Iota Cephei (ι Cep / 32 Cephei / HD 216228)[8] ye una estrella na constelación de Cefeo, dacuando conocida pol nome de Alvahet.[9] De magnitú aparente +3,51, alcuéntrase a 115 años lluz del Sistema Solar.
Iota Cephei ye una xigante naranxa de tipu espectral K0III.[8] Tien una temperatura superficial de 4795 ± 28 K[10] y relluma con una lluminosidá 57 vegaes superior a la lluminosidá solar. La midida indireuta del so diámetru angular —2,84 milisegundos d'arcu—[11] dexa evaluar el so diámetru, resultando ser ésti 11 vegaes más grande que'l del Sol. Tien una masa de 1,35 mases solares[9] y una edá envalorada de 3830 millones d'años.[12]
Iota Cephei amuesa una metalicidá inferior a la del Sol nun 30% ([Fe/H] = -0,16). Les bayures relatives de níquel, itriu, lantanu y ceriu siguen la mesma pauta pero otru grupu d'elementos —como siliciu, bariu, praseodimiu, neodimiu y europiu— presenten niveles comparables a los del Sol.[13][14]
Iota Cephei pue tar físicamente acomuñada a HD 215588, estrella de tipu F5 de 1,2 mases solares, cola que formaría una binaria amplia. La separación proyeutada ente dambes estrelles ye de casi 5 pársecs.[9]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
