Púrpura
color acolorazao / From Wikipedia, the free encyclopedia
Púrpura ye'l color o coloraciones que s'atopen ente'l colloráu y l'azul, o más específicamente ye un color magenta escuru que s'atopa ente'l violeta y el carmesí. El términu provién de los cascoxues marinos tamién llamaos púrpures (Stramonita haemastoma, Nucella lapillus), y asina se denominaba tamién al color producíu pola oxidación de la tinta d'estos cascoxos,[1] (tinta bien apreciada dende antiguu) y a les teles tiñíes con ella.
En colorimetría foi definíu como'l color complementariu de los que se perciben de resultes de la fotorrecepción d'una lluz que la so llonxitú d'onda dominante mide ente 555 y 565 nm. Trátase d'un color estándar, ye dicir que s'atopa normalizáu en catálogos de colores ya inventarios cromáticos. La denominación de color púrpura» inclúi al conxuntu de les coloraciones similares al color estándar, purpúreas.[2] A la derecha apúrrese una muestra del púrpura estándar.
Popularmente, úsense como sinónimos nomes como moráu, violeta, lila, malva, magenta o cárdenu. Sicasí, estes denominaciones tienen distinta etimoloxía, y anque tamién son coloraciones asitiaes ente'l colloráu y l'azul, desenvolvieron polo xeneral el so propiu significáu específicu.