Remove ads
El Parque Natural del Tajo Internacional (en portugués Parque Natural do Tejo Internacional, PNTI) ye la nomenclatura utilizada pa nomar a dos espacios naturales protexíos de 'carauterístiques idéntiques pero con distinta xestión. Ún na provincia de Cáceres, Comunidá Autónoma d'Estremadura, España y otru nel Distritu de Castelo Branco, Rexón Norte, Portugal.
| Parque Natural del Tajo Internacional | |
|---|---|
| Situación | |
| Tipu | parque natural |
| Coordenaes | 39°38′33″N 7°09′00″W |
  Parque Natural del Tajo Internacional Parque Natural del Tajo Internacional (España) | |
| Datos | |
| Superficie | 25 088 ha y 25 041,3289 ha[1] |
 | |
El cursu fluvial del ríu Tajo que sirve de frontera natural ente España y Portugal, dixebra una zona de carauterístiques bien asemeyaes ente dambos países. El Tajo ye al empar l'elementu común y nexu d'unión de tol territoriu que s'estiende llinealmente a lo llargo de más de 60 km.
- La parte española, declarada Parque Natural del Tajo Internacional, enántase sobre una superficie de 25.088 hac y engloba a un total d'once conceyos pertenecientes a trés Mancomunidaes Integrales distintes, la Mancomunidá Integral de Rivera de Fresnedosa a la que pertenez el conceyu de Zarza la Mayor, Mancomunidá Integral Tajo-Salor qu'abargana a los conceyos d'Alcántara y Brozas y per último la Mancomunidá Integral de Sierra de San Pedro a la que pertenecen los conceyos de Carbajo, Cedillo, Herrera de Alcántara, Herreruela, Membrío, Salorino, Santiago de Alcántara y Valencia de Alcántara.
- La parte portuguesa, declarada Parque Natural do Tejo Internacional, estiéndese sobre una superficie de 26.484 hac y abarca los conceyos de Castelo Branco, Idanha-a-Nova y Vila Velha de Ródão.
Remove ads
El Balcón del Tajo
Como productu estrella cuntamos anguaño col barcu turísticu del Tajo internacional, El Balcón del Tajo, del que la so esplotación s'encarga la empresa Factor Ocio. Ye una embarcación monocascu con capacidá pa 80 persones, repartíes en 16 asientos al aire llibre sobre la cubierta superior y 64 places a techu na principal. Esti barcu cunta guíes especializaos y intérpretes de la natura pa dar a conocer el Parque Natural del Tajo Internacional y la so doyura ambiental a los usuarios.
El barcu turísticu cubre dos rutes dende l'atracaderu d'Herrera de Alcántara. Una será hasta la presa de Cedillo, de 22 quilómetros aproximao y dos hores de duración; y otra ruta agües arriba hasta la Fuente de La Geregosa en Santiago de Alcántara, con alredor 23 quilómetros y otres dos horas de duración.
La Diputación de Cáceres invirtió 540.000 euros na construcción d'esti barcu, del que se solicitaron más de 1.500 reserves na so primer selmana d'inauguración.
Les tarifes pa esfrutar del "Balcón del Tajo" oscilen ente los 15 euros por adultu hasta los ocho euros pa grupos. Los neños de cero a cuatro años viaxarán de baldre y tamién hai descuentos pa menores, mayores y estudiantes. Tola información sobro'l proyeutu y reserves pue consultase na páxina so web[2]
Remove ads
Orografía
La orografía dominante pecuñarízase por una escasa altitú y por un paisaxe de perfil allombáu, nun esisten cordales d'importancia, únicamente destaquen, en la zona sur de la comarca, l'apaición de les estribaciones más occidentales de la Sierra de San Pedro con altitúes qmáximas en tornu a los 600 m.s.n.m., asina como na parte norte, coincidiendo col términu municipal de Zarza la Mayor la Sierra de la Garrapata. El paisaxe sí ta carauterizáu poles fuertes pindidures que produxo'l drenaxe de la principal arteria fluvial de la provincia de Cáceres, el ríu Tajo, xenerando'l típicu paisaxe de ribera. Por mor a la intrincada orografía y a les fuertes pindidures que torgaron l'aprovechamientu agrícola d'estos espacios llogróse caltener una importante biodiversidá y una densidá de fauna que xeneró l'atención y proteición actual d'esti espaciu.
Hidrografía
En cuantes a la hidrografía de la zona, los principales ríos son el Tajo, Sever, Salor y Erxes. Esiste un ampliu númberu de pantanos, con un volume muy variáu d'agua embalsao, destaquen el pantanu d'Alcántara, el de mayor tamañu de la provincia, asina como'l de Cedillo. La variabilidá de les precipitaciones na comarca fai necesario almacenar agua pa garantizar el consumu humanu.
Flora
El parque natural del Tajo Internacional destaca mas pola gran doyura y variedá botánica de les sos formaciones vecetales que por cuntar con numberoses especies de flora rara o amenazada. Alcuéntrase nuna auténtica encruceyada de caminos, na que xorrecen flores d'oríxenes estremaos, llegándose en dalgunos sitios a cuasi cuarenta especies ente árboles y arbustos. Los ríos amuesen una escomanada bayura botánica de los sebraños. Las denses manches vexetales cambien de color pela seronda colos frutos y coles espectaculares formes d'orquidies, narcisos o espadañes.
Los endemismos son les especies de mayor valir que se puen atopar nel Parque, destacando l'impresionante serapia verde, orquídea en peligru d'estinción d'una color verde pálida que-y fai pasar desapercibida. Otres especies como l'anubreru con fueyes en forma d'aguya con dos bandes blances nel fexe o l'enguelgue con dos ales, apaecen de forma puntual o dispersa a lo llargo de tol parque.
