Psi Centauri
From Wikipedia, the free encyclopedia
Coordenaes: 
14h 20m 33.432s, -37° 53′ 7.055″
Psi Centauri (ψ Centauri / ψ Cen / HD 125473 / HR 5367)[10] ye una estrella na constelación de Centaurus de magnitú aparente +4,05. Alcuéntrase a 247 años lluz del Sistema Solar.
De tipu espectral A0IV, Psi Centauri ye una binaria eclipsante que la so duplicidá afayóse pol satélite WIRE en 2006. Esiste un amenorgamientu de rellumu de 0,26 magnitúes nel eclís primariu y 0,16 nel secundariu, siendo esti postreru un eclís total. El periodu orbital del sistema ye de 38,82 díes y la órbita ye notablemente escéntrica (ε = 0,55).[11]
Los dos componentes de Psi Centauri son bien distintes. La primaria tien una temperatura efectivo de 10.450 K y ye 126 vegaes más lluminosa que'l Sol. Tien un radiu de 3,7 radios solares y una masa 3,1 vegaes mayor que la del Sol. Paez ser una estrella de tipu B9 y esiste evidencia de que ye una estrella variable pulsante. El so acompañante ye más fría —8.800 K— y relluma con una lluminosidá 21 vegaes mayor que la lluminosidá solar. El so radiu ye 1,8 vegaes más grande que'l del Sol y tien una masa de 2 mases solares, parámetros que correspuenden a una estrella de tipu A2. Pa una metalicidá similar a la del Sol, la edá del sistema sería de 290 millones d'años.[11]
Referencies
Wikiwand - on
Seamless Wikipedia browsing. On steroids.