Arkab Prior (β1 Sagittarii / β1 Sgr / HD 181454)[3] ye una estrella de magnitú aparente +3,96. Xunto a Arkab Posterior (β2 Sagittarii) comparte la denominación de Bayer «Beta» na constelación de Saxitariu, anque son estrelles totalmente independientes. Arkab Prior alcuéntrase a 378 años lluz, prácticamente'l triple de distancia que Arkab Posterior. El términu Arkab provién del árabe Al ʼUrḳūb, traducíu como'l «tendón de aquiles» del arqueru. Coles mesmes, l'astrónomu persa Zakariya al-Qazwini conocía a esta estrella, xunto a Rukbat (α Sagittarii) y Arkab Posterior, como Al Ṣuradain, los dos Surad, páxaros del desiertu descritos de distinta manera por diversos autores.[4]
 Arkab Prior | |
|---|---|
| estrella binaria[1] | |
| Datos d'observación | |
| Ascensión reuta (α) | 290,659917 °[2] |
| Declinación (δ) | −44,458972 °[2] |
| Magnitú aparente (V) | 4,3 (banda V) |
| Magnitú absoluta | −1,32 |
| Constelación | Saxitariu |
| Radiu | 2,73 Radius solars |
| Tipu espectral | B9[2] |
| Otros nomes | |
|
Ver llista
| |
 | |
Arkab Prior ye una estrella binaria que les sos dos componentes tán visualmente separaes 28 segundos d'arcu. Arkab Prior A, la más brillosa, ye una estrella blancu-azulada de la secuencia principal de tipu espectral B9V. La so lluminosidá, teniendo en cuenta la radiación emitida nel ultravioleta, ye equivalente a 440 soles. La so masa averada ye de 3,5 mases solares y el so radiu ye 6 vegaes más grande que'l radiu solar.[5]
Arkab Prior B ye una estrella blanca de la secuencia principal de tipu A3V y magnitú aparente +7,4. Cola metá de masa que Arkab Prior A, la separación ente les dos estrelles ye de siquier 3300 UA —83 vegaes la distancia ente Plutón y el Sol—, con un periodu orbital de siquier 82.000 años.[5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
