Erinaceinae
From Wikipedia, the free encyclopedia
From Wikipedia, the free encyclopedia
Los erinacinos (Erinaceinae), conocíos vulgarmente como corpuspinos o perrucuspinos, son una subfamilia de pequeños mamíferos cubiertos d'escayos; pertenecen al suborde Erinaceomorpha, anque d'antiguo yeren consideraos del orde Insectivora, anguaño obsoleto. Hai un total de 16 especies de corpuspinos, estremaes en cinco xéneros.
Erinaceinae  | ||
|---|---|---|
| Rangu temporal: Paleocenu - Reciente | ||
 | ||
| Clasificación científica | ||
| Reinu: | Animalia | |
| Filu: | Chordata | |
| Subfilu: | Vertebrata | |
| Clas: | Mammalia | |
| Infraclas: | Placentalia | |
| Superorde: | Laurasiatheria | |
| Orde: | Eulipotyphla | |
| Suborde: | Erinaceomorpha | |
| Familia: | Erinaceinae | |
| Consultes | ||
| [editar datos en Wikidata] | ||
Los corpuspinos habiten Europa, Asia, África y foron introducíos en Nueva Zelanda. Nun hai corpuspinos reinales d'Oceanía, nin tampoco corpuspinos vivos que sían nativos d'América del Norte. N'España viven dos especies, el corcuspín européu y el corcuspín morunu, pero en cautividá ye bien frecuente'l corcuspín oreyudu. Los corpuspinos nun camudaron enforma mientres los postreros 15 millones d'años. Como munchos de los primeros mamíferos adoptaron una vida principalmente nocherniega y una alimentación insectívoro.
Físicamente destaquen polos sos escayos, que son pelos buecos apinaos de queratina pa da-yos rixidez. Los escayos nun tán afilaes como nel casu del puercuspín, y al contrariu qu'ésti, nun s'esprenden con facilidá del animal. Sicasí, mientres el primer añu de vida, los mozos suelten los sos escayos pa reemplazales poles que van tener siendo adultos. En periodos llargos de estrés o so dalguna enfermedá tamién pueden perdeles.
Cuando se ven amenaciaos, los corpuspinos son capaces d'endolcase sobre sí mesmos formando una bola d'escayos. La efectividá d'esta habilidá depende del númberu d'escayos que tengan. Por eso los corpuspinos del desiertu, qu'evolucionaron pa ser menos pesaos, prefieren fuxir o inclusive atacar al intrusu colos sos escayos que confiar nel so defensa de enrollamiento. Los distintos métodos de defensa lleven consigo distintes especies de depredadores: ente que los corpuspinos de monte nun tienen escesivos depredadores, principalmente uxos y turones, especies pequeñes como'l corcuspín oreyudu Hemiechinus auritus son preses de foinos, llobos o mangostes.
Toles especies de corcuspín son principalmente nocherniegues, anque dalgunes pueden tar más actives de día qu'otres. Duermen mientres gran parte del día ente la yerba o en furacos na tierra. De normal los corpuspinos caven llurigues pa protexese. Toles especies sufren dómines de letargo, dalgunos enviernen pel hibiernu y otros estivan pel branu, dependiendo de la especie, temperatura y bayura d'alimentu.
Tienen cinco dedes con uñes llargues nes estremidaes traseres, ente que nes delantreres tienen cinco dedes con uñes curties. Esto ye por cuenta de les costumes escavadores de los corpuspinos. Solo los corpuspinos de banduyu blancu tienen cuatro dedes nes estremidaes traseres.
Los corpuspinos emiten una amplia gama de soníos colos que comunicase, dende gurníos hasta fuertes gritíos. Son una especie bien sensible a los ruios y movimientos sópitos. Cada vegada qu'escuchen dalgún ruiu distinto al que nun tean avezaos pa protexese colos sos escayos faciéndose una bola y emiten un soníu (como una respiración acelerada), dempués qu'esti animal sienta que nun hai peligru densedólcase.[cita [ensin referencies]
Tol tiempu tán golifando y mueven la ñariz d'una manera bien particular (d'un llau a otru).