Tamién puen destacase pola so guapura delles de les especies esclusives de la Península Ibérica, como la boca d'esquirpión propies de las paredes de granitu, la llingua de bue , la melagria, o narcisos como'l pálidu o'l fernandesii.
Delles rareces de calter atlánticu tán presentes de manera muy esporádica na zona mas húmeda del parque, gracies a la so marcada influyencia atlántica. Trátase del carbayu, el fresnu o la carnívora flor de rosada.
Fauna
Tocántenes a los invertebraos, podemos atopar al gúia cuasi estintu zancarru autóctonu del ríu Sever, onde se llocalicen les últimes colonies n'Estremadura. Lo que sí podemos encontrar son poblaciones de pamparielles d'ambientes mediterráneos, asina como especies d'odonatos.
La construcción de la presa de Cedillo nos años 70 representó un duru güelpe para les especies piscícoles del ríu Tajo. Les especies que necesitaben de la mar desapaecieron, como l'anguila o la llamprea, mentes que n'agües fondes introduxérons especies depredadores norteamericanes y centroeuropees con fines deportivos. Los afluentes d'agües poco fondes sirvieron de refuxu pa los pexes autóctonos del Tajo; el barbu, la boga del Tajo, el calandín, la paluca , toos ellos esclusivos de la Península Ibérica.
Xunto a los grandes herbívoros mas fáciles d'observar como'l venáu y el xabalín destaquen los pequeños carnívoros ente los que podemos encontrar el melandru, la llóndriga, la fuina, la xineta, o l'algaire. Ente les especies más pequeñas destaquen el grupu de los esperteyos con catorce especies , ente les que sobresal l'esperteyu de ferradura y un escasu endemismu ibéricu; el ratuveru de Cabrera.
Nada menos que trelce especies d'anfibios y diecinueve de reptiles pueblen el Parque Natural de los que cuatro d'anfibios y trés de reptiles son eaclusivos de la Península Ibérica. Destaca pola so importancia bioxeográfica la presencia de dos endemismos ibéricos el llagartu verdinegru y la xaronca patillarga, nel ríu Sever.
En cuantes a les aves destaques les poblaciones d'águila imperial ibérica, águila perdicera y águila real. También se reproducen equí trés de las cuatro especies d'uites ibériques destacando la importante población de zapiquera y el notable incrementu de la población d'utre negra. Destaca tamién el coruxón y la cigüeña negra.
Remove ads
Según datos del caberu padrón d'habitantes, la comarca ta constituyida por un total de 15.453 habitantes, distribuyíos porcentualmente en gran midida en trés centros de población principales; Valencia de Alcántara, Brozas y Alcántara, el restu de los municipios tienen menos de 1.000 habitantes, a esceición de Zarza la Mayor.
En términos xenerales tolos conceyos perdieron más del 40% de la población cola que cuntaben al entamos del sieglu pasáu, en dellos casos estremos lleguen a superar el 60%. Nos caberos años esiste un estancamientu de les cifres totales de población, como consecuencia del avieyamientu xeneral de la población y les baxes tasas de natalidá cabe esperar que nos próximos años el volume total de población sigua cayendo, más acentuadamente nos conceyos menos dinámicos con menos de 1000 habitantes anguaño.
Remove ads
Les actividaes económiques predominantes son diverses, asina como'l pesu específicu de cauna d'elles nos distintos conceyos. Como cabe esperar nún espaciu nel que namás esiste un conceyu qu'exerce ciertu pesu funcional, Valencia de Alcántara, y que podría calificase como centru comarcal, anque los conceyos del postreru superior del área escapen a esta influyencia, l'actividá tradicional qu'ocupaba a la mayor parte de la población activa ocupada yera l'agricultura, por embargu, como asocedió nel restu del espaciu provincial, diversificárase haza la construcción y los servicios.
L'agricultura y ganadería ocupen nos conceyos de Carbajo, Cedillo, Herrera de Alcántara, Herreruela, Membrío, Salorino y Zarza la Mayor, a más del 30% de los activos, nun se diversificaron les actividaes económiques y ye onde mayores perdes demográfiques hebo. En xeneral la mayor parte de les entidaees cuenten con amplísimos términos municipales lo que permite siguir calteniendo, güei, dalgunes actividaes agrícoles y ganaderes qu'imprimen ciertu dinamismu nel mercáu llaboral y emplegu temporal a lo llargo del añu. Anguaño los cultivos más comunes na comarca son la olivar, los cereales d'iviernu, trigu, avena, etc. Amás l'altramuz y garbanzos son dellos de los cultivos qu'ocupen un númberu abondo eleváu d'hectaries. El porcentaxe más eleváu de los distintos términos municipales dedícase a paciones y forestal, la representación de los cultivos ye mui escasa en términos xenerales.
La industria ye poco representativa, d'ámbitu llocal, sacantes la derivada de la producción y tresformación del corchu y dalguna otra dispersa. Pola contra, la construcción vieno a diversificar les actividaes económiques na zona y absorvió a un volume destacáu d'efeutivos que fueron espulsaos del sector agrariu.
Nel sector servicios engloba güei un destacáu númberu d'empreses y trabayadores na comarca, más acentuáu nos conceyos de mayor población, como son Valencia de Alcántara, Brozas y Alcántara, que exercen el grau de “centros funcionales” y que tienen mayor diversificación de les actividaes económiques.
Remove ads
Cuenta con una bona rede de carreteres y de ferrocarril al traviés d'una llinia que comunica Cáceres con Lisboa. Hai que dicir que'l fluxu de trenes ye escasu y polo tanto'l serviciu pa viaxeros ye poco afayadizu, anque podría convertise nún bon mediu de tresporte, muncho más caltenible que'l realizáu al traviés de les carreteres.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads