Remove ads
La República Federal de Nixeria, conocida comúnmente como Nixeria, ye una república federal del África Occidental. Llenda con Níxer al norte, con Benín al oeste y con Chad y Camerún al este, y la so costa, que-y fai de llende meridional, pertenez al golfu de Guinea, nel océanu Atlánticu. Organízase en 36 estaos y el Territoriu de la Capital Federal, aú s'asitia Abuya, la so capital.
| Nixeria Federal Republic of Nigeria | |||||
|---|---|---|---|---|---|
| estáu soberanu | |||||
 | |||||
| |||||
| Lema nacional | Unity and Strength, Peace and Progress (inglés: «Xunidá y Fuercia, Paz y Progresu») | ||||
| Himnu nacional |
Nigeria We Hail Thee (es)  | ||||
| Alministración | |||||
| Nome oficial |
Federal Republic of Nigeria (en) Orílẹ̀-èdè Olómìniira Aláàpapọ̀ Nàìjíríà (yo) Nijeriya (ha) Nigeria (en) Naigeria (ig) Nàìjíríà (yo) République fédérale du Nigéria (fr) | ||||
| Capital | Abuya (dende 12 avientu 1991) | ||||
| Forma de gobiernu | república federal | ||||
| Presidente de Nixeria | Bola Tinubu (dende 29 mayu 2023) | ||||
| Presidente de Nixeria | Bola Tinubu (dende 29 mayu 2023) | ||||
| Llingües oficiales | inglés | ||||
| División |
ver
| ||||
| Rellaciones diplomátiques |
ver
| ||||
| Miembru de |
ver
| ||||
| Xeografía | |||||
| Coordenaes | 9°N 8°E | ||||
.svg) | |||||
| Superficie | 923768 km² | ||||
| % agua | 1,4% | ||||
| Costes | 853 km | ||||
| Llenda con | 4.047 km | ||||
| Puntu más altu |
Chappal Waddi (es) | ||||
| Puntu más baxu | Océanu Atlánticu | ||||
| Demografía | |||||
| Población | 211 400 708 hab. (xunu 2021) | ||||
| Densidá | 228,85 hab/km² | ||||
| Xentiliciu |
nixerianu (masculín singular) nixeriana (femenín singular) | ||||
| Esperanza de vida | 53,428 años | ||||
| IDH | 0,535 (2021) | ||||
| Tasa de fertilidá | 5,65 (2014) | ||||
| Economía | |||||
| Moneda |
naira (es) | ||||
| PIB nominal | 440 833 583 992 $ (2021) | ||||
| Bancu central | Bancu Central de Nixeria | ||||
| Más información | |||||
| Dominiu d'Internet | .ng | ||||
| Códigu telefónicu | +234 | ||||
| Códigu ISO | 566 / NGA / NG | ||||
| Estaya horaria |
UTC+01:00, Africa/Lagos (en) y Estaya horaria d'África Occidental | ||||
| nigeria.gov.ng | |||||
 | |||||
Lo qu'anguaño ye Nixeria tien sio'l llar de milenta reinos y estaos tribales a lo llargo de los sieglos. L'estáu modernu surdió a partir de la entrada del territoriu nel Imperiu británicu nel sieglu XIX, y tomó les sos llendes territoriales actuales en 1914, tres de la fusión de los protectoraos de Nixeria del Norte y Nixeria del Sur. El país convirtióse formalmente nuna federación independiente d'estaos en 1960, y vivió una guerra civil ente 1967 y 1970. De magar alternó periodos de gobiernos civiles elixíos democráticamente con otros de dictadura militar hasta que se convirtió, en 1999, nuna democracia estable. Sicasí, les eleiciones presidenciales de 2011 son consideraes les primeres razonablemente llibres y llimpies[12].
Ye vezu referise al país, pol tamañu de la so población y la so economía, col nomatu de "el xigante d'África"[13]. Los sos 186 millones d'habitantes faen d'elli el país más pobláu d'África y el séptimu más pobláu del mundu. Amás, la de so ye la tercer población infantil y xuvenil mayor del mundu tres de la d'India y China, con más de 90 millones de persones menores de 18 años[14][15]. El país ye un estáu multinacional nel que conviven más de 500 grupos étnicos, que falen más de 500 llingües distintes y pertenecen a herencies culturales bien estremaes[16][17]; les etnies más numberoses son los Hausa, los Igbo y los Yoruba. La llingua oficial ye l'inglés, y no que cinca a la relixón la población ta dividida nuna metá cristiana, concentrada na metá meridional del país, y otra musulmana, concentrada nel norte. Hai, tamién, delles relixones indíxenes minoritaries, especialmente nes poblaciones Igbo y Yoruba.
En 2015 Nixeria ye la ventena economía mayor del mundu, y na primera d'África tres de superar a Sudáfrica l'añu anterior[18][19]. El Bancu Mundial considérala un mercáu emerxente[20], y tien sío catalogáu como una potencia rexonal africana[21][22][23], una potencia media nel contestu internacional[24][25][26][27] y una potencia global emerxente[28][29][30]. Pese a ello tien un nivel de desarrollu humanu perbaxu: ocupa'l puestu 152 nel ránking del Índiz de Desarrollu Humanu. Nixeria forma parte del grupu de países emerxentes conocíu como MINT (Méxicu, Indonesia, Nixeria y Turquía), y apaez davezu nes llistes (como la Next Eleven, ellaborada pol bancu d'inversiones Goldman Sachs) que tenten de definir cuálas economíes tán destinaes a tar ente les mayores del mundu nún futuru cercanu. Ye miembru fundador de la Xunión Africana y pertenez a munches otres organizaciones como les Naciones Xuníes, la Organización pa la Cooperación Islámica, la Commonwealth y la OPEP.
Remove ads
Gobiernu
Nixeria ye una república federal, organizada siguiendo'l modelu d'Estaos Xuníos d'América[31] y compuesta por 36 estaos y una capital federal, Abuya. El poder executivu exércelu'l presidente, que ye al tiempu xefe del estáu y xefe del gobiernu federal; el presidente ye elixíu por sufraxu universal cada cuatro años, y nun puede selo más de dos llexislatures[32]. El poder del presidente ye fiscalizáu por una asamblea bicameral, nomada Asamblea Nacional, formada por un Senáu y una Cámara de Representantes. El Senáu fórmenlu 109 senadores, trés por cada estáu y ún más representando a la rexón capital, elexíos por sufraxu popular cada cuatro años. La Cámara tien 360 representantes, con un númberu de representantes estatal proporcional a la población[32].
La elección de presidente faese nún procesu electoral a dos vueltes. Pa ser elixíu en primer vuelta un candidato tien que tener una mayoría relativa de los votos y más d'un 25% de los votos en polo menos 24 de los 36 estaos[33]. Si dengún candidatu cumple con esos requisitos celébrase una segunda vuelta ente'l candidatu con más votos y el siguiente que tenga recibío la mayoría de los votos nel mayor númberu d'estaos. Los candidatos a presidente tomen un candidatu a vicepresidente que seya, lo mesmu étnicamente que no que cinca a la so relixón, lo contrario d'elli: asina, un candidatu cristianu del sur del país escoyerá un compañeru musulmán del norte, y viceversa. Magar que nun hai llei denguna obligando a que se faiga asina, tolos candidatos presidenciales que se tienen presentao dende la instauración de la Cuarta República cumplieron esta norma. Esto a veces ye problemáticu: asina, al candidatu presidencial a les eleiciones de 2023 Tinubu, un musulmán del norte, ta costándo-y enforma alcontrar un compañeru de candidatura cristianu del norte, que ye una zona mayoritariamente musulmana[34][35].
Los gobernadores provinciales, neto que'l presidente, son elexíos pa cuatro años, y nun pueden selo más de dos llexislatures. No que cinca al poder xudicial, la cume del sistema de tribunales federales ye'l Tribunal Supremu de Nixeria.
Divisiones alministratives
Nixeria divídese en 36 estaos y el Territoriu de la Capital Federal, sodividíos en 774 árees de gobiernu llocal. En dellos contestos agrúpase a los estaos en seis rexones xeopolítiques: Noroeste, Noreste, Centru Norte, Suroeste, Sureste y Sur Meridional (South South)[36].[37]
Nel país hai cinco ciudaes con más d'un millón d'habitantes: Lagos, Kano, Ibadán, Benin City y Port Harcourt. Lagos ye la mayor ciudá d'Africa, con más de 12 millones d'habitantes na so área urbana[38].
El sur del país caracterízase por una intensa urbanización, con bayura de ciudaes. Acordies con una estimación de 2015[39], había nel país 20 ciudaes con más de 500.000 habitantes.
Los 36 estaos del país, por orde alfabéticu, son:
- Abia
- Adamawa
- Akwa Ibom
- Anambra
- Bauchi
- Bayelsa
- Benue
- Borno
- Cross River
- Delta
- Ebonyi
- Edo
- Ekiti
- Enugu
- Gombe
- Imo
- Djigawa
- Kaduna
- Kano
- Katsina
- Kebbi
- Kogi
- Kwara
- Lagos
- Nassarawa
- Níxer
- Ogún
- Ondo
- Osún
- Oyo
- Plateau
- Ríos
- Sokoto
- Taraba
- Yobe
- Zamfara
- Territoriu Capital Federal d'Abuya
Remove ads
- ICOM, Red List, International Council of Museums Archiváu 2006-04-30 en Wayback Machine
- Fabio Maniscalco, Archaeological Looting and the Protection of Cultural Property in Nigeria, in "Web Journal on Cultural Patrimony", vol. 1, 2006 Archiváu 2016-01-30 en Wayback Machine
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads