From Wikipedia, the free encyclopedia
Mbabane (pronunciáu "M-buh-ban") ye la capital alministrativa de Suazilandia y del distritu de Hhohho. Ta asitiada al norte del país y ye la segunda ciudá más grande de Suazilandia con una población de 61.794 habitantes (estimación pa 2010).[1]
![]() | |
---|---|
![]() | |
Alministración | |
País | ![]() |
Region of Eswatini (en) ![]() | Hhohho |
Tipu d'entidá | ciudá |
Nome oficial |
Mbabane (en) Mbabane (ss) |
Nome llocal | Mbabane (ss) |
Códigu postal |
H100 |
Xeografía | |
Coordenaes | 26°19′00″S 31°08′00″E |
Superficie | 150 km² |
Altitú | 1243 m |
Demografía | |
Población | 60 691 hab. (11 mayu 2017) |
Porcentaxe |
100% de Hhohho 5.55% de Suazilandia |
Densidá | 404,61 hab/km² |
Más información | |
Fundación | 1902 |
Estaya horaria | UTC+02:00 |
Llocalidaes hermaniaes | Fort Worth, Taipéi, Mersing, Tréveris, Melilla y Maputu |
mbabane.org.sz | |
![]() |
Ta asitiada a 23 km al sur de la frontera d'Oshoek con Sudáfrica, al noroeste del país. Ta alcontrada nos Montes Mdimba a veres del ríu Mbabane a unos 1.200 metros d'altitú.
Creció nel sieglu XIX alredor de la residencia del Rei Mbandzeni (bisagüelu del actual rei) y desenvolvióse como capital alministrativa mientres la dependencia británica ente 1903 y 1968 dempués de que se va treslladar la capital alministrativa dende Manzini. Mbabane foi hasta'l momentu de la independencia de Suazilandia de Gran Bretaña en 1968 la capital del antiguu distritu homónimu.
Ye'l centru alministrativo y comercial de tola rexón. Esisten mines de mineral de fierro y estañu na zona. En 1964 inauguróse una llinia de ferrocarril con Mozambique coles mires de poder esportar el mineral de fierro que se produz. Esta producción cesó práuticamente dende finales de los 70.
Mbabane ye la sede de la Universidá Waterford-KaMhlaba integrada na rede United World College d'África del Sur.
A pesar de que la llingua principal ye'l suazi, l'usu del inglés ye común pa los negocios y los trámites alministrativos. La ciudá y el país espolleten gracies al turismu y a la esportación d'azucre.
Mbabane ta entamáu en dos tinkhundlas:
L'aeropuertu más próximu ye'l Aeropuertu Internacional de Manzini. South African Airways tien vuelos con Johannesburgu y puede viaxase fácilmente a Suazilandia dende Sudáfrica y Mozambique.
Munchos minibuses conecten Maputu y Manzini con Mbabane y hai tamién serviciu regular d'autobuses ente Johannesburgu y Durban.
Ye posible tamién llegar en coche propiu al traviés de caminos de tierra y delles gasolineres y tiendes nes principales carreteres.
La temperatura medio ye de 10 °C en xunu y de 22 °C en xineru.
![]() ![]() | |||||||||||||
---|---|---|---|---|---|---|---|---|---|---|---|---|---|
Mes | Xin | Feb | Mar | Abr | May | Xun | Xnt | Ago | Set | Och | Pay | Avi | añal |
Temperatura máxima media (°C) | 24.9 | 24.5 | 24.1 | 22.6 | 21.4 | 19.3 | 19.8 | 21.3 | 23.2 | 22.8 | 22.5 | 23.7 | 22.5 |
Temperatura mínima media (°C) | 14.9 | 14.5 | 13.4 | 11.0 | 7.9 | 4.7 | 4.6 | 6.6 | 9.5 | 11.3 | 12.9 | 14.2 | 10.5 |
Lluvia (mm) | 253.2 | 224.6 | 151.6 | 87.9 | 33.8 | 19.4 | 20.1 | 35.1 | 69.4 | 141.9 | 197.8 | 206.9 | 1441.7 |
Díes de lluvia (≥ 1 mm) | 16.9 | 14.3 | 13.8 | 9.8 | 5.1 | 2.8 | 3.1 | 6.5 | 9.2 | 14.9 | 17.0 | 16.5 | 129.9 |
Fonte: World Meteorological Organization[2] |
Mbabane ta hermanada con: