From Wikipedia, the free encyclopedia
Afonso Augusto Moreira Pena (30 de payares de 1847, Santa Bárbara (es) – 14 de xunu de 1909, Rio de Janeiro) foi un políticu brasilanu.
Foi Presidente constitucional del Brasil ente'l 15 de payares de 1906 hasta'l 14 de xunu de 1909, fecha del so fallecimientu. Antes de la so carrera como políticu, foi abogáu y xurista.
=== Entamu de carrera Graduáu en Derechu pola Facultá de Derechu de São Paulo en 1870, Afonso Pena foi unu de los fundadores y direutor, en 1892, de la "Facultá Llibre de Derechu" de Minas Gerais, actual Facultá de Derechu de la Universidá Federal de Minas Gerais (UFMG). Exerció'l mandatu de diputáu pol estáu de Minas Gerais en 1874.
Los años siguientes, mientres se caltenía como diputáu, tamién ocupó dellos ministerios: de la Guerra (1882), de l'Agricultura, Comerciu y Obres Públiques (1883 y 1884), y de la Xusticia (1885). Afonso Pena y Rodrigues Alves, el so compañeru de facultá, fueron los dos presidentes de la república que fueron antes conseyeros del Imperiu de Brasil.
Ye l'únicu miembru del Gabinete Imperial de Don Pedro II que se fixo Presidente de la República de Brasil.
Afonso Pena presidió de siguío l'Asamblea Constituyente de Minas Gerais nos primeros años de la república.
Foi gobernador del estáu de Minas Gerais ente 1892 y 1894, siendo'l primer gobernador de Minas Gerais a ser escoyíu por votu direutu. Foi mientres el so gobiernu que se decidió pol cambéu de la capital del estáu, d'Ouro Preto pal pueblu de Curral d'El Rei, güei Belo Horizonte. Foi presidente del Bancu do Brasil, de 1895 a 1898 y dempués senador por Minas Gerais.
En 1 de marzu de 1902, Rodrigues Alves foi escoyíu presidente de la República teniendo Francisco Silviano de Almeida Brandão como la so vice presidente. Silviano Brandão finó en setiembre de 1902, antes de la so posesión. Pa ocupar el so llugar, Afonso Pena foi escoyíu vice presidente, en 18 de marzu de 1903, y tornóse vicepresidente'l 23 de xunu de 1903.[1]
Afonso Pena foi escoyíu presidente de la república, en 1 de marzu de 1906, llogrando a cuasi totalidá de votos. Llogró 288.285 votos contra 4.865 votos de Lauro Sodré y 207 votos de Rui Barbosa. Nilo Peçanha foi escoyíu, na mesma fecha, la so vice presidente.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.