From Wikipedia, the free encyclopedia
Y nəsli və ya millenniallar — X nəslindən sonrakı, Z nəslindən isə əvvəlki demoqrafik kohort. Tədqiqatçılar və populyar media 1980-ci illərin əvvəllərini başlanğıc doğum illəri kimi, 1990-cı illərin ortalarından 2000-ci illərin əvvəllərinədək olan dövrü isə son doğum illəri kimi ifadə edir. Odur ki, bu nəsil adətən 1981-1996-cı illərdə doğulmuş insanlar kimi müəyyən edilir.[1] Millennialların əksəriyyəti beybi-bumerlərin və daha yaşlı X nəslinin uşaqlarıdır.[2] Öz növbəsində millenniallar çox vaxt alfa nəslinin valideynləri olurlar.[3]
İnternetlə böyüyən ilk nəsil olaraq millenniallar həm də ilk qlobal nəsil kimi təsvir edilmişdir.[4] Nəsil ümumiyyətlə internetdən, mobil cihazlardan və sosial mediadan geniş istifadə və onlarla tanışlıq ilə xarakterizə olunur.[5] İndi ardıcıl nəsillərə də tətbiq edilən "rəqəmsal yerlilər" termini əvvəlcə bu nəsli təsvir etmək üçün istifadə edilmişdir.[6]
Millenniallar həm də "Ən uğursuz nəsil" adlandırılıb, çünki orta millennial işçi qüvvəsinə daxil olduqdan sonra ABŞ tarixindəki hər hansı digər nəsillə müqayisədə daha yavaş iqtisadi artım yaşamışdır.[7] Nəsil həmçinin tələbə borcu və uşaq baxımı xərclərinin də yükünü daşıyır.[8]
Dünyanın hər yerində gənclər evliliyi və ya ər-arvad kimi birlikdə yaşamağı təxirə salmışdılar.[9] Millenniallar bütün dünyada doğuş nisbətinin aşağı düşdüyü bir vaxtda doğulmuşdur,[10] özlərindən əvvəlki nəsillərə nisbətən daha az uşaq dünyaya gətirirlər.[11][12][13][14] İnkişaf etməkdə olan ölkələrdə olanlar qlobal əhali artımının əsas hissəsini təşkil etməyə davam etmişdilər.[15] İnkişaf etmiş ölkələrdə 2010-cu illərin gəncləri eyni yaşda olan əvvəlki nəsillər ilə müqayisədə cinsi əlaqəyə daha az meylli idilər.[16] Qərbdə onlardan əvvəlki nəsilə nisbətən dindar olma ehtimalı daha azdır, lakin özlərini ruhani olaraq saya bilərlər.[17][10]
1990-cı və 2010-cu illər arasında inkişaf etməkdə olan ölkələrdən olan insanlar getdikcə daha yaxşı təhsil almışdılar ki, bu da bu ölkələrdə iqtisadi artıma təkan verən amildir.[18] Dünyadakı millenniallar iş həyatına başladıqdan sonra əhəmiyyətli iqtisadi pozulmalara məruz qalmışdılar. Onlardan bir çoxları Böyük ressesiyadan sonra əmək bazarında olduqları ilk illərdə yüksək dərəcədə gənc işsizliyi ilə üzləşmişdilər və COVID-19 pandemiyası səbəbindən 2020-ci ildə növbəti ressesiyaya məruz qalmışdılar.[19][20]
Bu demoqrafik kohortun üzvləri millenniallar (hərf. minilliklilər) kimi tanınır, çünki ən yaşlılar minilliyin əvvəlində yetkinləşmişdilər.[21] Ştraus–Hau nəsil nəzəriyyəsini yaratmaqla tanınan müəlliflər Vilyam Ştraus və Nil Hau millennialların adlandırmasında əsas etibar edilən müəlliflərdir.[22] Onlar bu termini 1987-ci ildə, təxminən 1982-ci ildə anadan olmuş uşaqların uşaq bağçasına getdiyi vaxtlarda ortaya qoymuşdular və media ilk olaraq 2000-ci ildə orta məktəbi bitirən sinif kimi onların yaxınlaşan yeni minilliklə perspektiv əlaqəsini müəyyən edirdi.[23] Onlar "Nəsillər. Amerikanın gələcəyinin tarixi. 1584-cü ildən 2069-cu ilə qədər"(1991)[24] və "Millenniallar yüksəlir. Növbəti böyük nəsil" (2000) kitablarında bu kohort haqqında yazmışdılar.[23]
1993-cü ilin avqustunda "Advertising Age"in redaksiya məqaləsi o zamanlar X nəslindən fərqli olaraq təyin olunan o dövrün 13–19 yaşlı (1974–1980-ci il təvəllüdlü) yeniyetmələrini təsvir etmək üçün Y nəsli ifadəsini işlətmişdir.[25] Bununla belə, 1974–1980-ci illər kohortu daha sonra əksər media mənbələri tərəfindən X nəslinin son dalğası kimi yenidən müəyyən edilmişdir.[26] "Ad Age" 2003-cü ildə Y nəslinin başlanğıc ilini 1982-ci ilə köçürmüşdür.[27] Jurnalist Brüs Horovitsə görə, "Ad Age" 2012-ci ildə "millennialların Y nəslindən daha yaxşı bir ad olduğunu etiraf edərək dəsmal atmışdı".[22] 2014-cü ilə qədər "Ad Age"də məlumat strategiyasının keçmiş direktoru NPR-ə bunları demişdir: "Y nəsli etiketi biz onlar haqqında daha çox öyrənənə qədər yer sahibi idi".[28]
Millenniallara bəzən exo-bumerləri deyilir, çünki onlar çox vaxt beybi-bumerlər nəslinə, 1980-ci illərin əvvəlindən 1990-cı illərin ortalarına qədər doğum nisbətlərinin əhəmiyyətli dərəcədə artmasına və bumerlərin nəsillərinə nisbətən böyük ölçülərə malikdirlər.[29][30][31][32] Birləşmiş Ştatlarda exo bumunun doğum nisbətləri 1990-cı ilin avqustunda zirvəyə çatmışdı[33][29] və inkişaf etmiş ölkələrdə daha kiçik ailələrə doğru XX tendensiyası davam etmişdir.[34] Psixoloq Jan Tvenge 2006-cı ildə yazdığı "Mən nəsli: Nə üçün bugünkü gənc amerikalılar əvvəlkindən daha inamlı, iddialı, hüquqlu və daha bədbəxtdirlər" kitabında millennialları "Mən nəsil" kimi təsvir etmişdir.[35][36] 2013-cü ildə "Time" jurnalı "Millenniallar: Mən mən mən nəsli" adlı üz qapağı hekayəsi dərc etmişdir.[37] Təklif olunan bu qrup üçün alternativ adlar arasında "Net nəsli",[38] "9/11 nəsli",[39] "Növbəti nəsil"[40] və "Yanmış nəsil" daxildir.[41]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.