Nelson Mandela

Nelson Rolihlahla Mandela (pronunciación en Xhosa: xoˈliɬaɬa manˈdeːla) (Mvezo, 18 de xunetu de 1918 - Johannesburgu, 5 d'avientu de 2013) foi'l primer presidente de la República d'África del Sur en ser escoyíu por medios democráticos baxo sufraxu universal. Tiempu enantes de ser escoyíu presidente foi un importante activista escontra l'apartheid, encarceláu 27 años por participar n'actividaes de resistencia armada. Magar que'l réxime del apartheid y les naciones aliaes a ésti consideráronlu como un terrorista (foi líder del Umkhonto we Sizwe, brazu armáu del Congresu Nacional Africanu), la so llucha foi parte esencial de la campaña contra l'apartheid. El 11 de febreru de 1990 foi lliberáu siendo Presidente de Sudáfrica Frederik de Klerk, entamando d'esta manera'l procesu d'abolición del aparheid y la transición pacífica a la democracia representativo na República d'África del Sur. Nel so tiempu en presión y depués de la so lliberación, Nelson Mandela, recibió más d'un centenar de premios y reconocimientos, ente ellos el Premiu Príncipe d'Asturies de Cooperación Internacional nel añu 1992 y el Premiu Nobel de la Paz al añu siguiente, convirtiéndose depués de la so lliberación nuna figura de primer nivel y una referencia clave a nivel internacional. El so alcuñu de clan ye Madiba y dellos compatriotes llámenlu 'Mkhulu' (güelu).

Nelson Mandela
19. Secretariu Xeneral del Movimientu de Países ensin Alliniar 2 setiembre 1998 - 1999 ← Andrés Pastrana - Thabo Mbeki → 10. Presidente de Sudáfrica 10 mayu 1994 - 14 xunu 1999 ← Frederik de Klerk (es) - Thabo Mbeki → miembru de la Asamblea Nacional de Sudáfrica
Vida
Nacimientu	Mvezo (es) [1], 18 de xunetu de 1918[1]
Nacionalidá	Sudáfrica
Residencia	Houghton Estate
Llingua materna	Idioma xhosa
Muerte	Houghton Estate, 5 d'avientu de 2013[2] (95 años)
Sepultura	Qunu (es) [3]
Causa de la muerte	enfermedad respiratoria (es)
Familia
Padre	Gadla Henry Mphakanyiswa
Madre	Nosekeni Fanni
Casáu con	Evelyn Mase (es) (1944 – div. 1958)[4] Winnie Madikizela-Mandela (1958 – div. 1996)[5] Graça Machel (1998 – 2013)[6]
Fíos/es	Makgatho Mandela[7] Makaziwe Mandela[4] Zenani Mandela-Dlamini[4] Thembekile Mandela[8] Zindzi Mandela[4]
Familia	ver Ndileka Mandela (nieta)
Estudios
Estudios	Universidá del Witwatersrand Universidá de Sudáfrica Grau n'Artes Universidá de Fort Hare Universidá de Londres
Llingües falaes	inglés[9] Idioma xhosa
Oficiu	políticu, autobiógrafu, abogáu, activista políticu, Presu políticu, guionista
Participante Xunta Añal del Foru Económicu Mundial 1992
Llugares de trabayu	Sudáfrica
Trabayos destacaos	Long Walk to Freedom
Premios	ver Orde Sablera Girón Orde de l'Amistá Gran Cruz de la Orde Nacional de Malí Medaya d'Oru del Congresu de los Estaos Xuníos Orde de los Compañeros d'O. R. Tambo Isitwalandwe Medal Queen Elizabeth II Golden Jubilee Medal Orde d'Augusto César Sandino ciudadanía canadiense honoraria Premio Arthur Ashe Premiu Bruno Kreisky Bharat Ratna Medaya de La Llibertá de Filadelfia Premio Internacional Gadafi de los Derechos Humanos Orde de Stara Planina Orde de Xamaica [10] doctor honoris causa pola Universidá de Calcuta honorary doctor of the University of Hong Kong honorary doctor of the University of Pretoria Bailiff Grand Cross of the Order of Saint John honorary doctor of the Howard University Nishan-e-Pakistan doctor honoris causa pola Universidá Autónoma de Barcelona Grandmaster of the Order of Good Hope Orde de la Estrella de Ghana Gran Cruz de la Orden de la Libertad [11] Orde de la Sonrisa Orde d'Agostinho Neto Delta Prize for Global Understanding Premiu Jawaharlal Nehru  : Indian Council for Cultural Relations (en)  (1979) [12] Freedom of the London Borough of Greenwich  (1983) [13] Premiu Internacional Simón Bolívar  (1983) Premio Ludovic-Trarieux  (1985) Premio de Derechos Humanos de las Naciones Unidas  (1988) Estrella de la Amistad de los Pueblos  (1988) Premiu Sájarov  (1988) Orde de l'Amistá  (22 xunu 1988) [14] Order of Eduardo Mondlane, 1st class  (22 xunetu 1988) [15] honorary degree from Spelman College  (1990) [16] Premio Lenin de la Paz  (1990) Orde de Lenin  (1990) doctor honoris causa pola Universidá Complutense de Madrid  (1991) Orde Nacional José Martí  (1991) [17] Premiu Félix Houphouët-Boigny  (1991) Premiu Princesa d'Asturies de Cooperación Internacional  (1992) doctorado honoris causa por la universidad de Beijing  (1992) [18] doctor honoris causa pola Vrije Universiteit Brussel  (1993) [19] Fulbright Prize  (1993) Premiu Nobel de la Paz  (1993) [20] Gold Olympic Order  (1994) [21] Orde del Méritu del Reinu Xuníu  (1995) Alan Paton Award  (1995) : Long Walk to Freedom Gran Collar de la Orde del Infante Don Enrique  (20 payares 1995) [11] Orde del Elefante  (18 febreru 1996) Honorary doctorate from the Sorbonne University Paris  (10 xunu 1996) [22] Orde del Nilu  (1997) Real Orde de los Serafines  (3 marzu 1997) Gran Cruz con Collar de la Orden de la Rosa Blanca de Finlandia  (7 mayu 1997) [23] Caballeru Gran Cruz de la Orde de San Olav‎  (1998) Honorary Companion of the Order of Canada  (24 setiembre 1998) Collar de la Orde de Sabela la Católica  (1999) [24] doctor honoris causa pola Universidá de Leiden  (1999) [25] Orde del Lleón d'Oru de la Casa de Nassau  (10 marzu 1999) [26] Orden del Príncipe Yaroslav el Sabio, 1° grado  (5 mayu 1999) Medaya Presidencial de la Llibertá  (5 mayu 1999) Honorary Companion of the Order of Australia  (14 xunu 1999) [27] Premio Internacional Gandhi por la Paz  (2000) Order of the Lion  : Bakili Muluzi  (2002) [28] Premiu Four Freedoms - Medaya de Llibertá  (2002) Platinum Order of Mapungubwe  : Thabo Mbeki  (10 avientu 2002) [29] Venerabilísima Orden de San Juan  (2004) honorary doctor of Paris 8 University  (2005) [30] doctor honoris causa pol Institutu Karolinska  (13 mayu 2005) [31] Premiu Embaxador de Conciencia  (2006) Ahimsa Award  (2006) Premiu Giuseppe Motta  (2006) al más guapo  (2007) doctor honoris causa pola Universidá de Les Palmes de Gran Canaria  (2010) [32] Banda de la Orde de l'Águila Azteca  (11 xunu 2010) Freedom of the Royal Borough of Greenwich  (13 marzu 2012) [33] honorary citizen of Paris  (2013) Salón de la Fama del IRB  (2015) [34]
Influyencies	Luis Taruc
Miembru de	Academia de les Artes y les Ciencies d'Estaos Xuníos
Creencies
Relixón	metodismu
Partíu políticu	Partido Comunista Sudafricano (es) (de década de 1950 a década de 1960) Congresu Nacional Africanu (dende 1943)
IMDb	nm0541691
nelsonmandela.org

Actividá política

Mandela quemando un permisu como protesta en 1960.

Bandera del CNA.

Una estampina de Nelson Madela fecha na Xunión Soviética en 1988, mientres tovía taba presu.

Mandela xunto con Frederik de Klerk en 1992.

Estatua de Mandela en Westminster, Londres.

Siendo estudiante de derechu participó na oposición al réxime racista del Apartheid, que negaba a los ciudadanos negros de [Sudáfrica] los sos derechos políticos, sociales y económicos. Afilióse al Congresu Nacional Africanu (CNA) nel añu 1942, fundando dos años depués xunto con Walter Sisulu y Oliver Tambo (ente otros) la que podemos considerar estaya de mocedá del CNA, la Lliga Moza.

Depués de les eleiciones de 1948 nes que gana'l Partíu Nacional de los afrikaners que sofita la política de segregación racial, Nelson Mandela va ganando protagonismu dientro del CNA. Participando nel añu 1955 nel Congresu Del Pueblu qu'asoleya la Carta de la Llibertá, un documentu que se convertiría na principal referencia contra l'Apartheid.

La política del CNA de resistencia non violenta taba inspirada direutamente na de Gandhi. Sicasí dientro del CNA hai tensiones internes por parte de sectores que quieren dar un pasu más na llucha contra'l réxime. El detonante del pasu a la resistencia armaada ye la masacre de Sharpville (21 de marzu de 1960), cuando la policía sudafricano disparó escontra manifestantes negros desarmaos, matando a 69 persones y firiendo a otres 180.

En 1961 conviértese nel comandante del Umkhonto we Sizwe ("Llanza de la Nación"), brazu armáu del CNA. Sicasí, paez que los máximos dirixentes del CNA, Albert Luthuli principalmente, nun taben informaos de la formación d'esta organización. L'Umkhonto we Sizwe entama una campaña de sabotaxes contra obxetivos militares y del gobiernu, planificando al tiempu la posibilidá de tresformase nuna guerrilla en casu que los actos de sabotaxe nun fueren abondo p'acabar col Apartheid. Mandela entamó una serie de viaxes internacionales, principalmente a Arxelia, pa consiguir financiación, asina como campos d'entrenamientu pa les sos actividaes.

N'agostu de 1962, Nelson Mandela ye encarceláu y sentenciáu a 5 años de prisión por viaxar illegalmente al estranxeru y promover fuelgues. El 12 de xunu de 1964 ye sentenciáu nuevamente, esta vegada a prisión perpetua (la intención inicial yera condenalu a muerte), por planificar aiciones armaes, particularmente sabotaxes, y conspirar p'ayudar a otros países a invadir la República d'África del Sur. Nelson Mandela almite los sabotaxes pero niega l'ayuda a la invasión.

Nos siguientes 26 años d'encarcelamientu Mandela ye'l presu 466/64 convirtiéndose nun símbolu contra l'Apartheid mesmo dientro de Sudáfrica que nel restu del mundiu, representando la so falta de llibertá a tolos ciudadanos negros sudafricanos.

Tando en prisión unvió una carta al CNA, que se fadría pública'l 10 de xunu de 1980, onde dicía: "¡Axúntense! ¡Mobilícense! ¡Lluchen! ¡Ente'l xunque que ye l'aición de mases y el martiellu que ye la llucha armaada tenemos que desfacer l'apartheid!".

En febreru de 1985 arrenuncia a la escarcelación que-y ufierta Peeter Botha, presidente del Partíu Nacional y del gobiernu de Sudáfrica, empara de l'arrenuncia a la llucha armada. La so fía Zindzi fai públicu un comunicáu nel so nome nel que diz "¿Qué llibertá ufierten cuando siguen prohibíes les organizaciones de la xente? (en referencia al CNA) Namái los homes llibres pueden negociar. Un presu nun puede entrar neses negociaciones". En marzu de 1982 dellos dirixentes históricos del CNA presos na Illa de Robben (Walter Sisulu, Andrew Mlangeni, Ahmed Kathrada, Raymond Mhlaba y el propiu Mandela) fueren treslladaos a la prisión de Pollsmoor pa facer efectivos contactos col gobiernu sudafricanu en pallabres del ministru Kobie Coetsee.

En 1989, el presidente Botha sufre un derrame cerebral y ye sustituyíu por Frederik Willem de Klerk, que da anuncia de la lliberación de Mandela en febreru de 1990. El 11 d'esi mes faise efectiva esa lliberación asina como'l reconocimientu del CNA como una organización llegal.

En 1992 recibe'l Premiu Principáu d'Asturies de Cooperación Internacional, y nel añu 1993 comparte con Frederik de Klerk el Premiu Nobel de la Paz polos sos esfuercios n'acabar y superar la xebra racial. En mayu de 1994 algama la presidencia d'África del Sur nes primeres eleiciones multirraciales del país. Na formación del gobiernu rodeóse de persones del CNA y tamién d'otres sensibilidaes polítiques buscando representar nel gobiernu la nueva nación del arcu la vieya.

Presidencia del CNA y presidencia d'África del Sur

Depués de la so lliberación en 1990, convirtióse nel líder del Congresu Nacional Africanu (CNA), del que diba tiempu yera la gran referencia pública. La so esperiencia na llucha contra l'Apartheid, y la so postura de moderación nel periodu de transición mientres se dinamitaben les estructures llegales de segregación, asina como'l claru oxetivu de ser partícipe de la reconciliación nacional xunto col presidente de Klerk, diéron-y un gran prestixu nel país y nel restu del mundiu. Nelson Mandela ye posiblemente'l políticu con mayor autoridá moral nel continente africanu, lo que-y permitió desenvolver un papel d'interllocutor p'apaciguar tensiones y conflictos.

