politólogu español From Wikipedia, the free encyclopedia
Juan Carlos Monedero Fernández-Gala (12 de xineru de 1963, Madrid)[2] ye un politólogu, políticu y profesor español, exsecretariu de Procesu Constituyente y Programa de Podemos.[3] Collaboró tamién en dellos medios de comunicación, tanto de prensa como televisión, y na actualidá presenta'l programa d'alderique políticu En la Frontera en Público TV.[4]
Juan Carlos Monedero | |||
|---|---|---|---|
 | |||
2014 - 2015 | |||
| Vida | |||
| Nacimientu | Madrid, 12 de xineru de 1963[1] (61 años) | ||
| Nacionalidá |
 España | ||
| Estudios | |||
| Estudios |
Universidá Complutense de Madrid Universidá de Heidelberg | ||
| Llingües falaes | castellanu | ||
| Oficiu | políticu, politólogu, profesor | ||
|
Participante
| |||
| Emplegadores | Universidá Complutense de Madrid | ||
| Creencies | |||
| Partíu políticu | Podemos | ||
| IMDb | nm1926197 | ||
| juancarlosmonedero.org | |||
 | |||
Ye'l cuartu fíu de Salvador Monedero, un xixonés ñacíu en 1932, y de Flora Fernández, una manchega de Vianos (Albacete), quien en 1955 s'estableció en Madrid, onde tuvieron a los sos seis fíos y montaron un chigre na esquina de Romera Carbayeda con Ferraz.[5]
Estudió primaria y el bachilleratu nun colexu relixosu, los Sagrados Corazones de Martín de los Heros.[5] Coles mesmes, y como'l restu de los sos hermanos, ayudaba nel negociu familiar, atendiendo nel so casu la tienda d'ultramarinos asitiada na trestienda del chigre o repartiendo los pidíos.[5] Con un padre de dreches, el nuevu Monedero anició'l so xiru a la izquierda a los 11 años, cuando un amigu del so colexu cuntó-y la detención del so padre, miembru de l'antifranquista Unión Militar Democrática.[5]
Anque se matriculó primeramente n'Economía na Universidá Complutense de Madrid (UCM), pasóse a Ciencies Polítiques en 1984.[6] Tamién asistió al Goethe Institut de Madrid.[6]
Ente 1989 y 1992 Monedero fixo los sos estudios de doctoráu na Universidá de Heidelberg (Alemaña), so la direición del politólogu Klaus von Beyme.
Dende 1992 ye profesor na Facultá de Ciencies Polítiques de la UCM, onde desarrolla parte del so llabor investigador ya imparte asignatures rellacionaes coles Instituciones polítiques, la Teoría del Estáu, América Llatina, el sistema políticu d'España y el procesu de mundialización.
En 1996 lleó la so tesis doctoral, Causas de la disolución de la República Democrática Alemana. La ausencia de legitimidad: 1949-1989, na UCM.[6]
En 2011 entamó a collaborar nos programes d'alderique políticu La Tuerka de Tele K y Fort Apache, presentaos por Pablo Iglesias.[7] Darréu, participó en programes de les grandes canales nacionales, como Las mañanas de Cuatro y Al Rojo Vivo de LaSexta.[8]
Consideróse-y próximu al movimientu 15-M y dellos medios calificáronlu como «ideólogu» del mesmu,[9] anque él sostenía qu'a naide se-y pue atribuyir tala condición.[10] Opinó sobre'l movimientu político y social del 15-M, que "ye lo meyor que-y pasó a la democracia".[11]
Monedero desempeñó funciones d'asesoría política del políticu Gaspar Llamazares ente 2000 y 2005, mientres la so etapa de coordinador xeneral d'Izquierda Xunida.[12]
En 2003 el Partíu Popular (PP) se querelló contra él por ser el promotor y propietariu del dominiu d'Internet noalaguerra.org. El sitiu web amosáu nesi dominiu, agospiáu en Nodo50, centrábase na crítica del PP, entós al frente del gobiernu d'España, pola so implicación nel sofitu a la invasión d'Iraq en 2003 y la posterior Guerra d'Iraq. El PP consideró que parte de los conteníos constituyíen inxuries y llevantos contra'l mesmu partíu y a dellos dirixentes,[12] con afirmaciones del tipu «cómplices d'asesinatu» en referencia a los diputaos populares que dieren el so sofitu, en votación secreta, a la participación española na guerra d'Iraq.[13] L'acusación pidió pena de cinco años de cárcel contra Monedero y a los desconocíos responsables de la páxina. Na so defensa, Monedero argumentó que se llindara a financiar la iniciativa de dellos alumnos y que la querella del PP atendía a motivos políticos por implicase en contra de la guerra n'Iraq.[14] Negóse dar nomes d'alumnos, el PP siguió cola querella. La causa sería sobreseída.
