From Wikipedia, the free encyclopedia
Megrez (δ Ursae Majoris / δ UMa / 69 Ursae Majoris)[8] ye una estrella na constelación del sietestrellu de magnitú aparente +3,32.
El nome de Megrez provién del árabe Al-Maghriz y significa «el principiu de la cola» —de la osa—, indicando la so posición dientro de la constelación. En China, esta estrella yera conocida como Kwan y Tien Kuen, «l'autoridá celestial». Pa los hindús pue ser Atri, unu de los siete rishis.[9]
Xunto con otres estrelles de la constelación —como Alioth (ε Ursae Majoris), Phecda (γ Ursae Majoris) y Merak (β Ursae Majoris), ente otres forma parte de l'Asociación estelar del sietestrellu, un grupu d'estrelles d'edá similar que se mueven al unísonu pel espaciu. Alcuéntrase a 81,4 años lluz del Sistema Solar, distancia similar a la d'otros miembros de l'asociación.[10]
Megrez ye una estrella blanca de la secuencia principal de tipu espectral A3V. Con una temperatura efectivo de 8630 K, la so lluminosidá ye 20 vegaes mayor que la del Sol. Tien un radiu aproximao'l doble del radiu solar y xira sobre sigo mesma con una velocidá de rotación proyeutada de 233 km/s.[11] La so masa dobla la del Sol y tien una edá envalorada de 50 millones d'años,[10] percorriendo'l 60% del so trayeutu dientro de la secuencia principal.[11] A diferencia d'otres estrelles asemeyaes, como Denébola (β Leonis) o Merak, nun se detectó un discu circumestelar de polvu en redol a Megrez.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.