Naqoya Şəhər Kanalizasiya Elmi Muzeyi
From Wikipedia, the free encyclopedia
From Wikipedia, the free encyclopedia
Naqoya Şəhər Kanalizasiya Elmi Muzeyi (名古屋市下水道科学館?) – Yaponiyanın Ayçi prefekturasının Naqoya şəhərində yerləşən kanalizasiya muzeyi.
Naqoya Şəhər Kanalizasiya Elmi Muzeyi | |
---|---|
Açılış tarixi | iyul 1989 |
Ölkə | |
Yerləşir | Meyco 1-çome[d] |
35°11′31″ şm. e. 136°54′10″ ş. u.HGYO | |
waterlab.nagoya | |
Vikianbarda əlaqəli mediafayllar |
Muzey 1989-cu ilin iyulunda Naqoya şəhərinin 100 illiyi münasibətilə yaradılmışdır.[1] 2012-ci ildə Naqoya şəhərinin kanalizasiya sisteminin 100 illiyi ilə əlaqədar olaraq yenidən açılmışdır.[2] 2019-cu ilin iyulunda muzeyin 30 illiyi münasibətilə yenidənqurma işləri aparılmışdır.[3] 2020-ci ildə "Metawater" şirkəti ilə imzalanan müqaviləyə əsasən muzey rəsmi olaraq "Metawater Naqoya Kanalizasiya Elmi Muzeyi" adlanmışdır.[4]
Muzey kanalizasiya sistemlərinin iş prinsipinə həsr olunmuşdur və beş bölmədən ibarətdir. Muzeyin girişində suyun dövranına həsr olunmuş hissədə ziyarətçilər "su damcısına çevrilərək" virtual səyahətə çıxa bilərlər. Gündəlik həyata həsr olunmuş bölmədə suyun istifadə etdikdən sonra hara getdiyi izah olunur. Kanalizasiya təmizləmə bölməsində suyun təmizlənmə prosesi göstərilir. "Təbii fəlakətlərə hazırlıq" bölməsində Naqoya şəhərinin təhlükə xəritəsi və drenaj simulyasiya oyunu yerləşir. "Kanalizasiya borularının qulluğu" və "Naqoya kanalizasiya sisteminin tarixi və gələcəyi" muzeyin digər bölmələridir. Muzeyin teatrında su haqqında videomateriallar nümayiş olunur.[5]
Muzeyin açıq hava sərgisində Yaponiyada quraşdırılmış kanalizasiya qapaqları sərgilənir.[6] Akvarium guşəsində Kiso çayında yaşayan canlılar haqqında məlumatlar verilir.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.