Como presidente del CNA (de xunetu de 1991 a avientu de 1997) y primer presidente negru d'África del Sur (de mayu de 1994 a xunu de 1999), Mandela dirixó la transición pa superar el réxime segregacionista, ganado'l respetu internacional pola so llucha p'algamar la reconciliación interna y esterna. Sicasí hebo crítiques, tanto dende posiciones africanistes como de posiciones afrikaners, al gobiernu polos cambeos de rumbu nes sos polítiques, principalmente na propagación del SIDA.

Otres crítques veníen pola so amistá con otros líderes internacionales como Fidel Castro (Cuba) y Muammar al-Gadafi (Libia), de los que llamó "hermanos d'armes". La so decisión d'invadir Lesothu pa evitar un güelpe d'estáu ellí, ye tamién motivu de discrepancies.

En 1999, al acabar el so mandatu presidencial, Mandela abandonó la política activa, y centró'l so llabor en delles organizaciones sociales y de derechos humanos.

Depués de la presidencia

Depués d'abandonar la política activa nel añu 1999, recibió numberoses distinciones y reconocimientos, como la Orde de San Xuan de mano de la reina Sabela II de Gran Bretaña, o la Medaya Presidencial de la Llibertá de mano de George W. Bush nos Estaos Xuníos d'América.

Nel 2003, Mandela pronuncióse contra la política eaterna que taba desenvolviendo'l presidente de los EE.XX. George W. Bush. Esi mesmu añu entamó una campaña de recaldación de fondos pa financiar campañes contra'l SIDA que se llamó 46664 en referencia al so númberu na cárcele.

En xunu del 2004, anunció qu'abandonaba definitivamente la vida pública. La so salú sufriere un deterioru importante, y quería centrase n'aprovechar el tiempu que-y quedaba de vida cola so familia. Faciendo dalguna esceición, como cuando viaxó a Indonesia pa participar na XV Conferencia Internacional sobre'l SIDA.

Muerte

La muerte del ex-presidente sudafricanu asocedió la nueche del xueves 5 d'avientu de 2013 en Johannesburgu (República de Sudáfrica) tres seis meses de críticos problemes pulmonares.

Reconocencies

Nelson Mandela tien recibío cerca de 50 doctoraos Honoris Causa n'universidaes de tol mundiu. Ye xunto cola Madre Teresa de Calcuta les dos úniques persones que nun son d'orixe indiu que recibieron el Bharat Ratna, la mayor distinción que concede India. Dellos premios mas:

• Premiu Arthur Ashe (2009)
• Escultura nel Palaciu de Westminster, Londres (2007)
• Embaxador de la Conciencia, premiu concedíu por Amnistía Internacional (2006)
• Medaya Presidencial de la Llibertá (2002)
• Orde de Canadá y ciudadanu honorariu de Canadá (2001)
• Orde de San Xuan (1999)
• Premiu Nacional de la Paz (1995)
• Orde al Méritu del Reinu Xuníu (1995)
• Premiu Nobel de la Paz (1993)
• Premiu de la Paz de Mahatma Gandhi
• Premiu Príncipe d'Asturies de Cooperación Internacional (1992)
• Isithwalandwe (1992)
• Bharat Ratna (1990)
• Premiu Sájarov (1988)
• Premiu Internacional Simón Bolívar (1983)
• Premiu Lenin de la Paz (1962)

