Dave Franco

David John "Dave" Franco (12 de xunu de 1985, Palo Alto) ye un actor d'Estaos Xuníos, más conocíu polos sos papeles en 21 Jump Street, Charlie St. Cloud, Now You See Me, Warm Bodies y na serie Scrubs.

Dave Franco
Vida
Nacimientu	Palo Alto, 12 de xunu de 1985[1] (39 años)
Nacionalidá	Estaos Xuníos
Familia
Casáu con	Alison Brie
Hermanos/es	James Franco Tom Franco
Estudios
Estudios	Universidá del Sur de California Palo Alto High School (es)
Llingües falaes	inglés[2]
Oficiu
Oficiu	actor de televisión, actor de cine, direutor de cine, actor, guionista
Altor	170 cm
Miembru de	Writers Guild of America West (es)
Seudónimos	Dave Franco
Creencies
Relixón	xudaísmu
IMDb	nm2002649

Dave ye l'hermanu menor del actor James Franco.

Vida personal

Franco nació en Palo Alto, California, fíu menor de Betsy,^[3] una poeta, autora y editora, y Doug Franco (1948-2011). El padre de Franco ye d'ascendencia portuguesa y Sueca, la so madre ye xudía y descendiente d'inmigrantes rusos.

La so güela materna, Mitzi Levine Verne, ye la dueña de la Galería d'Arte Verne, una prominente galería d'arte en Cleveland.^[4]

Dave creció en California colos sos dos hermanos, Tom y James Franco.^[3]

Carrera

En 2006, Franco debutó como actor nel drama de televisión de The CW, 7th Heaven. Dende entós apaeció en series de televisión como Do Not Disturb y Young Justice. Tuvo papeles bultables en películes como Charlie St. Cloud, Now You See Me y 21 Jump Street.

En mayu de 2008, Franco formó parte del repartu del drama adolescente de The CW Privileged. Foi estrenáu'l 9 de setiembre de 2008 con 3,1 millones d'espectadores. Les audiencies baxaron cada selmana col sestu episodiu teniendo 1,837 millones d'espectadores. The CW nun anovó la serie por una segunda temporada.

N'agostu del 2009, Variety anunció que Franco fuera escoyíu pa tener un papel regular na novena temporada de la sitcom d'ABC Scrubs. Franco interpretaba a Cole Aaronson, un estudiante de medicina, que la so familia pagó una gran suma de dineru al hospital Sacred Heart por que pudiera faer práutiques.^[5] En mayu de 2010 ABC anunció que la serie nun sería anovada por una décima temporada.^[6]

N'agostu del 2011 Franco protagonizó la comedia d'horror en 3D Fright Night. Esta película ye un remake de la película de 1985 del mesmu nome y trata sobre un adolescente qu'afaya que'l so vecín ye un vampiru. La película recibió crítiques positives y recaldó 41 millones de dólares en tol mundu.

N'abril del 2012, Shalom life asitiáronlu a él y al so hermanu, James, na posición númberu 2 de la llista de "Los 50 xudíos más talentosos, intelixentes, graciosos y magníficos del mundu"

En mayu del 2012, Franco apaeció na película de comedia 21 Jump Street xunto a Jonah Hill y Channing Tatum. Interpretaba'l papel de Eric, un estudiante d'institutu y traficante de drogues.^[7] La película recibió allabancies de los críticos y foi un gran ésitu na taquilla. James desmintió los rumores al respeutive d'intentar facer una secuela d'esta película. Magar que más tarde fízose, anunciando inclusive una tercer parte.

El 1 de febreru de 2013, estrenóse la película Warm Bodies, na que Franco interpretaba a Perry Kelvin. El 31 de mayu de 2013 estrenóse la película Now You See Me, na qu'apaeció xunto a Jesse Eisenberg, Mélanie Laurent, Woody Harrelson, Mark Ruffalo, Morgan Freeman y Isla Fisher.

Filmografía

Películes

Añu	Títulu	Rol
2007	Superbad	Greg
	After Sex	Sam
2009	The Shortcut	Mark
	A Fuchsia Elephant	Mark
2010	Greenberg	Rich
	Charlie St. Cloud	Timothy Patrick Sullivan "Sully"
2011	The Broken Tower	Hart Crane (mozu)
	Bad Meat	Tyler
	Fright Night	Mark
2012	21 Jump Street	Eric Molson
2013	Warm Bodies	Perry Kelvin
	Now You See Me	Jack Wilder
2014	Neighbors	Pete Carter
	22 Jump Street	Eric Molson

Televisión

Añu	Serie	Rol
2006	7th Heaven	Benjamin
2008	Do Not Disturb	Gus
	Greek	Gonzo
2008-2009	Privileged	Zachary
2009-2010	Scrubs	Cole Aaronson
2011-2012	Young Justice	Edward Nigma/Riddler