actriz estauxunidense From Wikipedia, the free encyclopedia
Drew Blythe Barrymore (22 de febreru de 1975, Culver City) ye una actriz de cine y televisión, modelu y productora d'Estaos Xuníos. Barrymore saltó a la fama col so papel na película E.T. the Extra-Terrestial (1982). Darréu, Barrymore actuó en películes como Batman Forever (1995) Scream (1996), The Wedding Singer (1998), Never Been Kissed (1999) y Charlie's Angels (2000), que la fixeron merecedora de dellos premios y ganó la reconocencia mundial.
Drew Barrymore | |
|---|---|
 | |
| Vida | |
| Nacimientu | Culver City, 22 de febreru de 1975[1] (49 años) |
| Nacionalidá |
 Estaos Xuníos |
| Llingua materna | inglés |
| Familia | |
| Padre | John Drew Barrymore |
| Madre | Jaid Barrymore |
| Casada con |
Tom Green (2001 – div. 2002) Will Kopelman (2012 – div. 2016) |
| Pareyes | Justin Long |
| Fíos/es |
Olive Kopelman Frankie Kopelman |
| Hermanos/es | John Blyth Barrymore |
| Pueblu |
Barrymore family (en)  |
| Estudios | |
| Llingües falaes | inglés[2] |
| Oficiu | actriz, actriz de cine, direutora de cine, productora de cine, actriz de voz, escritora, autobiógrafa, actriz de televisión, modelu, productora de televisión |
| Emplegadores | Organización de les Naciones Xuníes |
| Premios |
ver
|
| IMDb | nm0000106 |
| drewbarrymore.com | |
 | |
Dempués d'una infancia aturbolinada, que tuvo marcada poles drogues y l'abusu d'alcohol y dos estancies en rehabilitación,[4] Barrymore escribió en 1990 l'autobiografía, Little Girl Lost. Ella tuvo ésitu na transición de neña estrella a actriz adulta con una serie de películes, incluyendo Bad Girls, Boys on the Side, y Everyone Says I Love You. Darréu, establecióse ella mesma en comedies romántiques como The Wedding Singer y Lucky You.
En 1995, ella y la so socia Nancy Juvonen formaron la compañía de producción Flower Films, cola so primer producción Never Been Kissed (1999). Flower Films llegó a producir Charlie's Angels (2000), 50 First Dates (2004), Music and Lyrics (2007), según la película de cultu Donnie Darko. Apocayá, Barrymore actuó en He's Just Not That Into You, Grey Gardens y Everybody's Fine (2009). Barrymore apaeció na portada de la edición de la revista People como una de les 100 más formoses.
Barrymore foi nomada Embaxadora contra la Fame nel Programa Mundial d'Alimentos de les Naciones Xuníes (PMA). Dende entós donó más de $ 1 millón de dólares pal programa.[ensin referencies] En 2007, convirtióse en modelu y vocera de la cosmética CoverGirl, JCG Models y Gucci.[5][6][7]
Los sos padres yeren Ildiko Jaid Mako y John Drew Barrymore. El so padre yera d'ascendencia inglesa ya irlandesa, ente que la so madre nació nun campu de refuxaos pa húngaros n'Alemaña.[4][8] El so padre foi fíu de John Barrymore, unu de los actores más importantes y prestixosos del cine hollywoodiense mientres la década de los años 30, y mediohermanu de l'actriz Diana Barrymore. Los sos tíos güelos Lionel Barrymore y Ethel Barrymore tamién fueron reconocíos actores, anque destacaron principalmente en teatru.
Drew protagonizó la so primer apaición en televisión nun anunciu pa Gainesburger Puppy Food. El so debú en cine llegaría-y con tan solu cuatro años al interpretar a la fía de William Hurt en Altered States (1979), un filme de ciencia-ficción dirixíu por Ken Russell.
A los seis años Drew fixo una prueba pa Poltergeist del so padrín Steven Spielberg. A pesar del contautu, Drew nun foi escoyida pal papel; sicasí sí pudo consiguir el de la pequeña Gertie en E.T. the Extra-Terrestial (1982). Gracies a esta apaición consiguió un Premiu Mocedá nel Cine y una candidatura a los Premios de l'Academia Británica de Cine y Televisión (BAFTA) na categoría d'Actriz Novel más Destacada.
