turnirində mübarizə apardı.[2] Turnirin final görüşündə Rusiya nümayəndəsi Yuri Belonovsiyə məğlub olan Şərif Şərifov, turniri gümüş medalla başa vurdu.[89]
Rəqabətdə Xetaq Qazyumova məğlub olan Şərif Şərifov sentyabrda baş tutan Dünya Çempionatında da mübarizə apara bilmədi.[2] Sərbəst güləş üzrə Azərbaycan yığmasının baş məşqçisi Saypulla Absaidov isə noyabrda müsahibəsində Şərif Şərifovun məşqlərinə ciddi yanaşdığını və yığmanın lideri olmağa çalışdığını bildirdi.[90]
2015-ci il: İdman formasını bərpa eləməsi
Şərif Şərifovun 2015-ci ildə birinci turniri 31 yanvar-1 fevralda Fransanın Paris şəhərində baş tutan Paris Qran-Prisi oldu.[91] Finala gedən yolda bütün rəqiblərinə qalib gələn Şərif Şərifov, həlledici görüşdə İran nümayəndəsi Məhəmmədhüseyn Məhəmmədiyan üzərində qələbə qazandı və turnirin qalibi oldu.[92]
Şərif Şərifovun növbəti turniri 6–8 martda Belarusda baş tutan Alexander Medvedin xatirəsinə həsr olunan beynəlxalq turnir oldu.[93] Finala gedən yolda bütün rəqiblərinə qalib gələn Şərif Şərifov, həlledici görüşdə Azərbaycan nümayəndəsi Xetaq Qazyumova məğlub oldu və turniri gümüş medalla başa vurdu.[94]
Aprel ayında isə Şərif Şərifov Birləşmiş Ştatların Los-Anceles şəhərinin ev sahibliyində baş tutan sərbəst güləş üzrə Dünya Kubounda mübarizə aparacaq Azərbaycan yığmasının heyətində yer aldı.[95] Saypulla Absaidovun rəhbərliyi altında Azərbaycan yığması "A" qrupunda Belarus, İran və Türkiyə yığmaları ilə mübarizə apardı.[96] Azərbaycan yığması birinci görüşdə Türkiyə güləşçiləri ilə üz-üzə gəldi və 7:1 hesabı ilə inamlı qələbə qazandı.[97] Komandanın heyətində Şərif Şərifov İbrahim Bölübaşını 2:0 hesabı ilə məğlub elədi və qələbədə pay sahibi oldu.[97] Növbəti görüşdə Azərbaycan güləşçiləri Belarus yığması ilə qarşılaşdı.[97] Bu görüşdə də Azərbaycan yığması rəqibi üzərində 6:2 hesabı ilə inamlı qələbə qazandı.[97] Komandanın heyətində Şərif Şərifov İvan Yanusini 11:1 hesabı ilə məğlub elədi və qələbədə pay sahibi oldu.[97] Qrup mərhələsinin sonuncu görüşündə Azərbaycan güləşçiləri İran yığması ilə üz-üzə gəldi.[98] Bu görüşdə İran yığması tam üstün nəticə göstərdi və Azərbaycan güləşçiləri üzərində 7:1 hesabı ilə inamlı qələbə qazandı.[98] Komandanın heyətində Şərif Şərifov Reza Yazdaniya 10:1 hesabı ilə qalib gəlsə də, ümumi nəticədə Azərbaycan yığması məğlub oldu.[98] Qrup mərhələsinin nəticələrinə əsasən İran yığması final görüşünə, Azərbaycan yığması üçün bürünc medal uğrunda görüşə vəsiqə qazandı.[98] Bürünc medal uğrunda görüşdə Azərbaycan yığması Rusiya güləşçiləri ilə üz-üzə gəldi.[98] Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan güləşçiləri qalib gəldi.[98] Komandanın heyətində Şərif Şərifov Yuni Belonosiya qalib gəldi və bürünc medalda pay sahibi oldu.[98] Bununla da Azərbaycan yığması sərbəst güləş üzrə Dünya Kubounun bürünc medalına sahib oldu.[98] Ümumi olaraq isə turnir ərzində Azərbaycan yığmasının heyətində fərqlənin güləşçilər, mübarizə apardığı bütün görüşlərdə qalib gələn Şərif Şərifov oldu.
