From Wikipedia, the free encyclopedia
Millennial pauza (ing. Millennial pause) — bəzi qeydə alınmış videoların başlanğıcında, xüsusən də qısametrajlı məzmunda və "TikTok" kimi sosial media proqramlarında mövcud olan danışıq pauzası.[1][2][3][4] Belə bir pauzanın daxil edilməsi praktikası ümumiyyətlə millennial, yəni 1980-ci illərin əvvəllərindən 1990-cı illərin ortalarına qədərki dövrdə anadan olmuş insanlar generasiyasına aid edilir.[5][6][7][8][9][10] Bu fenomen millenniallar və sonrakı nəsillər arasında rəqəmsal nəsil uçurumunun nümunəsidir.[11][12]
Təcrübə ilk dəfə 1 mart 2021-ci ildə, bir "TikTok" istifadəçisi "[millenniallar] niyə danışmazdan əvvəl bu qədər uzun müddət pauza verir" sualını verməsi və onların "videonu başladıb davam etməli" olduqlarını deməsiylə müşahidə edilmişdir.[13][14]
"Millennial pauzası" termini 26 noyabr 2021-ci ildə "TikTok" videosunu yerləşdirən millennial nümayəndəsi, "nisipisa" adlı "TikTok" istifadəçisinə aid edilir. O, qeyd etmişdir ki, millenniallardan olan müğənni Teylor Sviftin videolarının əvvəlində belə pauzalar mövcuddur.[1][15][16][lower-alpha 1] "The Atlantic" nəşrinin müəlliflərindən və özü də bir millennial olan Ketrin Lindzi qısametrajlı videoların "Instagram" sosial şəbəkəsində, ani mesajlaşma proqramı "Snapchat" və onlayn video platforması "YouTube"da daha çox yayıldığı üçün bu pauzanın daha çox nəzərə çarpdığını bildirmişdir.[1]
Millenniallardan başqa insanların videolarında da millennial pauzanın nümayiş etdirildiyi qeyd olunmuşdur. "Parade" jurnalı müğənni "JC Chasez"in "TikTok" debüt videosunda bunu daxil etdiyini və "Them" veb-saytından Ceyms Faktora aktrisa Cennifer Kulicin "mükəmməl bir TikTok" başlıqlı debüt videosunda bunu daxil etdiyini bildirmişdir.[18][19][lower-alpha 2]
İfadə anqlosferdən kənarda, o cümlədən Braziliya,[22] Çili,[23] Danimarka,[24] Fransa,[25] Almaniya,[26] İndoneziya,[27] İtaliya,[12] Meksika, Niderland [28] və İspaniyada [29][lower-alpha 3] tərcümə edilməmiş şəkildə istifadə edilmişdir.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.