A los once, la so madre empezó a llevala a castings pa televisión. Fixo delles apaiciones en televisión como en The tonight Show de Johnny Carson y foi la presentadora más nueva de Saturday Night Live.
Con 13 años, Drew foi víctima de les drogues y l'alcohol. Inda siguía trabayando. Foi estrella de tres películes más, Firestarter (1984), Irreconcilable Differences (1984) y Cat's Eye (1985).
El 28 de xunu de 1988 tomóse una decisión que-y camudaría la vida. Drew foi ingresada na ASAP Treatment Center (un centru pa tratar la drogadicción y los problemes mentales) pola so madre. Dempués d'años de autodestrucción, intentu de suicidiu incluyíu, finalmente volvió al bon camín. El pasu más grande que dio foi'l publicar la so autobiografía titulada Little Girl Lost a los 14 años. Dende'l café teatru a los especiales del colexu y depués a películes de baxu presupuestu como A Conspiracy of Love (1987), See You in the Morning (1989), Far from home (1989), hasta volver finalmente a la gran pantalla.
Yá rehabilitada y col deséu de recuperar el tiempu perdíu, l'actriz vuelve retomar la so carrera a mediaos de los 90, gracies a la so apaición en películes como Bad girls (1994), Batman Forever (1995), Scream (1996), Mad love (1995) o Everyone Says I Love You (1996).
A los 19 años, Drew casóse con Jeremy Thomas, propietariu d'un chigre, un matrimoniu que duró tres meses. Como la so carrera empezaba a espolletar con películes y apaiciones diverses, a Drew propúnxose-y apaecer en revistes y otres publicaciones como Guess, Playboy o Interview, nestos dos últimes salió desnuda lo que consolidó la so imaxe sexy.
En 1995, Barrymore formó Flower Films, una productora, cola so socia de negocios, Nancy Juvonen. La primer película producida pola empresa foi en 1999, Never Been Kissed. La segunda ufierta de la compañía foi Charlie's Angels (2000), un gran ésitu de taquilla en 2000, qu'ayudó a solidificar la posición de dambes, Barrymore y la empresa. Cuando se vio amenazada la producción de la primer película de Richard Kelly, Donnie Darko, Barrymore dio un pasu alantre col financiamientu de Flower Films y tomó el pequeñu papel de Karen Pomeroy, profesora d'Inglés del protagonista.
En 1995, Barrymore protagonizó Boys on the Side con Whoopi Goldberg y Mary-Louise Parker, y tuvo un cameo na película de Joel Schumacher, na qu'interpretó a una de les muyeres del gángster "Dos Cares" Tommy Lee Jones. Al añu siguiente, fixo una apaición na esitosa película de terror Scream. Foi de cutiu en comedies romántiques, como Wishful Thinking (1996), The Wedding Singer (1998), Home Fries (1998).
Amás d'una serie d'apaiciones en películes producíes pola so compañía, Flower Films, incluyendo Charlie's Angels. Barrymore tuvo un papel dramáticu na película de comedia dramática Riding in Cars with Boys (2001), interpretando a una madre adolescente nun matrimoniu fracasáu con un maríu drogadictu (basada na historia de la vida real de Beverly D'Onofrio). En 2002 Barrymore apaeció en Confessions of a Dangerous Mind, xunto a Sam Rockwell y Julia Roberts.
En 2003, Barrymore protagonizó la secuela de Charlie's Angels (2000), Charlie's Angels: A la llende, xunto coles mesmes actrices, Cameron Diaz y Lucy Liu. Protagonizó xunto con Adam Sandler la película 50 first dates (2004), Music and Lyrics (2007).[9][10] y emprestó la so voz pa la película Un chihuahua de Beverly Hills (2008), protagonizada por Jamie Lee Curtis, Piper Perabo y Manolo Cardona.
