From Wikipedia, the free encyclopedia
Alwaid, tamién llamada Rastaban o Asuia, ye'l nome de la estrella β Draconis (β Dra / 23 Draconis),[9] la tercera más brillosa de la constelación de Draco, dempués d'Etamin (γ Draconis) y η Draconis.
El nome Alwaid provién del árabe Al ʽAwāïd, «les madres camellu», figura celestial qu'incluyía a Etamin (γ Draconis), Arrakis (μ Draconis), Kuma (ν Draconis) y Grumium (ξ Draconis). Sicasí, otros autores rellacionen l'orixe del nome cola pallabra Al ʽAwwād, «el músicu del llaúd».[10]
L'otru nome d'esta estrella, Rastaban, tamién procede del árabe Al Rās al Thuʽbān y significa «la cabeza de la culiebra». Pela so parte, el términu Asuia, corriente na Edá Media, provién de Al Shujāʽ.
Alwaid, asitiada a 362 años lluz del Sistema Solar, ye una superxigante —o xigante lluminosa— mariella de tipu espectral G2Iab con una temperatura superficial de 5100 K. Ye 950 vegaes más lluminosa que'l Sol y tien un radiu 40 vegaes más grande que'l radiu solar. La so masa ye 5 vegaes mayor que la masa solar. Anque por temperatura y lluminosidá tendría de ser una variable cefeida, la realidá ye que Alwaid nun presenta nengún tipu de variabilidá, ensin qu'esista una esplicación clara pa ello;[11] otres estrelles con igual comportamientu son Sadalmelik (α Aquarii) y β Camelopardalis.
Alwaid tien una compañera más fría, una nana naranxa o colorada, a una distancia de siquier 450 UA, que tarda más de 4000 años en completar una órbita. Dende un hipotéticu planeta en redol a esta acompañante, Alwaid apaecería 3000 vegaes más brillosa que la lluna llena.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.