From Wikipedia, the free encyclopedia
Krav Maga o Kravmagá (hebréu: קרב מגע, lliteralmente "combate de contautu" o "combate cuerpu a cuerpu") ye un sistema eclécticu de combate principalmente a mano vacía desendolcáu n'Israel, qu'inclúi llucha y téuniques d'agarrar y golpiar, conocíu sobre too polos sos contrataques enforma violentos y eficaces, darréu que tamién lu aprienden a fuercies especiales d'élite per tol mundu. Deriva d'habilidaes pa la llucha caleyera desendolcaes por Imi Lichtenfeld, qu'usó la so formación como boxeador y como lluchador como mediu de defender a la población xudío nun tiempu d'actividaes antisemites na ciudá de Bratislava (capital de l'actual Eslovaquia) ente mediaos y finales de los años 1930. A finales de los 40, acabante emigrar a Israel, Lichtenfeld emprincipió a entrenar en combate cuerpu a cuerpu a lo qu'habíen ser les Fuercies de Defensa d'Israel (FDI), desendolcando les téuniques que diben conocese como Krav Maga. Dende entós éstes perfeicionáronse p'aplicase tanto al ámbitu civil como al militar.
![]() Lleición de "krav maga" nuna escuela paracaidista. Israel, 1955 | |
Enfoque | Combate militar cuerpu a cuerpu, y defensa personal civil y policial |
---|---|
País d'orixe | Israel |
Fundador | Imi Lichtenfeld (1910-1998) |
Prauticantes famosos | Sebastien Kuczer, Richard Douieb, Eyal Yanilov, Gabi Noah |
Paternidá | Boxéu, Llucha, llucha caleyera, Kapap |
Deporte olímpicu | Non |
![]() |
White | ![]() | ![]() |
Yellow | ![]() | ![]() |
![]() | ||
Orange | ![]() | ![]() |
![]() | ||
Green | ![]() | ![]() |
![]() | ||
Blue | ![]() | ![]() |
![]() | ||
Brown | ![]() | ![]() |
![]() | ||
Black | ![]() | ![]() |
![]() | ||
![]() | ||
![]() | ||
![]() |
Delles aportaciones a esti perfeicionamientu inclúin, ente otres, la incorporación d'elementos de les artes marciales asiátiques.
La filosofía del Krav Maga básase na neutralización de l'amenaza, les maniobres defensives y ofensives realizaes de forma simultánea, y l'agresividá. El Krav Maga úsenlu les unidaes israelines de fuercies especiales “Sayeret”, y delles variantes enforma rellacionaes foron desendolcaes y adoptaes por organizaciones policiales y d'intelixencia, como Mossad, Shin Bet, FBI, ATF, DEA, ICE, o los SWAT de la policía neoyorquina y les fuercies d'operaciones especiales de los Estaos Xuníos. Hai delles organizaciones internacionales qu'enseñen variaciones del Krav Maga.
El Krav Maga entamólu na antigua Checoslovaquia Imi Lichtenfeld, tamién conocíu como Imi Sde-Or (el so apellíu, col significáu de "Campu Allumáu”, tornáu al hebréu) nos años 1930. De primeres enseñó'l so sistema de llucha en Bratislava col envís d'aidar a la proteición de la comunidá xudía llocal frente a los nazis. Más tarde, de la que llegó al Mandatu Británicu de Palestina, Lichtenfeld apenzó a enseñar Kapap (entrenamientu militar en diverses habilidaes personales) al Haganah, l'exércitu clandestín xudíu. Col establecimientu del Estáu d'Israel en 1948, Lichtenfeld convirtióse nel Instructor Xefe d'Educación Física y Krav Maga na Escuela d'Acondicionamientu pal Combate de les Fuercies de Defensa d'Israel (FDI). Sirvió 15 años nel FDI, y nesi tiempu siguió desendolcando y refinando'l so métodu de combate cuerpu a cuerpu.
En 1964 Lichtenfeld dexó l'exércitu, anque siguió supervisando la instrucción del Krav Maga tanto nel ámbitu militar como nel policial, y dándo-y amás xera al refinamientu, ameyoramientu y adautación del Krav Maga a les necesidaes civiles. Los primeros estudiantes en recibir el cintu negru 1er Dan foron Eli Avikzar, Rafi Elgarisi, Haim Gidon, Haim Zut, Shmuel Kurzviel, Haim Hakani, Shlomo Avisira, Vicktor Bracha, Yaron Lichtenstein, Avner Hazan y Miki Asulin.[1]
En 1978 Lichtenfeld fundó la entidá sin intención d'arriquecimientu Asociación Israelina de Krav Maga (AIKM) xunto con dellos instructores veteranos. L'Asociación Israelina de Krav Maga esistió de contino d'esi día hasta la fecha, y asítiase en Netanya, Israel. El Gran Maestru Haim Gidon foi escoyíu presidente de l'AIKM por una xunta, con un votu de más de 1.200 miembros, y tovía sigue nel cargu, y como Gran Maestru y cintu negru 10u Dan. Imi Lichtenfeld morrió en xineru de 1998 en Netanya, Israel.