Barrymore ye amiga de l'actriz Cameron Diaz, inclusive les han inmortalizado a los dos xuntes con dos estatues nun prestixosu muséu de cera londinense. Ye la madrina de Frances Bean Cobain (la fía de Kurt Cobain y Courtney Love) xunto a Michael Stipe, vocalista de R.E.M..
En xunetu de 2001 Barrymore casóse col actor Tom Green, del que se dixebró n'ochobre de 2002, alegando que la pareya tenía "diferencies irreconciliables". Barrymore casóse con William Kopelman nel mes de xunu de 2012. En setiembre de 2012 nació la so primer fía, Olive Barrymore Kopelman. La so segunda fía, Frankie, nació n'abril de 2014.
A Barrymore ye frecuente vela collaborar con numberoses causes solidaries. Actúa como voceru nacional de la Fundación Pro Salú de la Muyer, una organización ensin fines d'arriquecimientu dedicada a concenciar sobre la necesidá de prauticar sexu seguro al traviés del usu de preservativos. Tamién participa activa y económicamente con Wildlife Waystation, una organización que'l so oxetivu ye rescatar y acoyer animales de tol mundu. Barrymore apaeció nel show d'Oprah Winfrey donando un millón de dólares a la fundación d'alimentación del mundu pa donar comida a los neños d'África.
Tamién amplió'l so negociu llanzando una marca de vinos, Barrymore Wines. La so primer collecha foi un Pinot Grigio, un vinu blanco afrutado con arume a piescu y a cítricos del que sacó 2.000 botelles pal mercáu norteamericanu.
Barrymore tamién ye fotógrafa. Los sos trabayos fueron notables en delles revistes de moda por modelos y actrices famoses como Rachel McAdams.
| Añu | Títulu | Rol | Notes |
|---|---|---|---|
| 1980 | Altered States | Margaret Jessup | |
| 1982 | E.T. the Extra-Terrestial | Gertie | Nominación – Premiu BAFTA a la Meyor Actriz Revelación |
| 1984 | Firestarter | Charlene "Charlie" McGee | Nominación – Premiu Saturn a la Meyor Actuación d'una Actriz Nueva |
| Irreconcilable differences | Casey Brodsky | Nominación – Premiu Globu d'Oru a la Meyor Actriz de repartu | |
| 1985 | Cat's Eye | ||
| 1986 | Babes in Toyland | Lisa Piper | Película pa televisión |
| 1989 | See you in the morning | Cathy Goodwin | |
| Far from home | Joleen Cox | ||
| 1991 | Motorama | ||
| 1992 | Waxwork II: Lost in Time | Víctima del vampiru Nᵘ1 | |
| Poison Ivy | Ivy | ||
| Guncrazy | Anita Minteer | Nominación – Premiu Globu d'Oru a la Meyor Actriz de Miniserie o Telefilme | |
| 1993 | The Amy Fisher story | Amy Fisher | |
| No place to hide | Tinsel Hanley | ||
| Doppelganger | Holly Gooding | ||
| Wayne's World 2 | Bjergen Kjergen | ||
| 1994 | Inside the Goldmine | Daisy | |
| Bad Girls | Lilly Laronette | ||
| 1995 | Boys on the side | Holly Pulchik-Lincoln | |
| Mad love | Casey Roberts | ||
| Batman Forever | Sugar | ||
| 1996 | Everyone Says I Love You | Skylar Dandridge | |
| Scream | Casey Becker | Nominación – Premiu Saturn a la Meyor Actriz | |
| 1997 | Wishful thinking | Lena | |
| Best men | Hope | ||
| 1998 | The Wedding Singer | Julia Sullivan | Nominación – Premiu Chlotrudis a la Meyor Actriz (tamién por Ever After: A Cinderella Story) |
| Ever After: A Cinderella Story | Danielle de Barbarac | Premiu Saturn a la Meyor Actriz Nominación – Premiu Chlotrudis a la Meyor Actriz (tamién por The Wedding Singer ) | |
| Home fries | Sally Jackson | ||