Dacuando los corpuspinos realicen un ritual conocíu como unximientu. Al percibir un golor nuevo'l corcuspín va correr a la so fonte, va golela y va mordela. Dempués va pegar la espluma goliosa de la so boca nos sos escayos cola llingua. La naturaleza d'esti comportamientu nun ta clara pero especulase con que pueda sirvir de camuflaje. Los ñácaros realicen l'unximientu inclusive antes d'abrir los güeyos.[cita [ensin referencies]
Corcuspín, escorcuspín, gochizu, oriciu, perrizu, perrucuspín, puercuspín, razcañeru y rezcayeru.[1]
Delles especies vendiense nes tiendes d'animales como mascotes. N'España, según normativa vixente y lo establecío nel artículu 2 del Real Decreto 630/2013, con fecha de entrada a valir 2 d'agostu 2013, pol que se regula'l Catálogu español d'especies exótiques invasores BOE: "queda prohibida la distribución de los Corpuspinos Nanos Africanos "Atelerix albiventris" y los sos híbridos, aplicándose tamién la prohibición xenérica de la so posesión, tresporte, tráficu y comerciu d'exemplares vivos o muertos, de los sos restos o propágulos, incluyendo'l comerciu esterior".
En rellación a los animales de compañía adquiríos con anterioridá a la entrada a valir d'esti real decretu, na Disposición transitoria cuarta: "Animales de compañía, animales de compañía exóticos o domésticos, y animales monteses en Parques Zoolóxicos", establezse que:
Pueden convivir bien con otros animales como perros y gatos. Nun son difíciles de caltener, pero riquen dellos cuidos especiales por cuenta de la so sensibilidá a los cambeos climáticos y la so poca habilidá p'afaese a espacios zarraos. La cría particular empezó a principios de los años 80. Considérase que pueden llegar a vivir hasta 8 años, pero n'España na práutica son bien pocos los casos de corpuspinos tan llonxevos, que suelen morrer en realidá a los 4 o 5 años.
La especie que se viende como mascota ye'l corcuspín pigméu africanu, híbridu del corcuspín africanu (Atelerix albiventris) y el corcuspín morunu (Erinaceus algirus). Esti postreru ye una especie autóctona española y ta prohibíu y penáu tenelo en cautividá, al igual que'l corcuspín común (Erinaceus europaeus). Como mascota tamién atopamos el corcuspín exipciu o oreyudu (Hemiechinus auritus) qu'adulces va siendo más común y ye posible que llueu tea tan estendíu como l'africanu.
Los dos especies riquen una temperatura constante de 25º a 27°C, polo que pel hibiernu ye bien importante apurrir un sistema de calefacción individual (nun basta cola calefacción de casa). Si la so temperatura corporal baxa demasiáu puede tener una tentativa a envernar, y al nun ser especies preparaes pa ello puede causa-yos la muerte.
La so alimentación tien de basase en pellets especializaos pa insectívoros, complementáu con inseutos, frutes y verdures. Débese-y de controlar l'alimentu yá que pueden engordar y empiorar la so calidá de vida. Lo que más-yos gusta comer son inseutos. Tien d'apurríse-y el so alimentu una vegada al día, preferiblemente na tarde. Si al siguiente día nun s'acabaron esa comida tien de retiráse-y hasta la so próxima comida.
En llibertá los corpuspinos percuerren dellos quilómetros al día polo qu'en cautividá riquen tol espaciu que seya posible. De nun tenelo van empezar a estresarse y a ganar pesu, que col tiempu va causar problemes hepáticos. Poro, una rueda como la de los hamsters pero de gran escala ye una de les meyores formes de faer que puedan exercitase y distrayese na so habitáculo. Por que una rueda seya fayadiza tendrá de midir siquier 30 cm de diámetru y nun tener barrotes que puedan toyer o mancar les sos pates.
Al tenelos de mascota, de primeres nun tán bien acostumaos a que los toquen, adulces va identificando golores y vase afaciendo al mediu ambiente que-y apurrieren. Nun ye necesariu que sían bañaos, pero sí desagafar el so mediu ambiente cada ciertu tiempu o como lo vean necesariu. Ye bonu que si tienen una xaula ponga dalgún material por qu'absuerba les sos refugayes.
 |
Wikispecies tien un artículu sobre Erinaceinae. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