El gobiernu israelín reconoció a l'AIKM como heriede del sistema d'Imi Lichtenfeld[2]. El Primer Ministru d'Israel reconoció al Gran Maestru Haim Gidon por so trabayu nel krav maga[3]. Enantes de la so muerte, Imi Lichtenfeld espublizó una llista de los sos estudiantes de nivel cimeru y los sos graos, y dio-y veracidá a esti documentu pola presencia d'un notariu[4][5]. Imi Lichtenfeld firmó l'anunciu de que'l Gran Maestru Haim Gidon tenía que tar presente nes graduaciones d'estudiantes o instructores de cintu marrón p'arriba[6].
Tolos soldaos de les Fuercies de Defensa d'Israel, incluyendo les unidaes especiales “Sayeret”, deprienden Krav Maga como parte del so entrenamientu básicu, anque a la mayoría de los alumnos de les fuercies regulares nun-yos lleva muncha xera, malpenes una selmana d'entrenamientu con unes poques hores al día. Amás, el Krav Maga ye'l sistema defensivu táuticu emplegáu pa formar a la policía israelina, la intelixencia israelina y les divisiones de seguridá. El Krav Maga enséñase tamién a civiles, militares, y axencies policiales y de seguridá de tol mundu. L'exércitu suecu emplega daqué'l Krav Maga pal entrenamientu del combate cuerpu a cuerpu pa la guerra urbana. Pueden atopase escueles per dayures, d'Australia y el Reinu Xuníu a Sudáfrica. La Federación Internacional de Krav Maga en Netanya, al norte de Tel Aviv, entrena a dellos de los meyores guardies personales del mundu, qu'usen el Krav Maga como arte profesional de llucha por incluyir delles formes d'evacuar un VIP metanos un xentíu amenazante. Asina mesmo, les táutiques pa despachar aína a dellos oponentes son vitales pa los axentes de proteición personal. El Krav Maga tamién ta usándose nos territorios palestinos, sobre too pola so adautabilidá (los soldaos israelinos adáutenlu al llabor de controlar los xentíos desaforaos.
Hai tres niveles de práutica: pal exércitu, pa la policía, y pa la defensa personal civil. Estos tres niveles remanen diferentes téuniques debío a les sos aplicaciones especializaes (ataque, neutralización d'amenaces, o defensa personal).
En xeneral nun hai regles en Krav Maga, darréu que ye una téunica de combate pa la defensa ensin llendes, utilizada pa caltener a salvo al prauticante y pa incapacitar al oponente por cualesquier mediu necesariu. Homes y muyeres sométense xeneralmente a los mesmos exercicios. Nun tien federación deportiva, y nun hai uniformes o vistimientos oficiales, anque delles organizaciones reconocen el progresu nel entrenamientu con insinies de grau, estremaos niveles, y cintos de color.
Los principios xenerales inclúin:
En resume la defensa y el contrataque tienen de ser lo más rápidos, potentes, curtios, naturales (sin artificios) y direutos que sía posible.
L'entrenamientu básicu ye una mecedura de trabayu aeróbicu y anaeróbicu. Al principiu pueden usase escudos proteutores y otres arbíes de proteición personal. Cámbiense los escenarios pa entrenar a los prauticantes en situaciones que pueden atopar davezu en patrulles caleyeres o béliques. Los escenarios simulaos aprienden a los estudiantes a refugar les distraiciones. Otros métodos d'entrenamientu p'aumentar el realismu pueden incluyir encañar los güeyos o exercitar a los estudiantes hasta la galdidura enantes d'enfrentalos a ataques simulaos, asina como entrenar nel esterior en superficies estremaes y en pilancos.
L'entrenamientu tamién inclúi decatase de les situaciones pa desendolcar el conocimientu de la rodiada d'ún y les circunstancies potencialmente amenazantes primero qu'asoceda l'ataque. Pue incluyir tamién formes d'enfrentase a situaciones potencialmente violentes, y métodos físicos y verbales d'evitar la violencia cuando ye posible.
Hai numberoses organizaciones per tol mundu qu'enseñen Krav Maga o dalguna variante. Dende la muerte'l fundador, les diferencies espoxigaron, asina como la competición pol lideralgu. Delles organizaciones y persones reclamen ser los únicos herederos, mientres qu'otres afirmen que se trata d'un arte “abiertu” que nun tenía que ser propiedá de nenguna persona o grupu.
A pesar de los intentos de rexistrar comercialmente la marca Krav Maga, nun hai instructor o organización que seyan cabezaleros oficiales.
Haza'l 2001, la popularidá del krav maga entamó a espolletar. Los espertos creyen que les causes foron l'aumentu del interés individual pola seguridá personal tres los ataques terroristes de Nueva York y l'aumentu de la violencia nel mundu. Tamién delles organizaciones non tradicionales de krav maga algamaron popularidá y fixeron delles reclamaciones sobro'l llinax del sistema, certificaciones d'enseñanza y el supuestu usu de los respeutivos programes d'entrenamientu poles Fuercies de Defensa d'Israel, reclamaciones que non siempre resultaron verdaderes.
Ente les escueles más conocíes y prestixoses de Krav Maga tán: Asociación Israelina de Krav Maga, Federación Internacional de Krav Maga (IKMF), Federación de Krav Maga (KMF), Escuela Bukan de Krav Maga (BUKAN), Israeli Krav International (IKI), Krav Maga Worldwide (KMW), Asociación Mundial de Krav Maga (WKMA), Federación Europea de Krav Maga (FEKM), Unión Europea de Krav Maga (EKMU), ente otres.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.