| 1999 | Never Been Kissed | Josie Geller | Nominación – MTV Movie Awards al Meyor Desempeñu Femenín Nominación – MTV Movie Award al Meyor Besu |
| Olive, the Other Reindeer | Olive | Voz | |
| 2000 | The Simpsons | Sophie (voz) | 1 episodiu |
| Skipped parts | |||
| Titan A.E. | Akima | Voz | |
| Charlie's Angels | Dylan Sanders | Ganadora – MTV Movie Award al Meyor Equipu na Pantalla (con Cameron Diaz y Lucy Liu) Nominación – MTV Movie Award a la Meyor Engarradiella | |
| 2001 | Donnie Darko | Karen Pomeroy | |
| Freddy Got Fingered | Recepcionista del Señor Davidson | ||
| Riding in Cars with Boys | Beverly Donofrio | ||
| 2002 | Confessions of a Dangerous Mind | Penny | |
| 2003 | Charlie's Angels: A la llende | Dylan Sanders | Nominación – MTV Movie Award por Meyor Secuencia de Baille (con Cameron Diaz y Lucy Liu) |
| Dúplex | Nancy Kendricks | ||
| 2004 | 50 First Dates | Lucy Whitmore | Ganadora – MTV Movie Award al Meyor Equipu na Pantalla Ganadora – People's Choice Award a la meyor química en pantalla (compartíu col restu del repartu) Nominación – MTV Movie Awards a la Meyor Actuación Femenina |
| 2005 | Amor en xuegu | Lindsey Meeks | Nomada – Irish Film & Television Award a la Meyor Actriz Internacional Nomada – Premiu Blimp a l'actriz favorita nuna película Nomada – Teen Choice Award a la meyor actriz nuna película - Comedia Nomada – Teen Choice Award a la meyor química nuna película (compartíu con Jimmy Fallon) Nomada – Teen Choice Award al meyor besu nuna película (compartíu con Jimmy Fallon) Nomada – Teen Choice Award a la meyor escena d'amor nuna película (compartíu con Jimmy Fallon) |
| 2005–2009 | Family Guy | Mrs. Lockhart y Jillian Russell | Voz 1 episodiu como Mrs. Lockhart y 10 como Jillian Russell |
| 2006 | Jorge'l curiosu | Maggie | Voz |
| 2007 | Music and Lyrics | Sophie Fisher | Nomada – Premiu Blimp a l'actriz favorita nuna película Nomada – Teen Choice Award al meyor besu nuna película (compartíu con Hugh Grant) |
| Lucky You | Billie Offer | ||
| 2008 | Un chihuahua de Beverly Hills | Chloe | Voz |
| 2009 | He's Just Not That Into You | Mary | |
| Grey Gardens | Edith Bouvier Beale | Película fecha pa HBO Ganadora - Globu d'Oru a la Meyor Actriz nuna miniserie o telefilme Ganadora - Premiu del Sindicatu d'Actores a la meyor actriz de televisión nuna miniserie o telefilme Ganadora - Premiu Satellite a la meyor actriz nuna miniserie o telefilme Ganadora - Premiu Gracie Allen a la meyor interpretación protagonista femenina nun drama Nomada – Primetime Emmy a la meyor actriz - Miniserie o telefilme Nomada – Prism Award a la meyor actuación nuna miniserie o telefilme | |
| Whip It | Smashly Simpson | Tamién direutora y coproductora | |
| Everybody's Fine | Rosie | ||
| 2010 | Going the Distance | Erin | |
| 2012 | Big Miracle | Rachel Kramer | |
| 2014 | Blended | Lauren Reynolds | |
Creitos como direutora
|
Creitos como productora
|
| Añu | Categoría | Película | Resultáu |
|---|---|---|---|
| 2010 | Meyor Actriz de Miniserie o Telefilme | Grey Gardens | Ganadora |
| 1992 | Meyor Actriz de Miniserie o Telefilme | Guncrazy | Nomada |
| 1984 | Meyor Actriz de repartu | Irreconcilable Differences | Nomada |
| Añu | Categoría | Película | Resultáu |
|---|---|---|---|
| 2010 | Meyor Actriz de televisión nuna miniserie o telefilme | Grey Gardens | Ganadora |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