2015-ci ilin əsas turnirlərindən biri 12–28 iyunda baş tutan I Avropa Oyunları oldu. Komanda daxili rəqabətdə Şərif Şərifov Xetaq Qazyumova məğlub olduğuna görə həmin turnirdə mübarizə aparmadı.[99] Şərif Şərifov həmçinin sentyabrda Birləşmiş Ştatların Las-Veqas şəhərində baş tutan Dünya Çempionatında da mübarizə aparmadı.
Şərif Şərifov 26–30 noyabrda baş tutan Heydər Əliyevin xatirəsinə həsr olunan Qızıl Qran-Pri beynəlxalq turnirində mübarizə apardı.[100][101] Finala gedən yolda Ukrayna nümayəndəsi Vladimir Andreytseva 8:2, Azərbaycan nümayəndəsi Aslanbəy Alborova 4:2 və ABŞ nümayəndəsi Co Berqmana 2:2 hesabı ilə qalib gələn Şərif Şərifov, həlledici görüşdə Gürcüstan nümayəndəsi Elizbar Odixadzeya 2:4 hesabı ilə məğlub oldu və Qızıl Qran-Pri beynəlxalq turnirini gümüş medalla başa vurdu.[102]
2015-ci ilin sonlarında Şərif Şərifov Azərbaycan Çempionatında mübarizə apardı. Turnirin final görüşündə Nurməhəmməd Hacıyev üzərində qələbə qazanan Şərif Şərifov, Azərbaycan Çempionatının qalibi oldu.[103][104]
2016-cı il: Rio-de-Janeyro Olimpiadasında bürünc
Şərif Şərifovun 2016-cı ildə birinci turniri 5–8 fevralda İstanbul şəhərində baş tutan Yaşar Doğunun xatirəsinə həsr olunan beynəlxalq turnir oldu.[105] Həmin turnirdə Şərif Şərifov uğursuz mübarizə apardı və nəticədə turniri 20-ci pillədə başa vurdu.
Daha sonra Şərif Şərifov 8–14 martda Latviyanın Riqa şəhərində baş tutan Avropa Çempionatında mübarizə apardı.[106] Amma turnirin məşqində zədə alan Şərif Şərifov, çempionatda mübarizə apara bilmədi.[107]
Şərif Şərifov 2012-ci il London Olimpiadasında qələbədən sonra heç bir nüfuzlu beynəlxalq turnirdə uğur qazana bilməsə də, avqustda Braziliyanın Rio-de-Janeyro şəhərində baş tutacaq XXXI Yay Olimpiya Oyunlarında mübarizə aparmağa iddialı idi.[108]
XXXI Yay Olimpiya Oyunları
2016-cı ilin əsas turniri 5–22 avqustda Braziliyanın Rio-de-Janeyro şəhərində baş tutan XXXI Yay Olimpiya Oyunları idi.[109] Sərbəst güləş üzrə Azərbaycan yığmasının məşqçiləri tərəfindən oon dörd il ərzində heç bir ciddi uğura imza atmayan London Olimpiadasının qalibi Şərif Şərifovun təcrübəsi nəzərə alındı və onun da Azərbaycan Milli Olimpiya Komandasının heyətində Rio-de-Janeyro Olimpiadasında mübarizə aparmasına qərar verildi.[110]
Avqustun 20-də mübarizə aparan Şərif Şərifovun 1/8 final mərhələsində rəqibi Çin nümayəndəsi Bi Şenqfenq oldu.[111][112] Həmin görüşdə Şərif Şərifov rəqibi üzərində 10:0 hesabı ilə inamlı qələbə qazandı və olimpiadanın 1/4 final mərhələsinə adladı.[112] Bu mərhələdə onun rəqibi Polşa nümayəndəsi Zbiqniev Baranovsxi oldu.[112] Bu görüşdə də Şərif Şərifov rəqibi üzərində inamlı qələbə qazandı (8:0) və olimpiadanın yarım-final mərhələsinə adladı.[112][113] Finala gedən yolda isə onun rəqibi Rusiya nümayəndəsi Abdulrəşid Sadulayev oldu.[112] Karyerası ərzində cəmi bir dəfə məğlub olan Abdulrəşid Sadulayev Avropa və Dünya Çempinonatlarının qalibi idi. Həmin görüşdə Şərif Şərifov rəqibinə 1:8 hesabı ilə məğlub oldu və mübarizəni bürünc medal uğrunda görüşdə davam elədi.