Lager
From Wikipedia, the free encyclopedia
From Wikipedia, the free encyclopedia
Lager ye un tipu de cerveza con un sabor intensu que se sirve frío, carauterizao por formentar en condiciones más lentes emplegando lleldes especiales, conocíes como lleldes de formientu baxu, y que nes últimes partes del procesu son almacenaes en llagares (o "lagered" - d'ehí'l so nome) per un periodu en condiciones de baxa temperatura col oxetu de llimpiar les partícules residuales y estabilizar los sabores. Los exemplos más populares de cerveza de tipu lager son los pale lagers, conocíes tamién como largers.
| Lager | ||
|---|---|---|
 | ||
| Nome | Lager | |
| Detalles | ||
| Más información | ||
| [editar datos en Wikidata] | ||
Nel sieglu XIX los cerveceros bávaros emplegaben los suétanos, les cueves y los llagares "p'almacenar" (lagern) la so cerveza, facíenlo asina pa que nestos llugares frescos y de temperatura mui estable fuera madurando la cerveza poco a poco. A la cerveza obtenío d'esti xeitu, denomáronla “Lagerbier”, del alemán lagern (“almacenar”). Los cerveceros bávaros utilizaron una llelda orixinario de la Patagonia, Saccharomyces eubayanus, que ye capaz de madurar la cerveza n'ambientes fríos.[1] La diferencia más evidente cola cerveza inglés (Ale) ye la temperatura de formientu y la posición onde formienta la cerveza qu'emplega lelda de formientu baxu.
Nel periodu 1820-1830, un cerveceru denomáu Gabriel Sedlmayr II el mozu, nacíu nuna familia que rexentaba dende había tiempu la cervecería Spaten Brewery en Baviera fizo una xira per Europa pa meyorar los sos conocimientos sobro la ellaboración de la cerveza. Al volver a so tierra empezó a utilizar lrs enseñanaces deprendíes y ellaboró una cerveza lager más estable y consistente. A pesar d'ello la cerveza lager de Baviera ye diferente debío a la dureza de l'agua emplegao nel procesu d'ellaboración.
La nueva receta emplegada polos cerveceros de Baviera foi espardiéndose per toa Europa, en particular l'amigu de Sedlmayr Anton Dreher ideó nueves téuniques de lager pa meyorar les cerveces de Viennesas ente'l periodu comprendíu ente 1840–1841. L'agua de Viena permitía l'usu de maltes más llixeres dando llugar a una coloración final de la cerveza ámbare-roxu.
Na so difusión, la nueva receta llegó a Bohemia, onde la receta foi meyorada. Nel añu 1842, na ciudá de Pilsen, un cerveceru de 29 años llamáu Josef Groll tentó facer una versión de la receta de lager emplegando una malta diferente amás d'emplegar un agua llocal, el resultáu foi una cerveza más con un sabor más sele que la variedá de Múnich o inclusive que la de Viena: la cerveza resultante yera muncho más dorao y de tonos brillantes . A esti nuevu tipu de cerveza denomóselo como Pilsener o Pilsner y tuvo un gran ésitu, divulgándose rápidamente a lo llargo de tolos países d'Europa.
La cerveza de tipu Pilsener ye xeneralmente una bébora de color brillante y con carbonatación relativamente alta, con un fuerte sabor a llúpulu y que suel tener un conteníu alcohólicu ente los 4-5%. La marca Pilsner Urquell ("Original Pilsener") ye l'exemplu más prototípicu d'una cerveza de tipu pilsner. Güei, la mayoría de les cerveces del tipu pale lagers tán basaes en cerveces de tipu Pilsner.
Antal Dreher, el Rei de la cerveza haza 1850 desenrolló'l lager, n'húngaru "ászokolt sör" con teunoloxía de fabricación, qu'en Kőbánya, dempués tamién implantó na industria cerveza húngara. En 1924 la Fábrica Cerveza Dreher introduxo la marca "Arany Ászok", que fabricaben hasta 1948. Cuarenta años dempués empiecen fabricar de nuevu la cerveza "Ászok" en 1989.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
