Uttarakhand
From Wikipedia, the free encyclopedia
Uttarakhand, tamién llamáu Uttaranchal, ye unu de los ventinueve estaos que, xunto colos siete territorios de la Unión, formen la República de la India. La so capital y ciudá más poblada ye Dehradun.
 Uttarakhand | |
|---|---|
 | |
| Alministración | |
| País |  India |
| Tipu d'entidá | estáu de la India[1] |
Chief Minister of Uttarakhand (en)  | Trivendra Singh Rawat |
| Nome oficial |
Уттаранчал (ru) Uttarakhand (en)[2] उत्तराखण्ड (hi) |
| Nome llocal |
उत्तराखंड (hi) Uttarakhand (en) |
| Xeografía | |
| Coordenaes | 30°30′40″N 78°57′14″E |
  Uttarakhand Uttarakhand (India) .svg) | |
| Superficie | 53566 km² |
| Llenda con |
|
| Demografía | |
| Población |
10 086 292 hab. (2011) - 5 137 773 homes (2011) - 4 948 519 muyeres (2011) |
| Porcentaxe | 0.76% de India |
| Densidá | 188,3 hab/km² |
| Más información | |
| Fundación | 2000 |
| uk.gov.in | |
 | |
Ta allugáu al norte del país, llindando al norte cola República Popular China, al este con Nepal, al sur con Uttar Pradesh, al suroeste con Haryana y al oeste con Himachal Pradesh. Con 189 hab/km² ye'l novenu estáu menos densamente pobláu —per delantre de Megalaya, Himachal Pradesh, Manipur, Nagaland, Sikkim, Jammu y Caxmir, Mizorán y Arunachal Pradesh, el menos densamente pobláu—.
Uttarakhand tuvo estremáu de forma tradicional en dos partes: la occidental conocida como Garhwal y l'oriental que recibe'l nome de Kumaon.
La mayor parte del Estáu ta cubierta poles llendes del Himalaya y polos glaciares, ente que les partes más baxes contienen trupos montes. El ecosistema del Himalaya sirve d'hábitat pa numberoses especies d'animales (como los tigres o los lleopardos de les nieves), plantes y estrañes yerbes. Dos de los ríos más importantes de la India, el Ganges y el Yamuna nacen nos glaciares de Uttarakhand.
La industria del turismu ye una de les principales fontes d'ingresos. Ente los principales destinos tópense Mussoorie y Almora. A esta rexón pertenecen tamién dalgunos de los templos hinduistes más sagraos polo que ye destín de pelegrinos dende hai más de dos mil años. Ente los principales centros sagraos destaquen los templos d'Haridwar, Rishikesh y Kedarnath.
L'estáu ye tamién el llugar nel que s'alluga unu de los más ambiciosos proyeutos del gobiernu indiu, la presa de Tehri, proyeutu concebíu nel añu 1953 y qu'entá nun se completó.
Los nativos de la zona llamar a sigo mesmu Garhwali/Kumaoni y son mayoritariamente hinduistes. Otres comunidaes étniques presentes en Uttaranchal inclúin a los nepaleses. Los Jadh, Marcha y Shauka, conocíos de forma coleutiva como Bhotiya habiten na zona de la frontera col Tíbet. Numberosos bengalíes, panyabis y tibetanos tán establecíos nes llanures del sur l'estáu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