[112] Bu görüşdə onun rəqibi Venesuela nümayəndəsi Pedro Keballos oldu.[112] Həmin görüşdə Şərif Şərifov rəqibi üzərində 5:1 hesabı ilə qələbə qazandı və XXXI Yay Olimpiya Oyunlarının bürünc medalına sahib oldu.[112][114][115] Şərif Şərifov turnirdən sonra müsahibəsində bunları bildirdi: "Rio-de-Janeyroya qızıl medal üçün gəlmişdim. Növbəti dəfə olimpiadanın qalibi olmaq istəyirdim. Amma alınmadı. Bürünc medalla razıyam".[116]
Azərbaycan Prezidenti İlham Əliyevin 1 sentyabr 2016-cı il tarixli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Şərif Naidhacav oğlu Şərifov "Tərəqqi" medalı ilə təltif edildi.[117]
2017-ci il: İslam Həmrəyliyi Oyunlarında bürünc
XXXI Yay Olimpiya Oyunlarından sonra Şərif Şərifovun birinci beynəlxalq turniri 2017-ci ilin fevralında oldu.[2] O, sərbəst güləş üzrə Azərbaycan yığmasının heyətində İranın Kirmanşah şəhərinin ev sahibliyində baş tutan sərbəst güləş üzrə Dünya Kubounda çıxış elədi.[118] Azərbaycan yığması "A" qrupunda ABŞ, Gürcüstan və Rusiya yığmaları ilə mübarizə apardı.[119] Azərbaycan yığması birinci görüşdə Rusiya güləşçiləri ilə üz-üzə gəldi.[120] Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən Azərbaycan güləşçiləri qalib gəldi.[120] Komandanın heyətində Şərif Şərifov Vladislav Vəliyevə 1:2 hesabı ilə məğlub oldu.[120] Növbəti görüşdə Azərbaycan güləşçiləri Gürcüstan yığması ilə qarşılaşdı.[120] Bu görüşdə də Azərbaycan yığması rəqibi üzərində qələbə qazandı — 5:3.[120] Komandanın heyətində Şərif Şərifov David Xuçişviliyə 2:2 hesabı ilə məğlub oldu.[120] Qrup mərhələsinin sonuncu görüşündə Azərbaycan güləşçiləri ABŞ yığması ilə üz-üzə gəldi.[121] Gərgin idman mübarizəsi şəraitində baş tutan görüş 4:4 hesabı ilə başa çatsa da, görüşlərdə toplanan hesablara əsasən ABŞ təmsilçiləri qalib gəldi.[121] Qrup mərhələsinin nəticələrinə əsasən ABŞ yığması final görüşünə, Azərbaycan yığması üçün bürünc medal uğrunda görüşə vəsiqə qazandı.[121] Bürünc medal uğrunda görüşdə Azərbaycan yığması Türkiyə güləşçiləri ilə üz-üzə gəldi və 7:1 hesabı ilə inamlı qələbə qazandı.[121] Qələbədə pay sahibi olanlardan biri də Səlim Yaşara üzərində 2:1 hesabı ilə qələbə qazanan Şərif Şərifov oldu.[121] Bununla da Azərbaycan yığması sərbəst güləş üzrə Dünya Kubounun bürünc medalına sahib oldu.[121] Turnir ərzində Şərif Şərifov dörd görüşün cəmi birində qalib gələ bildi.[122]
2–5 mayda Serbiyada baş tutan Avropa Çempionatında mübarizə aparmayan Şərif Şərifov, 12–22 mayda Azərbaycanda baş tutan IV İslam Həmrəyliyi Oyunlarında mübarizə apardı.[123] 1/8 final mərhələsində İraq nümayəndəsi Nəzər Al Muşattata 10:1, 1/4 final mərhələsində isə Pakistan nümayəndəs Məhəmməd İnama 11:1 hesabı ilə qalib gələn Şərif Şərifov, yarım-final mərhələsində İran nümayəndəsi Həsən Yazdaniyə 0:11 hesabı ilə məğlub oldu və mübarizəni bürünc medal uğrunda görüşdə davam elədi. Bu görüşdə isə Şərif Şərifov Tacikistan nümayəndəsi Bahadur Kodirov üzərində vaxtından əvvəl 11:0 hesabı ilə qələbə qazandı və IV İslam Həmrəyliyi Oyunlarının bürünc medalına sahib oldu.[124][125][126]
