11 Ursae Minoris (11 UMi / HD 136726 / HR 5714)[10] ye una estrella asitiada na constelación de la Osa Menor. La so magnitú aparente ye +5,02 y alcuéntrase a 390 años lluz del Sistema Solar. En 2009 anuncióse'l descubrimientu d'un planeta estrasolar orbitando alredor d'esta estrella.[11]
 11 Ursae Minoris | |
|---|---|
estrella[1] y near-IR source (en)  [1] | |
| Datos d'observación | |
| Ascensión reuta (α) | 229,2745394303 °[2] |
| Declinación (δ) | 71,82390203802 °[2] |
| Distancia a la Tierra | 126,167 pc |
| Magnitú aparente (V) | 5,015 (banda V) |
| Constelación | Osa Menor |
| Velocidá de rotación | 17 km/s[3] |
| Velocidá radial | −17,3906 km/s[4] |
| Parallax | 7,926 mas[2] |
| Carauterístiques físiques | |
| Radiu | 30,262005 Radius solars [5] |
| Diámetru | 39 200 000 km [6] |
| Masa | 2,78 M☉[7] |
| Gravedá superficial | 87 cm/s²[8] |
| Tipu espectral | K3III[9] |
| Otros nomes | |
|
Ver llista
| |
 | |
11 Ursae Minoris ye una xigante naranxa de tipu espectral K4III con una temperatura superficial de 4340 ~ K. La midida del so diámetru angular per aciu interferometría —correxida pol escurecimientu de llimbu— ye de 2,336 ± 0,020 milisegundos d'arcu, lo que dexa calcular el so radiu, 30,7 vegaes más grande que'l radiu solar.[12] Tien una lluminosidá 229 vegaes mayor que la del Sol. La so metalicidá, datu estrechamente rellacionáu cola presencia de sistemes planetarios, ye comparable a la solar ([Fe/H] = +0,04). A pesar d'ello, ye relativamente probe en metales en comparanza con otres estrelles de la secuencia principal qu'alluguen planetes estrasolares.[11]
11 Ursae Minoris tien una masa de 1,8 - 2 mases solares y una edá envalorada de 1560 ± 540 millones d'años. Piénsase que la so proxenitora cuando taba na secuencia principal yera una estrella blanca de la secuencia principal.[11]
En 2009 afayóse un oxetu masivu, denomináu 11 Ursae Minoris b, n'órbita alredor de 11 Ursae Minoris. Tien una masa mínimo 10,5 vegaes mayor que la Xúpiter, polo que puede ser un planeta masivu o una nana marrón si la so masa ye más de 13 vegaes mayor que la de Xúpiter. Muévese a una distancia media de 1,54 UA al respective de la estrella y el so periodu orbital ye de 516 díes (1,41 años).[13]
| Acompañante (N'orde dende la estrella) |
Masa (MJ) |
Periodu orbital (díes) |
Semiexe mayor (UA) |
Escentricidá |
|---|---|---|---|---|
| 11 Ursae Minoris b | > 10,5 | 516,22 ± 3,25 | 1,54 ± 0,07 | 0,08 ± 0,03 |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
