Un diptongu ye una cadena sonora que consiste na articulación de dos vocales, una de siguío de la otra,[1] ensin interrupción y produciéndose una transición nidia nes frecuencies sonores que carautericen los timbres de caúna de los dos vocales. Fonolóxicamente dos vocales articulaes d'esa manera formen parte de la mesma sílaba.
 Diptongu | ||||
|---|---|---|---|---|
| Tipu | fenómenu | |||
| ||||
 | ||||
Nun diptongu los formantes acústicos tienen una transición nidia dende un puntu del área vocálica a otru, lo que-yos da'l so naturaleza de diptongos. Esto corresponde a una articulación en que la llingua pue mover ente distintos puntos mentres la emisión del diptongu. Los dos puntos estremos de l'articulación son percibíos como los dos vocales que formen el diptongu. Nel espectrograma d'un hiatu nun se repara la zona de transición, razón pola que fonéticamente son distintes.
Magar la mayor parte de les llingües del mundu tienen nel so repertoriu diptongos fonéticos, esisten delles llingües qu'escaecen por completu de diptongos. La calidá de les vocales que pueden formar diptongu varia d'una llingua a otra.
Un hiatu ye en ciertu mou lo opuestu a un diptongu, yá que ye un contautu de dos vocoides (soníos de tipu vocálicu) que nun formen sílaba; esto ye, ye la pronunciación separada de dos vocales, en que ca vocal pertenez a una sílaba distinta.
Cuando s'analiza'l espectrograma de los diptongos, y p'analizar la so articulación, amósase que les propiedaes de dambes vocales son modificaes, especialmente porque esiste un tiempu de transición d'una vocal a la otra. En muites llingües una de les vocales ye dominante y pue ser fonéticamente daqué más llarga que la otra, y pue asoceder que la otra vocal pierda fuercia na so articulación.
En llatín clásicu namái esistíen tres diptongos decrecientes AU, AE~Æ, OE~Œ [au̯, ae̯, oe̯] en pallabres natives y en préstamos griegos dábense tamién EU, EI (Eurōpa, Eirenē). En llatín arcaicu esistiríen seis diptongos decrecientes /*ai, *au, *ei, *eu, *oi, *ou/ anque munchos d'estos monoptongaron: /*eu, *ou/ > /ū/ (*leuks > lūx 'lluz',*louksna > lūna 'lluna'), ente qu'otros sufrieron abertura del elementu semivocálicu /*ai, *oi/ > [ae̯, oe̯]. Inclusive s'atopen dellos casos de /*oi/ monoptongado en /ū/ (*oinos > ūnus 'unu', *poinicos > pūnicus 'púnicu, cartaxinés' xunto a *poinī > pœnī 'fenicios, cartaxineses').
L'enclín monoptongante del llatín clásicu nos diptongos crecientes, en gran parte siguió en llatín tardíu. Nes llingües romances los vieyos diptongos del llatín clásicu Æ, Œ monoptongan en llatín tardíu en /*ɛ/ y /*y/ respeutivamente. Amás el diptongu AU tiende a monoptongar en práuticamente toles llingües protorromances (namái n'occitanu y iberromance occidental queden formes residuales que nun esperimentaron monoptongación.
Sicasí, la perda de diferencia de la distinción fonológia ente vocales llargues y curtios que se dio nel protorromance, fixo apaecer nuevos diptongos nes llingües romances (ver amenorgamientu y estabilización del vocalismu tónicu), esto diose fundamentalmente en sílabes tóniques. A diferencia del español, munches llingües romances escarecen de diptongos crecientes, esistiendo namái diptongos decrecientes.
Esisten munches llingües onde los contactos vocálicos resuélvense siempres n'hiatos, neses llingües pueden esistir fonolóxicamente fonemes como /w, j/ pero nunca son alófonos vocálicos de /i, o/. Un exemplu ye'l náhuatl clásicu onde dos vocales en contautu siempres se resuelven como hiatu asina ēi 'trés' articúlase como [(j)yː.(j)i] o tlahtoa 'habar' resuélvese como [tɬ͡aʔ.to.(w)a]. Tampoco'l turcu almite diptongos en nengún casu.
- Hiatu
- Triptongu
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