Sentyabrda Fransada baş tutan Dünya Çempionatında da mübarizə aparmayan Şərif Şərifovun növbəti turniri 11–12 noyabrda Rusiyada baş tutan Komandalararası Alroca Sup beynəlxalq turniri oldu.[127] Turnirin final görüşündə Rusiya güləşçilərinə məğlub olan Azərbaycan yığması, turniri gümüş medalla başa vurdu.[128]
Daha sonra Şərif Şərifov 18–20 noyabrda Cənubi Osetiyanın Vladiqafqaz şəhərində baş tutan beynəlxalq turnirdə mübarizə apardı.[129] Turnirin final görüşündə məğlub olan Şərif Şərifov, gümüş medalın sahibi oldu.[130]
Şərif Şərifov 2017-ci ilin sonlarında Azərbaycan Çempionatında mübarizə apardı. Turnirin final görüşündə Məhəmmədhacı Xatiyev üzərində qələbə qazanan Şərif Şərifov, Azərbaycan Çempionatının qalibi oldu.[131][132]
2018-ci il: Avropa Çempionatında gümüş
Şərif Şərifovun 2018-ci ildə birinci turniri 22–25 fevralda Kiyev şəhərində baş tutan beynəlxalq turnir oldu.[133] Turnirdə bütün rəqiblərinə qalib gələn Şərif Şərifov, qızıl medalın sahibi oldu.[134][135]
Bu turnirdən sonra Şərif Şərifov zədələndi və aprelə qədər beynəlxalq turnirlərdə mübarizə apara bilmədi.[136] Şərif Şərifov 30 aprel-6 mayda Rusiyanın Xəzərli şəhərində baş tutan Avropa Çeçmpionatında mübarizə apardı.[137][138] Yeddi ildən sonra Avropa Çempionatlarında çıxış edən Şərif Şərifov, mayın 5-də mübarizə apardı.[139][140] Təsnifat mərhələsindən azad olan Şərif Şərifov 1/4 final mərhələsində Moldova nümayəndəsi Nicolae Çeban ilə üz-üzə gəldi.[139] Həmin görüşdə Şərif Şərifov rəqibi üzərində 10:0 hesabı ilə inamlı qələbə qazandı və turnirin yarım-final mərhələsinə adladı.[139] Finala gedən yolda isə onun rəqibi Türkiyə nümayəndəsi Sərdar Böge oldu.[139] Bu görüşdə də Şərif Şərifov rəqibi üzərində inamlı qələbə qazandı (10:0) və 8 ildən sonra Avropa Çempionatının final görüşünə vəsiqə qazandı.[139][141] Mayın 6-da həlledici görüşdə onun rəqibi Rusiya nümayəndəsi Abdulrəşid Sadulayev oldu.[142] Abdulrəşid Sadulayev 2016-cı il Rio-de-Janeyro Olimpiadasının, Dünya və Avropa Çempionatlarının qalibi olan titullu güləşçi idi. Həmin görüşdə Şərif Şərifov rəqibinə 1:2 hesabı ilə məğlub oldu və Avropa Çempionatını gümüş medalla başa vurdu.[142] Şərif Şərifov müsahibəsində bunları bildirdi: "Abdulrəşid Sadulayev lider güləşçidir. Onun üzərində qələbə qazanmaq üçün ideal forman və əzmin olmalıdır. Mən qələbə əzmi var idi. Qələbəyə hazır idim. Amma alınmadı".[143][144]
Avropa Çempionatından sona Şərif Şərifov 14–16 sentyabrda Belarusda baş tutan Alexander Medvedin xatirəsinə həsr olunan beynəlxalq turnirdə mübarizə apardı.[145] Turnirin final görüşündə Rusiya nümayəndəsi Əlixan Cəbrayılova qalib gələn Şərif Şərifov, qızıl medalın sahibi oldu.[146][147]
