1757 (MDCCLVII) foi un añu común entamáu en sábadu del calendariu gregorianu, y un añu común entamáu en miércoles nel calendariu xulianu. Al entamar esti añu el calendariu gregorianu taba 11 díes per delantre del xulianu, que remaneció n'usu en delles partes del mundu hasta 1923.
| Calendariu gregorianu | 1757 MDCCLVII |
| Ab urbe condita | 2510 |
| Calendariu armeniu | 1206 |
| Calendariu chinu | 4453 – 4454 |
| Calendariu hebréu | 5517 – 5518 |
| Calendarios hindús - Vikram Samvat - Shaka Samvat |
1812 – 1813 1679 – 1680 |
| Calendariu persa | 1135 – 1136 |
| Calendariu islámicu | 1170 – 1172 |
| Calendariu rúnicu | 2007 |
- 2 de xineru - Guerra de los Siete Años: L'exércitu británicu, dirixíu por Robert Clive, captura Calcuta (India).
- 5 de xineru - Robert-François Damiens atenta, ensin ésitu, escontra la vida del rei Lluis XV de Francia, que recibe una firida leve de cuchiellu. El 28 de marzu Damiens ha ser executáu públicamente na foguera tres de ser desmembráu, convirtiéndose na cabera persona que muerre per esi métodu en Francia.
- 12 de xineru - Koca Ragıp Pasha conviértese nel nuevu Gran Visir (una especie de primer ministru) del Imperiu otomanu, un cargu que desempeñará demientres siete años, hasta que muerre en 1763.
- 2 de febreru - Representantes del Imperiu rusu ya l'Imperiu austriacu roblen, en Versalles, un tratáu d'alianza escontra Prusia, nel que cada país compromete 80.000 soldaos. Notres cláusules del tratáu, que remanecen secretes, Austria comprometese a pagá-y a Rusia un millón de rublos por añu, mentantu que dure la guerra, pa costiar los gastos de 24.000 soldaos, y dos millones tres de la conquista de Silesia, una provincia prusiana que fora capturada a Austria en 1746.
- 3 de febreru - L'artista francés Robert Picault entama'l rescate de los frescos de la Cámara del Rei del Palaciu de Fontainebleau anantes de que l'arquitectu Ange-Jacques Gabrel entame les obres pa la so renovación.
- 5 de febreru - El nawab de Bengala, Siraj ud-Daulah, dirixe un intentu de recuperar Calcuta de manes ingleses. Con namái 1.900 soldaos y marinos, pero con superioridá artillera, el xeneral Robert Clive forcia a les tropes del nawab, muncho mayores en númberu, a retirase.
- 9 de febreru - El nawab y el xeneral Clive firmen el tratáu d'Alinagar, pol que Bengala compensa a la Compañía Británica de les Indies Orientales polos perxuicios económicos de la guerra y reconoz el control británicu sobro la India.
- 22 de febreru - El rei Federicu V de Dinamarca emite un decretu pol qu'ordena crear una misión luterana pa esclavos africanos nes Indies Occidentales Daneses (anguaño Islles Vírxenes Americanes) en Saint Croix.
- 21 de marzu - Suecia robla un tratáu d'alianza con Francia y Austria nel contestu del esfuerciu multinacional pa deponer al rei Federicu II el Grande de Prusia, y ello magar que la reina consorte sueca, Ulrika de Suecia, ye la hermana de Federicu. Suecia alcuerda contribuir con 25.000 soldaos a l'alianza franco-austriaca.
- 23 de marzu - La Compañía Británica de les Indies Orientales toma'l control de Chandannagar, espulsando a los alministradores franceses.
