NGC 663

NGC 663 ye un cúmulu abiertu asitiáu na constelación de Casiopea fácilmente visible con telescopios d'aficionáu.

NGC 663
Datos d'observación (Dómina J2000.0)
Tipu	Cúmulu abiertu
Ascensión reuta	01h 46m
Declinación	+61° 15′
Distancia	6850 al
Magnitú aparente (V)	+7,1
Tamañu aparente (V)	16 minuto d'arcu
Constelación	Cassiopeia
Carauterístiques físiques
Magnitú absoluta (V)	-
Otres carauterístiques	-
Otres designaciones
OCL 333.0 / C 0142+610
[editar datos en Wikidata]

El cúmulu, que se topa a una distancia de 2100 parsecs del Sol y ye bien nuevu, con una edá envalorada en 20-25 millones d'años,^[1] ye notable pol so gran bayura n'estrelles Be,^[2] con un total de 24 d'elles y espectru ente B0 y B3,^[1] una de les cualos tien una compañera detectada por cuenta de la so emisión de Rayos X que tarda 3 años en completar una órbita alredor de la estrella principal.^[3] Hai tamién siquier cinco arrezagaes azules,^[2] dos binaries eclipsantes con periodos respeutivos de 0,6 y 1,03 díes,^[4] cinco estrelles superxigantes azules nel so centru,^[5] y siquier dos estrelles superxigantes coloraes nes sos rexones esteriores.^[6][7]

NGC 663 vese superpuestu sobre una nube molecular, cola que nun ta acomuñáu y que ta a 300 parsecs por detrás del cúmulu, que bloquia la lluz de les estrelles asitiaes detrás d'ella.^[8]

NGC 663 ye consideráu parte de l'asociación estelar Cassiopeia OB8, asitiada nel brazu espiral de Perséu de la Vía Láctea xunto colos cúmulos M103 (NGC 581), NGC 654, y NGC 659, tolos cualos tópense a una distancia asemeyada del Sol y tienen edaes similares. Hai tamién varies estrelles superxigantes esvalixaes ente ellos.^[9][10]

Referencies

1. Pigulski, A.; Kopacki, G.; Kolaczkowski, Z. (2001). «The young open cluster NGC 663 and its Be stars». Astronomy & Astrophysics 376 (1):  páxs. 144–153. doi:10.1051/0004-6361:20010974. Bibcode: 2001A&A...376..144P.
2. «Proceedings of the conference - Blue Stragglers, Be Stars and X-ray Binaries in Open Clusters». Active OB-Stars: Laboratories for Stellare and Circumstellar Physics. Hokkai-Gakuen University, Sapporo, Japan. Bibcode: 2007ASPC..361..388M.
3. Reig, P.; Fabregat, J.; Coe, M. J.; Roche, P.; Chakrabarty, D.; Negueruela, I.; Steele, I. (xunu 1997). «The Be/X-ray binary LS I +61 235/RX J0146.9+6121: physical parameters and V/R variability». Astronomy and Astrophysics 322:  páxs. 183–192. Bibcode: 1997A&A...322..183R.
4. Pietrzynski, G. (xunetu 1996). «Variable Stars in the Young Open Cluster NGC 663». Acta Astronomica 46:  páxs. 357–360. Bibcode: 1996AcA....46..357P.
5. Marco, A.; Negueruela, I.; Motch, C. (2007). Blue Stragglers, Be Stars and X-ray Binaries in Open Clusters..  páxs. 388. Bibcode: 2007ASPC..361..388M.
6. Mermilliod, J. C.; Mayor, M.; Udry, S. (2008). «Red giants in open clusters. XIV. Mean radial velocities for 1309 stars and 166 open clusters». Astronomy & Astrophysics 485 (1):  páxs. 303–314. doi:10.1051/0004-6361:200809664. Bibcode: 2008A&A...485..303M.
7. Pandey, A. K.; Upadhyay, K.; Ogura, K.; Sagar, Ram; Mohan, V.; Mitu, H.; Bhatt, H. C.; Bhatt, B. C. (2005). «Stellar contents of two young open clusters: NGC 663 and 654». Monthly Notices of the Royal Astronomical Society 358 (4):  páxs. 1290–1308. doi:10.1111/j.1365-2966.2005.08784.x. Bibcode: 2005MNRAS.358.1290P.
8. Phelps, Randy L.; Janes, Kenneth A. (payares 1993). «Young open clusters as probes of the star-formation process. 2: Mass and luminosity functions of young open clusters». Astronomical Journal 106 (5):  páxs. 1870–1884. doi:10.1086/116772. Bibcode: 1993AJ....106.1870P.
9. Negueruela, I.; González-Fernández, C.; Marcu, A.; Clark, J. S. (2011). «A massive association around the obscured open cluster RSGC3». Astronomy & Astrophysics 528. doi:10.1051/0004-6361/201016102. Bibcode: 2011A&A...528A..59N.
10. Humphreys, R. M. (1978). «Studies of luminous stars in nearby galaxes. I. Supergiants and O stars in the Milky Way.». Astrophysical Journal Supplement Series 38:  páxs. 309–350. doi:10.1086/190559. Bibcode: 1978ApJS...38..309H.

Enllaces esternos

NGC 663 (SIMBAD)

• Datos: Q825894
• Multimedia: NGC 663