2018-ci ilin əsas turniri Macarıstanın Budapeşt şəhərində baş tutan Dünya Çempionatı oldu. Mayda Avropa Çempionatının gümüş medalına sahib olan Şərif Şərifov yeddi ildən sonra birinci dəfə Dünya Çempionatında mübarizə aparırdı.[148] Təsnifat mərhələsindən azad olan Şərif Şərifovun birinci rəqibi 1/8 final mərhələsində İran nümayəndəsi Əlireza Kərimi oldu.[149][150] Həmin görüşdə Şərif Şərifov rəqibinə 0:8 hesabı ilə məğlub oldu və Dünya Çempionatında mübarizəsini dayandırdı.[150][151][152]
Dünya Çempionatından sonra Şərif Şərifov Çeçenistanın Qroznı şəhərində baş tutan Əhməd Kadırovun xatirəsinə həsr olunan beynəlxalq turnirdə mübarizə apardı.[153] Komandalararası beynəlxalq turnirin nəticələrinə əsasən Azərbaycan yığması bürünc medalın sahibi oldu.[154]
2018-ci ilin sonlarında isə Şərif Şərifov Cənubi Osetiyanın Vladiqafqaz şəhərində baş tutan Alany Open beynəlxalq turnirində mübarizə apardı.[155] Turnirin yarım-final mərhələsində məğlub olan Şərif Şərifov, bürünc medal uğrunda görüşdə Rusiya nümayəndəsi Əhməd Batayeva qalib gəldi və turnirin bürünc medalına sahib oldu.[156][157]
2019-cu il: Buxarestdə Avropa çempionluğu
Şərif Şərifovun 2019-cu ildə birinci turniri 6–8 fevralda İranın Tehran şəhərində baş tutan Taxti Cup beynəlxalq turniri oldu.[158] Nəticədə Şərif Şərifov turnirin bürünc medalına sahib oldu.[159][160]
2019-cu ilin birinci nüfuzlu turniri 8–14 apreldə Rumıniyanın Buxarest şəhərində baş tutan Avropa Çempionatı oldu.[161] Təsnifat mərhələsindən azad olan Şərif Şərifovun birinci rəqibi 1/4 final mərhələsində Rusiya nümayəndəsi Məhəmməd Qurbanov oldu.[162][163] Gərgin idman mübarizəsi şəraitində baş tutan görüşdə Şərif Şərifov rəqibinə 6:2 hesabı ilə qalib gəldi və turnirin yarım-final mərhələsinə adladı.[163] Finala gedən yolda onun rəqibi Gürcüstan nüayəndəsi İraxli Mtsituri oldu.[163] Bu görüşdə gərgin idman mübarizəsi şəraitində baş tutdu və nəticədə Şərif Şərifov rəqibinə 8:2 hesabı ilə qalib gəldi və növbəti dəfə Avropa Çempionatının final görüşünə vəsiqə qazandı.[163] Həlledici görüşdə onun rəqibi Polşa nümayəndəsi Zbiqniev Baranovsxi oldu.[164] Bu görüşdə Şərif Şərifov rəqibi üzərində 10:1 hesabı ilə inamlı qələbə qazandı və Avropa Çempionatının qalibi oldu.[164][165] Bununla da Şərif Şərifov üç nüfuzlu turnirin — Olimpiya Oyunlarının, Dünya və Avropa Çempionatlarının qalibi olmağı bacaran birinci azərbaycanlı güləşçi, ümumi olaraq isə üçüncü azərbaycanlı idmançı oldu.[166] Şərif Şərifov Avropa Çempionatından sonra müsahibəsində bunları bildirdi: "mən Avropa Çempionatlarında 2010-cu ildə debüt eləmişdim. Dördüncü cəhddən sonra nəhayət çempion ola bildim. Uzun fasilədən sonrai deal formamı bərpa edə bildim. Buna görə bütün məşqçilərimə minnətdaram."[167]
Avropa Çempionatından sonra Şərif Şərifov 1–4 mayda Dağıstanda baş tutan Əli Əliyevin xatirəsinə həsr olunan beynəlxalq turnirdə mübarizə apardı.[168] Turnirin final görüşündə Şərif Şərifov qalib gəldi və qızıl medalın sahibi oldu.[169]
