From Wikipedia, the free encyclopedia
La Jamais Contente foi'l primer automóvil en superar los 100 km/h.[1] Ye un coche llétricu con una carrocería d'aleación llixera con forma de torpedu. Pero, l'alta posición de conducción y l'espuestu xasis inferior, estropiaben enforma l'aerodinámica.
 | |
| Fabricante | Camille Jenatzy |
|---|---|
| Periodu | 1898 |
 | |
El récor de velocidá en tierra foi establecíu, según les fontes, el 29 d'abril o'l 1 de mayu de 1899, n'Achères, cerca de París, Francia.
El vehículu anguaño atópase espuestu nel muséu del automóvil de Compiègne, Francia.
El conductor, el belga Camille Jenatzy, yera'l fíu de Constant Jenatzy, fabricante de neumáticos cauchu, una novedá na dómina. Camille estudió como inxenieru, y taba interesáu nos vehículos de propulsión llétrica.
Queriendo faese un buecu nel prometedor mercáu parisín de vehículos llétricos, Jenatzy creó una planta de producción que fabricó numberosos carruaxes de motor llétricus. Compitió fiero contra'l fabricante d'automóviles francés, Jeantaud usando numberosos trucos publicitarios p'amosar quién d'ellos producía'l coche más rápidu. P'asegurar el trunfu de la compañía, Jenatzy construyó un prototipu en forma de bala, concebíu pol fabricante de carros Rothschild nuna aleación d'aluminiu, tungsteniu y magnesiu.
Jenatzy algamó la velocidá de 105,882 km/h, superando l'antiguu rexistru qu'ostentaba'l Conde Gaston de Chasseloup-Laubat con una marca de 92,78 km/h consiguida'l 4 de marzu de 1899.
El motor de combustión alimentáu por gasolina, va suplantar al llétricu mientres tol sieglu posterior.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