Referencies

1. Afirmao en: Long Walk to Freedom. Capítulo: 1. Páxina: 3. Editorial: Little, Brown and Company. Llingua de la obra o nome: inglés. Data d'espublización: 1994. Autor: Nelson Mandela.
2. Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
3. «Nelson Mandela buried at Qunu ancestral home» (15 avientu 2013).
4. David Richard Smith (6 avientu 2013). «Nelson Mandela, South Africa's first black president, dies aged 95» (inglés). The Guardian. Consultáu'l 17 agostu 2014.
5. URL de la referencia: http://www.slate.fr/story/81127/winnie-mandela.
6. «Graca Machel, a first lady twice over: The woman by Nelson Mandela’s side» (inglés). The Washington Post (5 xunetu 2013). Consultáu'l 18 agostu 2014.
7. Afirmao en: Long Walk to Freedom. Páxina: 119. Editorial: Little, Brown and Company. Llingua de la obra o nome: inglés. Data d'espublización: 1994. Autor: Nelson Mandela.
8. «Nelson Mandela's family begins exhuming remains of children» (inglés). The Daily Telegraph (3 xunetu 2013). Consultáu'l 18 agostu 2014.
9. Afirmao en: autoridaes BNF. Identificador BnF: 120379994. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
10. URL de la referencia: https://jis.gov.jm/information/awards/order-of-jamaica/.
11. URL de la referencia: http://www.ordens.presidencia.pt/?idc=154.
12. «Mandela’s intimate connection with India» (inglés). The Times of India (7 avientu 2013). Consultáu'l 18 agostu 2014.
13. URL de la referencia: https://www.royalgreenwich.gov.uk/info/200164/about_the_royal_borough/320/freedom_of_the_borough/2.
14. URL de la referencia: http://www.prazskyhradarchiv.cz/archivKPR/upload/rp.pdf.
15. Afirmao en: Boletim da República. Llingua de la obra o nome: portugués. Editorial: Imprensa Nacional de Moçambique.
16. URL de la referencia: https://www.spelman.edu/docs/honorary-degrees/honorary-degree-recipients---1977-present---as-of-november-2022---revised-(012023).pdf?sfvrsn=f4347e51_2.
17. URL de la referencia: http://lanic.utexas.edu/project/granma/1991.html.
18. URL de la referencia: http://www.moe.gov.cn/s78/A22/xwb_left/moe_829/tnull_44386.html. Data de consulta: 11 abril 2019. Llingua de la obra o nome: chinu. Editorial: Ministerio de Educación de la República Popular China.
19. URL de la referencia: https://www.cavavub.be/nl/eredoctoraten.
20. Afirmao en: Long Walk to Freedom. Páxina: 611. Editorial: Little, Brown and Company. Llingua de la obra o nome: inglés. Data d'espublización: 1994. Autor: Nelson Mandela.
21. Identificador de atleta en Olympedia: 1200086.
22. «Diario Oficial de la República Francesa» (francés).
23. Afirmao en: Suomen Valkoisen Ruusun ja Suomen Leijonan ritarikunnat. Páxina: 499. Editorial: Edita. Llingua de la obra o nome: finlandés. Data d'espublización: 2017. Autor: Antti Matikkala.
24. «REAL DECRETO 270/1999, de 12 de febrero, por el que se concede el Collar de la Orden de Isabel la Católica a su excelencia señor Nelson Rolihlahla Mandela, Presidente de la República de Sudáfrica» páxs. 6541 (13 febreru 1999).
25. URL de la referencia: https://www.universiteitleiden.nl/en/about-us/facts-and-figures/laureates.
26. «Grand Duke Henri to attend Mandela funeral» (inglés). Luxemburger Wort (6 avientu 2013). Consultáu'l 18 agostu 2014.
27. «Australian Honours Search Facility» (inglés).
28. URL de la referencia: http://www.mandela.gov.za/mandela_speeches/2002/020522_malawi.htm.
29. «National orders 'an inspiration'» (inglés). News24 (10 avientu 2002). Consultáu'l 20 agostu 2014.
30. Data de consulta: 24 xunu 2024. URL de la referencia: https://www.univ-paris8.fr/Docteurs-honoris-causa.
31. «Nelson Mandela hedersdoktor vid KI» (7 marzu 2005).
32. URL de la referencia: https://www.ulpgc.es/rectorado/doctores-honoris-causa-ulpgc.
33. URL de la referencia: https://www.royalgreenwich.gov.uk/info/200164/about_the_royal_borough/320/freedom_of_the_borough.
34. URL de la referencia: https://www.world.rugby/halloffame/inductees/706549.

Enllaces esternos

• Wikimedia Commons acueye conteníu multimedia sobre Nelson Mandela.
• Anuncia de la muerte na Fundación Príncipe d'Asturies (enllaz rotu disponible n'Internet Archive; ver l'historial y la última versión).
• Nelson Mandela – Biografía en Nobelprize.org
• Discursu n'audiu de 1964, enantes de la so condena a cadena perpetua Archiváu 2006-06-15 en Wayback Machine
• ANC perfil de Mandela
• Perfil en Time 100 Archiváu 2009-04-22 en Wayback Machine
• Nelson Mandela Foundation - 46664 Archiváu 2006-04-25 en Wayback Machine
• Nelson Mandela Children's Fund
• Diplomacia internacional de Nelson Mandela
• Mandela: historia n'audiu
• IMDB: Goodbye Bafana
• Biografía nel portal de la UNESCO.
• Biografía por Fundación CIDOB

• Datos: Q8023
• Multimedia: Nelson Mandela
• Cites famoses: Nelson Mandela
• Testos: Autor:Nelson Mandela

Predecesor: Frederik Willem de Klerk (Presidente del Estáu de Sudáfrica)

Presidente de Sudáfrica 1994-1999

Socesor: Thabo Mbeki