2019-cu ilin əsas turniri 14–22 sentyabrda Qazaxıstanın Nur-Sultan şəhərində baş tutan Dünya Çempionatı oldu.[170] Bu turnir 2020-ci ildə Yaponiyada baş tutacaq XXXII Yay Olimpiya Oyunlarına lisenziya verirdi.[171][172] Şərif Şərifovun təsnifat mərhələsində rəqibi Cənubi Koreya nümayəndəsi Son Min-Von oldu.[173][174] Həmin görüşdə Şərif Şərifov rəqibinə 11:4 hesabı ilə qalib gəldi və 1/8 final mərhələsinə adladı.[174] Bu mərhələdə onun rəqibi Ukrayna nümayəndəsi Valeri Andreytsev oldu.[174] Bu görüşdə də Şərif Şərifov rəqibinə qalib gəldi (4:0) və 1/4 final mərhələsinə adladı.[174] Bu mərhələdə onun rəqibi Gürcüstan nümayəndəsi Elizbar Odixadze oldu.[174] Bu görüşdə Şərif Şərifov rəqibi üzərində 6:0 hesabı ilə inamlı qələbə qazandı və turnirin yarım-final mərhələsinə adladı.[174][175] Finala gedən yolda isə onun rəqibi ABŞ nümayəndəsi Keli Sneyder oldu.[174] 2015 və 2017-ci illərdə Dünya Çempionatlarının qalibi olan Keli Sneyer, 2016-cı il Rio-de-Janeyro Olimpiadasının da qalibi idi. Gərgin idman mübarizəsi şəraitində baş tutan görüşdə Şərif Şərifov rəqibinə 5:2 hesabı ilə qalib gəldi və Dünya Çempionatının final görüşünə vəsiqə qazandı.[174][176] Bu qələdə güləş aləmində sensassiya olaraq qəbul edildi.[177] Həmin görüşdə sonra Şərif Şərifov müsahibəsində "Onun görüşlərini təhlil eləmişdim. Strategiyam onun hücumlarından müdafiə olunmaq idi." bildirdi.[178] Sentyabrın 22-də baş tutan final görüşündə isə Şərif Şərifovun rəqibi Rusiya nümayəndəsi Abdulrəşid Sadulayev oldu.[179] Bundan əvvəl 2016 və 2018-ci illərdə Abdulrəşid Sadulayeva məğlub olan Şərif Şərifov, bu səfər də rəqibinə məğlub oldu (0:4) və Dünya Çempionatını gümüş medalla başa vurdu.[179][180] Şərif Şərifov final görüşündə sonra müsahibəsində "Əla formada idim. Abdulrəşid Sadulayevə qalib gələ bilərdim. Buna inanırdım. Amma alınmadı." bildirdi.[181]
Dünya Çempionatından sonra Şərif Şərifov 28–30 noyabrda Rusiyada baş tutan Alrosa Cup beynəlxalq turnirində mübarizə apardı.[182] Finala gedən yolda bütün rəqiblərinə qalib gələn Şərif Şərifov, həlledici görüşdə Rusiya nümayəndəsi Əlixan Cəbrayılova məğlub oldu (2:5) və turniri gümüş medalla başa vurdu.[183][184]
2020-ci il: COVID-19 pandemiyası səbəbilə fasilə
2020-ci ilin əsas turniri avqustda Yaponiyada baş tutacaq XXXII Yay Olimpiya Oyunları idi. Şərif Şərifov olimpiadaya hazırlıq prosesi fevralda Rusiyada başladı.[185][186]
2020-ci ilin əvvəlindən etibarən bütün dünyanı cənginə alan COVID-19 pandemiyası ilə bağlı bir sıra turnirlər təxirə salındı. Əvvəlcə mart ayında baş tutmalı olan Avropa Olimpiya Təsnifat Turniri, sonra isə may ayında baş tutmalı olan Dünya Olimpiya Təsnifat Turniri Ümumdünya Güləş Birliyinin (UWW) qərarına əsasən təxirə salındı.[187][188] Nəhayət 2020-ci il martın 24-də Beynəlxalq Olimpiya Komitəsi (BOK) tərəfindən 2020-ci ilin iyul-avqust aylarında baş tutması nəzərdə tutulan XXXII Yay Olimpiya Oyunlarının 2021-ci ilə təxirə salınması barədə qərar qəbul edildi.
