From Wikipedia, the free encyclopedia
El xuncu de llaguna o xuncu llacustre (Schoenoplectus lacustris) ye una planta de la familia de les ciperacees.
Schoenoplectus lacustris  | ||
|---|---|---|
 | ||
| Clasificación científica | ||
| Reinu: | Plantae | |
| División: | Magnoliophyta | |
| Clas: | Liliopsida | |
| Orde: | Cyperales | |
| Familia: | Cyperaceae | |
| Xéneru: | Schoenoplectus | |
| Especie: |
Schoenoplectus lacustris (L.) Palla | |
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
Planta perenne que puede superar los 2 m d'altor, derecha y con un fuerte rizoma que va produciendo tarmos hasta invadir dafechu les llagunes y llamargues non bien fondes. Nel estremu de los tarmos hai una umbela de seición planu convexa con radios primarios de desigual llargor, los más llargos inclinaos o pendulantes, suelen tar endolcaos de 2 en 2 por una bráctea paxiza a manera de vienda. Na mesma base de la umbela hai una espata dura, semiabrazadora y alesnada, que puede devasar o non el llargor de la umbela, paxiza tamién. A la fin de cada radiu primariu hai una umbela secundaria de la mesma estructura, con 1-8 espigues de 1 cm de llargor. La espiga formada por delles espiguillas abuitaes, de color pardu acoloratáu, glumes ovales, partíes nel ápiz, el nerviu central enllargáu nuna aresta o escayu escuru y aspru. Dientro un frutu duru y planu convexu, con 3 resaltes o caballones, de color pardu verdosu, arrodiáu per 6 fueyuques estreches llamaes cogordes. Tarmu llisu, llevemente rayáu, redondu, ensin fueyes, d'hasta 2 cm de diámetru na base. Fueyes toes basales y bien curties respectu al tarmu, bien formaes fora de l'agua.[1]
Europa, Asia y África. Zones encharcaes y llagunes de poca fondura.
Schoenoplectus lacustris describióse por (L.) Palla y espublizóse en Verhandlungen der Kaiserlich-Königlichen Zoologisch-Botanischen Gesellschaft in Wien 38: 49. 1888.[2]
Númberu de cromosomes de Schoenoplectus lacustris (Fam. Cyperaceae) y táxones infraespecíficos:2n=42.[3][4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
