From Wikipedia, the free encyclopedia
Tau Aurigae (τ Aur / 29 Aurigae / HD 38656)[7] ye una estrella na constelación d'Auriga, el cocheru, de magnitú aparente +4,52.
Tau Aurigae ye una xigante mariellu-naranxa de tipu espectral G8III con una temperatura superficial de 4770 K. Ye una de les munches estrelles que, con temperatura y lluminosidá similares, funden heliu nel so nucleu. La so lluminosidá ye 79 vegaes mayor que la del Sol y el so radiu, 13,8 vegaes más grande que'l radiu solar, nun ye especialmente grande pa una xigante.[8] Tien una metalicidá —bayura relativa d'elementos más pesaos que'l heliu— metá que la del nuesu Sol.[9] Con una masa de 2,5 mases solares, empezó la so vida hai unos 700 millones d'años como una estrella blanca de la secuencia principal.[8]
Separada 27 minutos d'arcu de la vecina ν Aurigae, les dos estrelles tán aproximao a la mesma alloña de la Tierra, unos 213 años lluz. Sicasí, la separación real ente elles, 3 años lluz, refuga que formen un verdaderu sistema binariu. Los sos movimientos en direiciones opuestes indiquen qu'a cencielles tán pasando una xunto a a la otra. Per otra parte, esisten dos estrelles tenues de magnitú 12, a 41 y 51 segundos d'arcu respeutivamente, que sí paecen tar físicamente rellacionaes con Tau Aurigae.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.