Les aventures de Tintín

Les aventures de Tintín (orixinalmente en francés Les Aventures de Tintin et Milou) ye una serie de cómic creada pol dibuxante belxicanu Hergé (seudónimu de Georges Remi).

Les aventures de Tintín
serie de historietas (es)
Datos
Autor	Hergé
Xéneru	historieta de aventuras (es)
Llingua de la obra	francés
Editorial orixinal	Casterman
País orixinal	Bélxica
Personaxes	Tintín Milú capitán Haddock profesor Mirasol Tuñón y Turón Tuñón Turón Piotr Szut (es) Doctor Müller (es) Profesor Alfredo Topolino (es) Abdallah (es) Coronel Álvarez (es) Bab El Ehr (es) Walter Rizotto (es) Jean-Loup de la Battellerie (es) Baxter (es) Mohammed Ben Kalish Ezab (es) Omar Ben Salaad (es) Mr. Bohlwinkel (es) Oliveira da Figueira (es) Fan Se-Yeng (es) Doctor Krollspell (es) Ridgewell (es) Sanzot (es) General Tapioca (es) Filemón Ciclón (es)
Obres derivaes	The Adventures of Tintin

Ye uno de les series de cómic más influyente dende'l sieglu XX (anque Astérix tenga dacuando más volume de ventes). L'estilu gráficu y narrativu ye'l llamáu "llinia clara", ta constituyíu por un total de 24 álbumes (amás del "Tiburones"), el primeru de los cualos foi publicáu en 1929 y el penúltimu'l en 1975 (el postreru, Tintin et l'alph-art , nun foi acabáu, anque espublizáronse los entamos del autor). Toles aventures de Tintín fueron escrites por Hergé, cola sola esceición de "Tintin et le Lac aux Requins" (el cual foi autorizáu por Hergé en vida). Aparte, tamién hai les polémiques aventures pirates de Tintín, que se cunten por docenes en tol mundu; y tamién les hestories preoficiales (esto ye, les versiones anteriores a la versión definitiva de cada cómic); tanto les hestories pirates como les preoficiales tienen una calidá irregular según la hestoria en concretu.

Ente los personaxes principales ta Tintín, el perru Milú, el capitán Haddock, el profesor Mirasol y los detectives Turón y Tuñón, y los malos Rastapopoulos, Allan o'l Doctor Müller. Otros personaxes secundarios recurrentes son por casu la Bianca Castafiore, Chang, el xeneral Alcázar, el xeneral Tapioca o'l mayordomu Néstor.

Llista d'historietes

La llista darréu de tolos cómic espublizaos:^[1]

1. Tintin au pays des Soviets (setiembre de 1930)
2. Tintin au Congo (xunetu de 1931)
3. Tintin en Amérique (payares de 1932)
4. Les Cigares du pharaon (ochobre de 1934)
5. Le Lotus bleu (setiembre de 1936)
6. L'Oreille cassée (payares de 1937)
7. La islla prieta (L'Île Noire, payares de 1938)
8. Le Sceptre d'Ottokar (agostu de 1939)
9. Le Crabe aux pinces d'or (payares de 1941)
10. L'Étoile mystérieuse (avientu de 1942)
11. Le Secret de La Licorne (ochobre de 1943)
12. Le Trésor de Rackham le Rouge (payares de 1944)
13. Les Sept Boules de cristal (setiembre de 1948)
14. Le Temple du Soleil (setiembre de 1949)
15. Tintin au pays de l'or noir (avientu de 1950)
16. Oxetivu la Lluna (Objectif Lune, setiembre de 1953)
17. Pasiando pela Lluna (On a marché sur la Lune, agostu de 1954)
18. L'Affaire Tournesol (ochobre de 1956)
19. Stock de Cok (Coke en stock, xunetu de 1958)
20. Tintin au Tibet (xineru de 1960)
21. Les Bijoux de la Castafiore (xineru de 1963)
22. Vol 714 pour Sydney (xineru de 1968)
23. Tintin et les Picaros (xineru de 1976)
24. Tintin et l'Alph-Art (ochobre de 1986)

Traducciones

Dende 1929 hasta 2020 vendiéronse más de 270 millones d'álbumes de Tintín en tol mundu en más de 110 idiomes y dialeutos.^[2]. Los nomes del os personaxes tamién son traducidos o adautados nes traducciones por razones de pronunciación y por caltener l'estilu humorísticu de los nomes.^[3]

Al asturianu

En 1988, tornáronse al asturianu dos llibros:^[4]

• La islla prieta (L'Île Noire) ISBN 84-261-2329-5 (1988)
• Stock de Cok (Coke en stock) ISBN 84-261-2330-9 (1988)

En 2020 publicáronse dos nuevos álbumes^[5] y reeditase con traduccion nueva en 2022 La islla prieta^[6]:

• Oxetivu la Lluna (Objectif Lune) ISBN 978-84-949935-6-5 (2020)
• Pasiando pela Lluna (On a marché sur la Lune) ISBN 978-84-121904-2-7 (2020)
• La islla prieta (L'Île Noire) ISBN 978-84-121904-6-5 (2022) traducción nueva

Llista de llingües

• Llista de llingües y dialeutos (2009)^[7][8]:

(ente paréntesis la fecha de la primer edición)

Afrikaans (1973) - alemán (1952) - alemán de Berna (1989) - alsacianu (1992) - árabe (1972) - aragonés (2019) - armeniu (2006) - asturianu (1988) - bengalín (1988) - borain (2009) - borgoñón (2008) - bretón (1979) - dialeutu de Bruxeles (2004) - búlgaru (1964) - camboyanu (2001) - castellán (1952) - catalán (1964) - catalán alguerés (1995) - checu (1994) - cantonés (2004) - cingalés (1998) - coreanu (1977) - corsu - criollu antillanu (2009) - criollu mauricianu (2009) - criollu reunionés (2008) - danés (1960) - eslovacu (1994) - eslovenu (2003) - esperantu (1981) - estoniu (2008) - feroés (1988) - finlandés (1961) - Francés del Quebec (2009) - francoprovenzal (Bresse) (2006) - francoprovenzal (Gruyère, 2007) - francoprovenzal (unificáu, 2007) - frisón (1981) - gaélicu (1993) - gallegu (1983) - galó (1993) - galés (1978) - gaumais (2001) - griegu (1968) - hebréu (1987) - húngaru (1989) - indonesiu (1975) - inglés d'Estaos Xuníos (1959) - inglés británicu (1952) - islandés (1971) - italianu (1961) - llatín (1987) - letón (2006) - lituanu (2007) - luxemburgués (1987) - mandarín (2001) - malayu (1975) - monegascu (2010)^[9] - mongol (2006) - neerlandés (1946) - neerlandés flamencu (Oostende, 2007) - neerlandés d'Antwerp (2008) - neerlandés de Hasselt, 2009 - noruegu (1972) - occitanu (1979) - occitanu provenzal (2004) - picardu (Tournai-Lille, 1980) - picardu (Vimeu) - papiamentu (2008) - persa (1971) - polacu (1994) - portugués (1936) - portugués brasilanu (1961) - romanche (1986) - rumanu (2005) - rusu (1993) - serbocroata (1974) - suecu (1960) - tahitianu (2003) - tailandés (1993) - taiwanés (1980) - tibetanu (1994) - turcu (1962) - valón (Charleroi) - valón (Liexa, 2007) - valón (Namur, 2009) - valón (Nivelles, 2005) - valón (Ottignies) (2006) - vascu (1972) - vietnamita (1989) - vosgien (2008) - xaponés (1968).

Referencies

1. «Guide to the official Tintin books» (francés). Archiváu dende l'orixinal, el 2020-06-21. Consultáu'l 25 de xunu de 2020.
2. «L'essentiel à propos de Tintin et Hergé» (francés). Archiváu dende l'orixinal, el 2024-06-18. Consultáu'l 25 de xunu de 2020.
3. «LE TOUR DU MONDE LINGUISTIQUE DE TINTIN - TOUTENBD.COM». Archiváu dende l'orixinal, el 2017-12-13.
4. «¡ESTI TINTÍN YE UN PINTA!» (castellán) (24 d'agostu de 2018). Archiváu dende l'orixinal, el 2020-06-26. Consultáu'l 25 de xunu de 2020.
5. «Tintín viaxa a la Lluna y pasia pel satélite n'asturianu» (asturianu) (29 d'ochobre de 2020). Archiváu dende l'orixinal, el 2020-11-05. Consultáu'l 07 de payares de 2020.
6. «El cómic de Tintín ‘La islla prieta’ tien versión nueva n’asturianu» (asturianu) (12 d'abril de 2022). Archiváu dende l'orixinal, el 2022-04-13. Consultáu'l 21 d'abril de 2022.
7. «Tintin around the world». Archiváu dende l'orixinal, el 2009-09-10.
8. «archivu». Archiváu dende l'orixinal, el 2022-04-21.
9. «Le premier album en monégasque de Tintin déjà très demandé» (francés).

Enllaces esternos

• Esta obra remanez de la traducción de Les Aventures de Tintin de Wikipedia - francés, concretamente d'esta versión, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Esta obra remanez de la traducción de Les aventures de Tintín de Wikipedia - catalán, concretamente d'esta versión, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
• Wikimedia Commons acueye conteníu multimedia sobre Les aventures de Tintín.

• Datos: Q744536
• Multimedia: Tintin