From Wikipedia, the free encyclopedia
Ancha (θ Aquarii / θ Aqr / 43 Aquarii),[7][8] ye una estrella na constelación d'Acuariu asitiada a 191 años lluz del Sistema Solar.
El términu Ancha, «cadril» nel llatín medieval, tien el so orixe na posición que la estrella ocupaba na figura d'Acuariu, el portador de l'agua; sicasí, na mayor parte de los atles modernos apaez asitiada na cinturón delantre de la figura.[9]
Per otra parte, según dellos autores, na antigua China recibía'l nome de Lei, «la llárima».[10]
Ancha ye una xigante mariella de tipu espectral G8III[7] con una temperatura efectivo de 4909 K.[11] Tien un diámetru 15,4 vegaes más grande que'l del Sol, cifra calculada a partir de la midida direuta del so diámetru angular —1,85 milisegundos d'arcu—.[12] De magnitú aparente +4,17, la so lluminosidá ye 83 vegaes mayor que la lluminosidá solar.
Ancha tien una metalicidá daqué mayor que la del Sol ([Fe/H] = +0,10), siendo la so bayura relativa de fierro un 25% mayor que la d'ésti.[13] Xira sobre sigo mesma con una velocidá de rotación proyeutada de 3,94 km/s.[14] Tien una masa envalorada de 2,8 mases solares y paez tener una edá entendida ente 440[11] y 580 millones d'años.[13]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.