Foi asesor del gobiernu venezolanu ente 2005 y 2010, tanto direutamente col entós presidente Hugo Chávez, como nel Ministeriu de Planificación o nel Centru Internacional Miranda (onde foi responsable de formación).[15][16][17]
Defendió críticamente la Revolución Bolivariana, enmarcada nel Socialismu del Sieglu XXI. Sobro Chávez afirmó que, pola so llucha contra'l "neolliberalismu" y l'esfuerciu en pos de la integración llatinoamericana, foi "el postreru llibertador d'América Llatina", y que'l procesu políticu n'América Llatina yera exemplu pa un mundu que ta somorguiáu nuna crisis sistémica capitalista".[18] Tres la muerte de Chávez valoró'l significáu de la so persona pa romper la hexemonía de los Estaos Xuníos n'América Llatina y construyir un procesu d'integración rexonal, criticando la posición comenenciuda de los medios de comunicación nun intentu de guerra mediática".[19]
Ente los años 2005 y 2010, mientres cinco branos, foi tamién profesor visitante na Universidá Iberoamericana de Puebla, impartiendo seminarios d'Analís Políticu.[20]
En 2008 entamó a collaborar como conferenciante nel máster universitariu en Cooperación Internacional al Desarrollu
de la Universidá Pontificia Comillas, actividá que siguió hasta l'actualidá.[21][22]
En 2010 asesoró a dellos gobiernos d'América Llatina sobro la implantación d'una moneda única.[6]
Dende xineru de 2014, forma parte del partíu políticu Podemos,[23][24] dientro del cual taría en collaboración con Luis Alegre, Carolina Bescansa, Íñigo Errejón o Pablo Iglesias. En payares d'esi añu foi escoyíu miembru del so Conseyu Ciudadanu Estatal,[25] siendo designáu secretariu de Procesu Constituyente y Programa.
El 27 de xineru de 2015 la Facienda española y la Universidá Complutense de Madrid entamaron investigaciones contra él polos sos servicios d'asesoría a los gobiernos de Venezuela, Bolivia, Ecuador y Nicaragua realizaos en 2010 pa la creación d'una unidá monetaria en Llatinoamérica, polos cualos percibiría 425 000425 000 euros.[26][27] Mientres delles selmanes facienda intentó echar voz de la irregularidá nun pudiendo alcontralo, filtrióse esa información y darréu presentó una declaración complementaria de la so renta como persona física, yá qu'en 2013 creara la empresa Caja de Resistencia Motiva 2, ensin emplegaos nin estructura organizativa, pa facturar les perres llograes nestos trabayos, declarando la so renta por aciu l'impuestu sobre sociedaes.[28]
El 28 de xineru de 2015 el diariu El País acusólu de falsiar la mayor parte del so currículu académicu, de lo que'l mesmu diariu se retrató'l 1 de febreru.[29] El 30 d'abril de 2015 anunció la so dimisión de la direición de Podemos,[30] reclamó una vuelta a los sos oríxenes d'esti partíu políticu —qu'asitiaba nel Movimientu 15-M— frente a les regles del ámbitu institucional.[31][32]
Foi columnista en periódicos como'l diariu Público, articulista ocasional n'El País[34] y na actualidá collabora nel periódicu La Marea, en CuartoPoder y nel so blogue personal.
Dende xineru de 2018 presenta'l programa "En la frontera" de Público TV.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
