Alofi (Niue)

Alofi ye la capital de Niue, un estáu llibre acomuñáu de Nueva Zelanda asitiáu nel océanu Pacíficu. Tien una población envalorada de 581 habitantes según el censu realizáu en 2006.^[1] Ta asitiada nel centru de la badea d'Alofi na mariña oeste de la islla, frente al únicu pasu del petón de coral que la arredola; a una distancia de 2481,43 km d'Auckland, Nueva Zelanda.^[2] La ciudá ta formada por dos barrios; Alofi Norte y Alofi Sur, siendo esti postreru'l más pobláu y onde s'atopa la sede del gobiernu.

Alofi
Alministración
Estado asociado (es)	Niue
Tipu d'entidá	villa
Nome oficial	Alofi (en)
Nome llocal	Alofi (en)
Xeografía
Coordenaes	19°03′22″S 169°55′16″W
Alofi Alofi (Niue)
Superficie	46.48 km²
Altitú	21 m
Demografía
Población	597 hab. (2017)
Porcentaxe	30.88% de Niue
Densidá	12,84 hab/km²
Más información
Estaya horaria	UTC−11:00
niuevillage.com…

Tresportes

La gran mayoría de les cais de la ciudá atópense pavimentadas. Na ciudá nun esisten llinies d'autobús por cuenta de que nun ye necesariu pola so baxa población; lo que si esiste son autobuses que se tomen nel centru de la ciudá y treslladen a otru puntu de Niue. Tamién esisten dellos ciudadanos qu'en cuenta de daqué de dineru exercen de taxistes, yá que la llocalidá tampoco dispón de taxis. Nel terrén aereu, la ciudá ye sirvida pol Aeropuertu Internacional de Niue, allugáu 7 km al norte de la mesma y que cunta con vuelos operaos por Air New Zealand con destín a Nueva Zelanda.^[3]

Clima

Alofi esfruta d'un clima ecuatorial según la Clasificación climática de Köppen. Hai un periodu secu que toma dende xunu a setiembre. Sicasí, la media de precipitaciones nestos meses ye de más de 60 mm, la llende pa una estación seca. Como otres ciudaes col mesmu clima, les temperatures medies son relativamente constantes mientres tol añu, con una media de 25 graos Celsius.

Tabla colos permedios del clima d'Alofi:^[4]

Mes	Xin	Feb	Mar	Abr	May	Xun	Xnt	Ago	Set	Och	Pay	Avi	Añu
Permediu Mayor (°C)	28	29	28	27	26	26	25	25	26	26	27	28	27
Permediu Menor (°C)	23	24	24	23	22	21	20	20	21	21	22	23	22
Precipitación (mm)	260	250	300	200	130	80	90	100	100	120	140	190	2070

Ciclón de 2004

En xineru de 2004, la nube tropical Heta cutió la islla, matando a 2 persones y provocando graves daños a tola islla. La mayoría d'edificios d'Alofi resultaron destruyíos, incluyendo l'hospital. Tres la nube, los edificios gubernamentales treslladóse a un área menos espuesta, 3 km tierra adientro, llamada Fonuakula, entá dientro de les llendes d'Alofi Sur.^[5]