Trípoli
capital de Libia / From Wikipedia, the free encyclopedia
Trípoli[1] (n'árabe, طرابلس Ṭarābulus, tamién طرابلس الغرب Ṭarābulus al-Garb o Trípoli d'Occidente, pa estremala del so homónima libanesa), d'antiguo Oea en llatín, ye la capital y la ciudá más poblada de Libia. Ye, amás, la sede del Gobiernu central y l'alministración. Etimológicamente, el nome procede del griegu (Τρίπολη) Tri polis, tres ciudaes.
Trípoli | |||
---|---|---|---|
| |||
Alministración | |||
País | Libia | ||
Tipu d'entidá | ciudá | ||
Nome oficial | طرابلس (ar) | ||
Nome llocal | طرابلس (ar) | ||
Xeografía | |||
Coordenaes | 32°52′31″N 13°11′15″E | ||
Superficie | 3127 km² | ||
Altitú | 81 m | ||
Demografía | |||
Población | 1 293 016 hab. (1r xineru 2020) | ||
Porcentaxe | 19.36% de Libia | ||
Densidá | 413,5 hab/km² | ||
Más información | |||
Fundación | sieglu VII edC | ||
Prefixu telefónicu |
21 | ||
Estaya horaria | UTC+02:00 | ||
Llocalidaes hermaniaes | Arxel, Bogotá, Beirut, Belo Horizonte, Emiratu de Dubái, Taxkent, Madrid, Sarayevu, Kiev y Dubái | ||
tripoli.info | |||
Tien una población de cerca de 1 690 000 habitantes y ta asitiada al noroeste del país, na mariña mediterránea. Trípoli foi fundada nel S. VII e. C. polos fenicios, quien la llamaron Oea. Más tarde, cola llegada de los romanos, la ciudá adquirió'l estatus de ciudá romana más importante del continente africanu.[2] Pela ciudá fueron pasando cronolóxica ya históricamente vándalos, bizantinos, árabes, españoles, turcos, bereberes y italianos. Estos postreros permanecieron en Trípoli dende 1911 hasta 1951, añu en que'l país llogró la independencia.
La ciudá ye'l principal puertu marítimu, centru comercial y manufacturero del país. Nella atopa la prestixosa Universidá d'Al-Fateh. Por cuenta de la so llarga historia, hai ensame d'enclaves arqueolóxicos bien notables en Trípoli. Yera una de les ciudaes más modernes, riques y con un mayor nivel de vida d'África antes de la guerra de 2011 contra'l coronel Gadafi.