From Wikipedia, the free encyclopedia
La Valla de Ceuta ye una barrera física de 8 quilómetros de separación ente la ciudá autónoma española de Ceuta y la zona neutral que dixebra España y Marruecos. El so propósitu ye enzancar la inmigración illegal y el contrabandu comercial. Trátase d'una doble valla del llau español de 6 metros d'altor, xunto con una tercer valla de 2 metros d'altor de llau marroquín.[1]
Valla de Ceuta | |
---|---|
Valla de Ceuta (es) | |
muru de seguranza, frontera internacional (es) ![]() ![]() ![]() | |
![]() | |
Llocalización | |
País | ![]() |
Ciudá autónoma | ![]() |
Coordenaes | 35°53′53″N 5°21′51″W |
Historia y usu | |
Apertura | 1996 |
Arquiteutura | |
Altor | 6 m |
Llargor | 8,4 km |
![]() |
En 1996, efectivos del Terciu de la Lexón y del Cuerpu de Regulares repunxeron l'antigua alambrada que dixebra Ceuta de Marruecos, nuna operación similar a la realizada en Melilla pa tratar de controlar la inmigración illegal. La mayor parte del alambre asitiárase n'ochobre de 1995 tres los intentos d'entrada de grupos d'inmigrantes.[2]
En 1999 empieza a sustituyise la valla d'alambre de 2,5 metros d'altor por otra d'aceru galvanizáu, 3,10 metros d'altor y reforzada con alambre d'espín. Hasta esi momentu gastárense 5.680 millones de pesetes en 5 años nes obres de impermeabilización de la frontera.[3]
Foi construyida per España, ta fecha d'alambre con cables cortantes y el so costu foi de 30 millones d'euros, pagaos en parte pola Xunión Europea.
Consiste de valles paraleles de 3 metros d'altor con alambres d'escayos enriba, esisten puestos alternaos de vixilancia y caminos ente les valles pal pasu de vehículos de vixilancia. Cables sol suelu conecten una rede de sensores electrónicos de ruiu y movimientu. Ta fornida con lluces d'alta intensidá, videocámaras de vixilancia y equipos de visión nocherniega. Na actualidá, les valles tán siendo doblaes n'altor, a 6 metros, so los auspicios del programa européu Frontex[4]
Les ONG y otros organismos fixeron crítiques a les valles dientro de la crítica xeneral a los programes contra la inmigración illegal de la Xunión Europea,[5] el Frontex, amás de al Sistema Integráu de Vixilancia Esterior (SIVE).[6][7][8]Estos estiéndese n'España poles mariñes andaluces, Canaries, Ceuta y Melilla principalmente. Nos últimos años, les ONG d'España y en concretu les de les ciudaes autónomes denunciaron qu'ante los crecientes controles nes mariñes peninsulares y canaries, los intentos de saltos nes valles aumentaron.[9]
En setiembre de 2005, cientos de persones intentaron trespasar la valla. La respuesta de les policías española y marroquina y de la Guardia Civil provocó cinco muertos y más de 100 mancaos. Les autopsies de los dos muertos nel llau español concluyeron que morrieron por disparu d'arma de fueu dende'l llau marroquín. Les autoridaes marroquines culparon a los axentes españoles de los muertos nel llau marroquín.[10] El Gobiernu d'España movilizó tres esti incidente a 480 militares y el Gobiernu Marroquín a 600.[11] 156 persones consiguieron pasar.[10]
Dende l'asaltu masivu de 29 de setiembre de 2005 nun se rexistraron saltos con ésitu de la valla hasta qu'una persona llograr en xunu de 2007.[12]
Cuatro persones saltaron en payares de 2010, fueron deteníes y presentaben cortes nes manes. Nun se producíen saltos dende faía unos dos años.[13]
En febreru de 2011 una persona de Mali foi detenida al intentar cruciar la valla escontra Marruecos. Declaró que llevaba cuatro años en Ceuta y que al nun poder viaxar hasta la península decidió volver al so país d'orixe al traviés de Marruecos. Foi ingresáu en prisión por negase a dar el so nome y afrellar a unu de los policías que lu entrugaben, acusáu d'un delitu d'atentáu y otru de desobediencia grave.[14][15]
En marzu trés inmigrantes consiguieron trespasar la valla nel sentíu habitual, en direición a Ceuta. Los trés resultaron mancaos pola alambrada.[16]
El 6 de febreru, un grupu d'ente 200 y 300 persones indocumentadas trataron de refugar l'espigón que dixebra Marruecos d'España na sablera del Tarajal, entrando 23 en territoriu español, anque fueron devueltos a Marruecos. 15 persones finaron afogaes mientres l'operativu de la Guardia Civil pa repeler l'intentu, no que se conoció como la traxedia del Tarajal.
El 31 d'ochobre 232 persones indocumentadas saltaron la valla y entraron en Ceuta.
El 9 d'avientu 438 persones indocumentadas saltaron la valla y entraron en Ceuta.
El 17 de febreru alredor 500 persones indocumentadas saltaron la valla y entraron en Ceuta.
El 1 d'agostu 67 persones indocumentadas saltaron la valla y entraron en Ceuta.
El 7 d'agostu 187 persones indocumentadas entren en Ceuta a la carrera pol pasu fronterizu del Tarajal.
El 6 de xineru más de 200 persones indocumentadas saltaron la valla y entraron en Ceuta
El 26 de xunetu 602 persones indocumentadas saltaron la valla y entraron en Ceuta, foi una de les entraes más violentes y masives de los últimos tiempos.
El 22 d'agostu 116 persones indocumentadas salten la valla de Ceuta y manquen a siete axentes con cal vivo.[17]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.