2021-ci il: Olimpiadada uğursuzluq və idmanla vidalaşması
Şərif Şərifovun 2021-ci ildə birinci turniri 14–18 yanvarda Fransanın Nitsa şəhərində baş tutan Fransa Qran-Prisi oldu.[189][190] Şərif Şərifov qrup mərhələsinin birinci görüşündə Gürcüstan nümayəndəsi Qiti Matsaraşviliyə 4:8 hesabı ilə məğlub olsa da, növbəti görüşdə Rumıniya nümayəndəsi Mixael Manyaya 11:0 hesabı ilə qalib gəldi və turnirin yarım-final mərhələsinə adladı.[191] Bu mərhələdə onun rəqibi ABŞ nümayəndəsi Keli Sneyder oldu. Amma Şərif Şərifov zədə səbəbindən nə yarım-final mərhələsində, nə də bürünc medal uğrunda görüşdə mübarizə apara bilmədi və turniri dördüncü pillədə başa vurdu.[192][193]
2021-ci ilin fevralında Şərif Şərifov sərbəst güləş üzrə Azərbaycan yığmasının heyətində Mahaçqala şəhərində təlim-məşq toplanışlarında oldu.[194] Təlim-məşq toplanışlarından sonra Azərbaycan yığması 26–28 fevralda Kiyev şəhərində baş tutan beynəlxalq turnirdə mübarizə apardı. Şərif Şərifov da turnirdə mübarizə aparacaq yığmanın heyətinə daxil edilsə də, sonda zədə səbəbindən turnirdə çıxış edə bilmədi.[194][195][196]
Mahaçqala şəhərində təlim-məşq toplanışlarına davam edən Şərif Şərifov, 8–14 iyunda Polşanın Varşava şəhərində baş tutan Poland Open beynəlxalq turnirində mübarizə apardı.[197][198] Şərif Şərifov təsnifat mərhələsindəcə İtaliya nümayəndəsi Abraham de Xesus Ruanoya məğlub oldu (2:0) və turnirdə mübarizəsinə dayandırdı.[199][200]
Şərif Şərifovun olimpiadadan əvvəl sonuncu turniri iyunda İstanbul şəhərində baş tutan Yaşar Doğunun xatirəsinə həsr olunan beynəlxalq turnir oldu.[201] Turnirin 1/4 final mərhələsində Tunis nümayəndəsi Məhəməd Sadauya 12:0 hesabı ilə qalib gələn Şərif Şərifov, yarım-final mərhələsində Gürcüstan nümayəndəsi Qivi Matçaraşvilidən üstün oldu (4:0) və turnirin final görüşünə vəsiqə qazandı.[202] Həlledici görüşdə isə Şərif Şərifov Türkiyə nümayəndəsi Mustafa Səssiz üzərində qələbə qazandı (4:0) və Yaşar Doğunun xatirəsinə həsr olunan beynəlxalq turnirin qalibi oldu.[203] Bundan sonra bütün diqqətlər iyulda Yaponiyada baş tutacaq olimpiada da oldu.[204][205]
XXXII Yay Olimpiya Oyunları
2021-ci ilin əsas turniri 22 iyul-8 avqustunda Yaponiyada baş tutan XXXII Yay Olimpiya Oyunları idi.[206][207] Şərif Şərifov olimpiadada avqustun 6-da mübarizə apardı.[208] Onun 1/8 final mərhələsində rəqibi turnirin "bir nömrəli" favoriti olan Rusiya Olimpiya Komitəsinin nümayəndəsi Abdulrəşid Sadulayev idi.[208][209] Həmin görüşdə Şərif Şərifov rəqibinə 0:5 hesabı ilə məğlub oldu.[209][210] Abdulrəşid Sadulayev final görüşünə vəsiqə qazandığına görə Şərif Şərifov təsəlliverici qrupda mübarizə apardı.[209][211] Avqustun 7-də isə Şərif Şərifov təsəlliverici qrupun birinci görüşündə Gürcüstan nümayəndəsi Elizbar Odixadze ilə üz-üzə gəldi.[212] Gərgin idman mübarizəsi şəraitində Şərif Şərifov rəqibinə 8:5 hesabı ilə qalib gəldi və bürünc medal uğrunda görüşə vəsiqə qazandı.[212] Bu görüşdə isə onun rəqibi Kuba nümayəndəsi Reyneris Salas oldu.[212] Bu görüşdə gərgin idman mübarizəsi şəraitində baş tutdu.[212] Nəticədə isə görüş 3:3 hesabı ilə başa çatdı və son balı Kuba nümayəndəsi Reyneris Salas qazandığına görə görüşün qalibi oldu.[212][213] Şərif Şərifov isə XXXII Yay Olimpiya Oyunlarını beşinci pillədə başa vurdu.[214][215]
Olimpiya Oyunlarından sonra 32 yaşlı Şərif Şərifov idmanla vidalaşdı.