- 16 d'abril. Les obres del astrónomu Galileo Galilei nos qu'espón la so teoría heliocentrista son retiraos, cola aprobación del papa Benedictu XIV, del Index Librorum Prohibitorum, la llista de llibros prohibíos pola Ilesia Católica, xunto con «tolos llibros qu'enseñen el movimientu de la Tierra y la inmovilidá del Sol». Por embargu, otres obres de los heliocentristes Galileo, Colás Copérnicu, Johannes Kepler, Diego de Zúñiga y Paolo Foscarini remanecen na llista.
- 1 de mayu - Francia y Austria firmen un segundu tratáu d'alianza en Versalles, pol que Francia comprométese a unviar otros 105.000 soldaos a lluchar escontra Prusia, y tamién a pagar anualmente 12 millones de florines, pa gastos de guerra, a Austria.
- 6 de mayu - Guerra de los Siete Años. Batalla de Praga: Federicu'l Grande derrota a un exércitu austriacu y sitia la ciudá.
- 18 de xunu - Guerra de los Siete Años. Batalla de Kloin: Federicu ye derrotáu por un exércitu austriacu dirixíu pol mariscal Daun, y vese obligáu a colar de Bohemia.
- 13 de setiembre - Guerra de los Siete Años. Una columna de soldaos suecos entama la invasión por sorpresa de Prusia. Constrúin una ponte flotante sobro'l ríu Peene, que marcaba la llende ente la Pomerania sueca y Prusia y, tres de cruciar el ríu en Loitz a primeres hores del día, los soldaos, tres d'una marcha de 10 km, ocupen la ciudá prusiana de Demmin, que nun tenía guarnición militar. Nel mesmu día, más sero, otru reximientu suecu d'infantería crucia la frontera y ataca la ciudá prusiana d'Anklam.
- 10 de payares - El rei Abdallah IV de Marruecos muerre, y ye asocedíu nel tronu pel so fíu, que ha tomar el nome de Mohammed III y ha reinar hasta 1790.
- 22 de payares - Guerra de los Siete Años. Batalla de Breslau: Un exércitu austriacu dirixíu pol príncipe Carlos Alexandru de Lorena derrota l'exércitu prusianu de Guillermu de Brunwick-Bevern, espulsando a los prusianos de la marxe derecha del ríu Oder.
- 5 d'avientu - Guerra de los Siete Años. Batalla de Leuthen: Federicu derrota al exércitu del príncipe austriacu Carlos, no qu'aveza a considerase como la mayor victoria táctica del rei prusianu.
Categoría principal: Persones nacíes en 1757
- 11 de xineru: Alexander Hamilton, primer secretariu de l'Ayalga de los Estaos Xuníos (f. 1804)
- 4 de mayu: Manuel Tolsá, arquiteutu y escultor español.
- 7 de xunu: Georgiana Cavendish, noble británica (f. 1806)
- 18 de xunu: Ignace Joseph Pleyel, compositor y fabricante de pianos austriacu (f. 1831).
- 22 de xunu: George Vancouver, oficial de marina y esplorador británicu (f. 1798)
- 1 d'agostu: Pedro Estala, escritor y relixosu español (f. 1815)
- 6 de setiembre: Marie-Joseph Paul Yves Roch Gilbert du Motier, marqués de Lafayette.
- 7 d'ochobre: Carlos X, rei de Francia.
- 10 d'ochobre: Erik Acharius, botánicu y médicu suecu (f. 1819)
- 1 de payares: Antonio Canova, escultor italianu (f. 1822)
- 4 d'avientu: Diego Garcia, grabador y poeta británicu (f. 1827)
Categoría principal: Persones finaes en 1757
- 9 de xineru: Bernard Le Bovier de Fontenelle, escritor y filósofu francés (n. 1657)
- 23 de xunetu: Domenico Scarlatti, compositor y clavecinista italianu (n. 1685).
- 11 d'agostu: José Pradas Gallén , compositor barrocu español (n. 1757)
- 17 d'ochobre: René Antoine Ferchault de Réaumur, físicu francés (n. 1683)
- 12 de payares: Colley Cibber, actor poeta y dramaturgu inglés (n. 1671)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
