From Wikipedia, the free encyclopedia
Juxta Crucem ye'l nome de la estrella ε Crucis (ε Cru / HD 107446 / HR 4700),[6][7] la quinta más brillosa de la constelación Cruz del Sur con magnitú aparente +3,59. El nome Juxta Crucem, y la forma curtia Juxta, provienen del llatín y el so significáu ye «xunto a (cerca de) la Cruz». En portugués ye conocida col nome de Intrometida.
Juxta Crucem ye una xigante naranxa de tipu espectral K3.5III[6] con una temperatura de 4150 K. La so lluminosidá ye 330 vegaes mayor que la lluminosidá solar[8] y el so diámetru ye 34 vegaes mayor que'l del Sol[9] —casi la metá de la órbita de Mercuriu—. Intrínsecamente más lluminosa que la conocida Arturu (α Bootis), ye una estrella de carauterístiques asemeyaes a Maasym (λ Herculis). Tien un conteníu relativo de fierro equivalente al 80% del esistente nel Sol. La so masa averada ye un 42% mayor que la masa solar y la so edá envalórase en 2830 millones d'años.[10]
Juxta Crucem ta catalogada como una posible estrella variable cola denominación NSV 5568.[6] Forma parte del grupu de les Híades[7] y alcuéntrase a 228 años lluz del Sistema Solar.
Juxta Crucem apaez nes banderes nacionales d'Australia, Papúa Nueva Guinea y Brasil. Nésta última representa al estáu d'Espírito Santo —vease estrelles na Bandera de Brasil—.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.