Remove ads
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.jpg)
"Şöhrət" ordeni — Azərbaycan Prezidenti İlham Əliyevin 31 avqust 2012-ci il tarixli 2399 nömrəli Sərəncamına əsasən XXX Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Şərif Naidhacav oğlu Şərifov "Şöhrət" ordeni ilə təltif edildi.[216]
"Tərəqqi" medalı — Azərbaycan Prezidenti İlham Əliyevin 1 sentyabr 2016-cı il tarixli 2292 nömrəli Sərəncamına əsasən XXXI Yay Olimpiya Oyunlarında qazandığı nailiyyətlərə və Azərbaycan idmanında xidmətlərinə görə Şərif Naidhacav oğlu Şərifov "Tərəqqi" medalı ilə təltif edildi.[217]
"Azərbaycan Xalq Cümhuriyyətinin 100 illiyi (1918–2018)" yubiley medalı — Azərbaycan Prezidenti İlham Əliyevin 27 may 2019-cu il tarixli Sərəncamına əsasən Azərbaycanın ictimai-siyasi həyatında xüsusi xidmətlərinə görə Şərif Naidhacav oğlu Şərifov "Azərbaycan Xalq Cümhuriyyətinin 100 illiyi (1918–2018)" yubiley medalı ilə təltif edildi.
.svg){kind=small}
_BAR.svg){kind=small}
_Jubilee_Medal_BAR.svg){kind=small}
Remove ads
- Gənclər və İdman Nazirliyinin versiyasına görə 2011-ci ilin ən yaxşı on idmançısından biri.
- Azerisport.com idman portalının versiyasına görə 2011-ci ilin ən yaxşı on idmançısından biri.
- Beynəlxalq Güləş Federasiyasının (FILA) versiyasına görə 2011-ci ilin sərbəst güləşçisi.
- Gənclər və İdman Nazirliyinin versiyasına görə 2012-ci ilin ən yaxşı on idmançısından biri.
- Azerisport.com portalının oxucularına görə 2015-ci ilin yanvar ayının ən yaxşı iinci idmançı (24% səslə).[218][219]
- Gənclər və İdman Nazirliyinin versiyasına görə 2016-cı ilin ən yaxşı 20 idmançısından biri.
- Azerisport.com idman portalının versiyasına görə 2019-cu ilin ən yaxşı on idmançısından biri.[220]
Remove ads
- Olimpiya Oyunlarının, Dünya və Avropa Çempionatlarının qalibi olan birinci Azərbaycan güləşçisi (2019).
Şərif Şərifov 2020-ci ilin sentyabr-noyabr aylarında Dağlıq Qarabağ və ətraf rayonlarda aparılan hərbi əməliyyatlar zamanı Ermənistan tərəfinin işğalçılıq siyasəti apardığını bildirdi.[221]
- 2020-ci ildə baş tutmalı olan turnir, dünyanı cənginə alan COVID-19 (Koronavirus) pandemiyasına görə 2021-ci ilə təxirə salındı
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads