Lazurita
From Wikipedia, the free encyclopedia
From Wikipedia, the free encyclopedia
La lazurita ye un mineral del grupu de los silicatos, subgrupu tectosilicatos. Químicamente ye un aluminosilicato con otros aniones de sodiu y calciu, de un color azul intensu de gran guapura. El so nome deriva de la pallabra árabe lazurd que significa "cielu". Un sinónimu usáu ye pigmentu azul ultramar o ultramarina.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Lazurita | |
---|---|
Xeneral | |
Categoría | especie mineral (es) [1] |
Subclase de | sodalite group (en) [2] y tectosilicato (es) |
Fórmula química | Na[(AlSiO4)SO4] |
Epónimu | azul (persa) |
Propiedaes físiques | |
Durez de Mohs | 5,5 |
Clasificación | |
Nickel-Strunz 8ª ed. | VIII/F.07[3] |
Nickel-Strunz 9ª ed. | 9.FB.10[4] |
Nickel-Strunz 10ª ed. | 9.FB.10[5] |
Dana | 76.2.3.4 |
La lazurita ye'l componente de color azul que se repara na xema decorativa denominada lapislázuli, que ye una roca formada por trés minerales: lazurita, calcita y pirita. Dacuando tómase equivocadamente'l nome d'esta roca como sinónimu de lazurita.
De cutiu foi confundíu la lazurita cola lazulita o cola azurita, dos minerales que nun tienen nada que ver col primeru, namái se paecen en el so color azul. Estrémase bien de la lazulita porque ésta tien un llustre vítreu bien marcáu y de la azurita porque ésta reacciona fuertemente colos ácidos.
Apaez en roques caliares sometíes a metamorfismu de contautu, de normal acomuñada a los minerales calcita, pirita, diópsido y moscovita, según tamién a afghanita. Tamién puede atopase en granulitas d'alta temperatura.
Ye un mineral caro y conocío popularmente por ser l'azul de xímalo lapislázuli. Los pequeños cristales de pirita tán siempres presentes nesta postrera, cuando nun lo tán la roca namái tien calcita y lazurita y denomínase entós sodalita.
El lapizlázuli foi estrayíu mientres sieglos d'unes mines qu'entá siguen n'esplotación n'Afganistán, nel valle de Kokscha, d'onde yera esportáu a oriente próximu y de ende a Europa dende hai más de mil años. Atópase tamién en Ovalle (Chile), Myanmar, Siberia, Angola, Canadá y n'Estaos Xuníos.
N'Europa molía la lazurita hasta un polvu fino, el pigmentu llamáu azul ultramar o azul marino, que yera usáu como tinte pa colorear d'azul. Güei día esti pigmentu fabricase de forma artificial, polo que dexó d'esplotase esti mineral con esta finalidá.
Los cristales bien formaos y llimpios de lazurita pura son bien valoraos polos coleicionistes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.