From Wikipedia, the free encyclopedia
René Descartes, nacíu en La Haye en Touraine (Indre et Loira, Francia; el llugar recibe güei el nome de Descartes nel so honor) el 31 de marzu de 1596 y muertu en Estocolmu (Suecia) el 11 de febreru de 1650, foi un filósofu, matemáticu y físicu francés. Magar que yera francés, pasó venti años (1629-1649) nes Provincies Xuníes tres de sirvir un tiempu nel exércitu de Mauriciu de Nassáu, príncipe d'Orange y cabezaleru d'esti país. Poro, ye consideráu ún de los principales representantes del nomáu Sieglu d'Oru neerlandés[6].
René Descartes![]() | |||
---|---|---|---|
![]() | |||
| |||
Vida | |||
Nacimientu |
Descartes[1], calendario no especificado, se presume gregoriano (es) ![]() | ||
Nacionalidá |
![]() | ||
Llingua materna | francés | ||
Muerte | Estocolmu[2], 11 de febreru de 1650[2] (53 años) | ||
Sepultura |
abadía de Saint-Germain-des-Prés (es) ![]() Iglesia de Adolfo Federico (es) ![]() Abadía de Santa Genoveva de París (es) ![]() | ||
Causa de la muerte | neumonía[1] | ||
Familia | |||
Padre | Joachim Descartes | ||
Madre | Jeanne Brochard | ||
Pareyes |
Helena Jans van der Strom (en) ![]() | ||
Fíos/es | Francine Descartes | ||
Hermanos/es | Pierre Descartes | ||
Familia |
ver
| ||
Estudios | |||
Estudios |
collège Henri-IV de La Flèche (en) ![]() Universidá d'Utrecht Universidá de Leiden Pritaneo Nacional Militar (es) ![]() | ||
Tesis | ' | ||
Direutor de tesis |
Isaac Beeckman Jacobus Golius (es) ![]() | ||
Llingües falaes |
llatín[4] francés[5] | ||
Profesor de |
Gilles-François Boulduc René Fédé | ||
Oficiu |
filósofu, matemáticu, musicólogu, físicu, astrónomu, teóricu de la música, epistológrafo (es) ![]() ![]() | ||
Llugares de trabayu | La Flèche, Poitiers y Estocolmu | ||
Trabayos destacaos |
Discursu del métodu La Géométrie (es) ![]() The Description of the Human Body (en) ![]() | ||
Influyencies |
Platón, Aristóteles, Anselmo de Canterbury (es) ![]() | ||
Miembru de | Academia Francesa de les Ciencies | ||
Movimientu | Racionalismu | ||
Creencies | |||
Relixón | Ilesia Católica | ||
IMDb | nm1548818 | ||
![]() | |||
![]() |
La so obra Meditaciones metafísiques (1641) sigue siendo anguaño un testu de referencia na mayoría de los departamentos universitarios de filosofía. La so influyencia nel campu de les matemátiques ye igual d'importante: ye consideráu'l pa de la xeometría analítica, que fai de ponte ente l'álxebra y la xeometría, que foi clave pal descubrimientu del cálculu ya l'análís infinitesimal. Descartes foi, tamién, una de les figures principales de la Revolución científica.
Descartes refugó aceptar l'autoridá de los filósofos anteriores a elli, y munches vegaes adoptó puntos de vista perestremaos de los de los sos predecesores. Asina, na introducción de Les passions de l'âme, un tratáu de les emociones, llega a dicir que va escribir sobro esta materia "como si dengún tuviera escrito sobre ello primero". El so principal asertu filosóficu ye "Pienso, eso ye qu'esisto", qu'apaez nel so Discursu del métodu (1637) y nos sos Principios de la filosofía (1644)[nota 1].
Munchos de los elementos del so pensamientu filosóficu pueden rastrexase nel aristotelismu tardíu, nos neoestoicos del sieglu XVI y en filósofos como Agustín d'Hipona. No que cinca a la filosofía natural, el so pensamientu dixébrase de les escueles que lu precedieron en dos puntos principales: primeru, él niega la dixebra de la sustancia corporal en cuerpu y alma; y segundu, niégase a aceptar denguna xustificación al traviés de destinos finales, seyan d'orixe relixosu o natural, na esplicación de los fenómenos naturales[7]. Na so teoloxía insiste na absoluta llibertá del actu divinu de la creación.
Descartes punxo los finxos pa l'apaición, nel sieglu XVII, del nomáu racionalismu continental, dempués defendíu por Baruch Spinoza y Gottfried Leibniz y opuestu al empirismu de Thomas Hobbes, John Locke, George Berkeley y David Hume. Neto Leibniz y Spinoza que Descartes foron toos ellos matemáticos amás de filósofos, y Descartes y Leibniz ficieron tamién destacaes contribuciones al desarrollu de la ciencia.