From Wikipedia, the free encyclopedia
Kim Jong-il (treslliteráu tamién como Kim Jong Il; hangul: 김정일, hanja: 金正日; pronunciación coreana /kimdʑʌŋil/) (16 de febreru de 1941, Vyatskoye (Krai de Jabárovsk) (es) y Ussuriisk (es)
– 17 d'avientu de 2011, Pyong Yang) foi un políticu y gobernante norcoreanu apodáu "Queríu Líder" nel so país. Fíu de Kim Il-sung, "Gran Líder" de Corea del Norte. Tenía los cargos de Presidente del Comité de Defensa Nacional y el de Secretariu Xeneral del Partíu de los Trabayadores coreanu.
Kim Jong-il![]() | |||||||||||
---|---|---|---|---|---|---|---|---|---|---|---|
![]() | |||||||||||
8 ochobre 1997 - 17 avientu 2011 ← Kim Il Sung - Kim Yong Un →
8 xunetu 1994 - 17 avientu 2011 ← Kim Il Sung - Kim Yong Un →
| |||||||||||
Vida | |||||||||||
Nacimientu |
Vyatskoye (Krai de Jabárovsk) (es) ![]() ![]() | ||||||||||
Nacionalidá |
![]() | ||||||||||
Residencia |
Residencia Ryongsong (es) ![]() | ||||||||||
Llingua materna | coreanu | ||||||||||
Muerte | Pyong Yang, 17 d'avientu de 2011[4] (70 años) | ||||||||||
Sepultura |
Palacio del Sol de Kumsusan (es) ![]() | ||||||||||
Causa de la muerte | infartu de miocardiu | ||||||||||
Familia | |||||||||||
Padre | Kim Il Sung | ||||||||||
Madre | Kim Jong-suk | ||||||||||
Casáu con |
Song Hye-rim (es) ![]() Ko Young-hee (es) ![]() Kim Ok Kim Young-sook (1974 – 2011) | ||||||||||
Pareyes |
Song Hye-rim (es) ![]() Ko Young-hee (es) ![]() Kim Ok | ||||||||||
Fíos/es |
| ||||||||||
Hermanos/es |
Kim Kyong-hui Kim Pyong-il Kim Man-il | ||||||||||
Pueblu |
Dinastía Kim (es) ![]() | ||||||||||
Estudios | |||||||||||
Estudios |
Universidá Kim Il-sung 1964) Universidá de Malta Mangyongdae Revolutionary School (en) ![]() | ||||||||||
Llingües falaes | coreanu[6] | ||||||||||
Oficiu | políticu, militar | ||||||||||
Premios |
ver
| ||||||||||
Serviciu militar | |||||||||||
Cuerpu militar | Exércitu Popular de Corea | ||||||||||
Graduación |
Xeneralísimu taewŏnsu (en) ![]() | ||||||||||
Creencies | |||||||||||
Relixón | ateísmu | ||||||||||
Partíu políticu | Partíu del Trabayu de Corea | ||||||||||
IMDb | nm0453535 | ||||||||||
![]() | |||||||||||
![]() |
Oficialmente nació nel míticu monte Paektu, en Corea, en plena guerra contra Xapón pente la (Segunda Guerra Mundial), el 16 de febreru de 1942. Sicasí, les versiones occidentales apunten a que naciera un añu enantes nun campamentu refuxaos soviéticu, cerca de la frontera, onde pasaría los primeros años de la so vida, hasta la fin de la guerra.
Jong-il entamó xoven la so preparación política. Estudió en China, na universidá Kim Il-sung de Pyongyang, (onde cursó Ciencies Polítiques y Económiques) y na antigua República Democrática Alemana, nuna academia militar. Acabada la so formación, Kim Jong-il algamó dellos cargos na alministración norcoreana, especialmente nel departamentu nacional de Cultura. Foi entós, según les biografíes oficiales, cuando Kim Jong-il desenrolló la so faceta artística. Poemes y narraciones patrióticos, teatru, llargometraxes y obres arquiteutóniques foron dellos de los proyeutos atribuyíos al fíu del "Gran Líder", que diba con ello algamando pesu nel aparatu estatal.
Nun foi hasta la década de 1980 cuando s'esclarió'l so futuru como socesor de Kim Il-sung al frente del gobiernu norcoreanu. Pocoñín a poco foi asumiendo responsabilidaes, de forma paralela a les reformes que so padre lideró nel senu del aparatu estatal pa favorecer una "renovación" del "progresismu norcoreanu". Esa renovación tradúxose na promulgación de la nueva Constitución de la República Popular Democrática de Corea, d'inspiración comunista y qu'instaura una ideoloxía propia (el Juche).
El 21 d'abril de 1992, Jong-il púnxose al frente l'Estáu. Pero nun foi hasta depués de la muerte de Il-sung, el 8 de xunetu de 1994, cuando Kim Jong-il asumió oficialmente la presidencia'l país, anque'l so cargu, en realidá, seya'l de Xefe de la Comisión Nacional de Defensa.
La socesión llevóse d'un mou progresivu. Yera la primer vegada qu'un réxime comunista convertíase en dinásticu y la tensión col esterior fízose fonda. Oficialmente, Kim Jong-il algamó'l poder tres de superar los mecanismos d'eleición de dirixentes del estáu y nun tuvo que ver un res la so condición de fíu del Gran Líder. N'Occidente, por embargu, falóse entós d'un procesu corruptu nel que fuera desaniciada (mesmo físicamente) la oposición interna a la socesión de Kim Jong-il.
Los primeros años de gobiernu de Kim Jong-il foron enforma complexos. Una serie d'atentaos nel estranxeru, fundamentalmente escontra intereses surcoreanos, foron atribuyíos darréu a Corea del Norte. La tensión col esterior afondó coles diferencies pol procesu desarme nuclear norcoreanu que fructificó nel posterior Alcuerdu Marcu de desarme y nel programa KEDO (con Kim Il-sung inda nel poder). A ello axuntáronse los episodios de fame provocaos poles inundaciones y posteriores seques de los primeros años de la década de 1990, que contribuyeron tamién a comprometer al gobiernu de Kim Jong-il.
Nesi tiempu, les apaiciones públiques n'Occidente de Kim Jong-il foron nules. La propaganda norteamericana y la falta d'imaxenes del gobernante propició la especulación sobre la so muerte, daqué desmentío depués cola so presencia n'actos públicos.
Les armes nucleares, el llanzamientu de cohetes Taepodong, la falta d'alimentos, la precariedá pa la estracción de materies primeres, la tensión fronteriza con Corea del Sur y l'enfotu pola unificación de dambes "Corees" foron forzando contactos con China, Estaos Xuníos, Xapón y Corea del Sur. Ello fructificó nuna relaxación de les rellaciones, especialmente col Sur, qu'algamó'l puntu cimeru ente'l 13 y el 15 de xunu de 2000, feches nes que Yong Il recibió en Pyongyang al presidente surcoreanu Kim Dae Yong, el gran impulsor del acercamientu énte la oposición d'Estaos Xuníos.
L'aconceyamientu sirvió pa iniciar pequeños avances: El reencuentru de familiares o la distensión de les rellaciones foron les primeres consecuencies.
La entrada nel sieglu XXI supunxo un averamientu del gobiernu de Kim Jong-il al restu'l mundu. L'apertura de rellaciones con Rusia y con países de la Xunión Europea, (que se sumaba a la d'otros países africanos, asiáticos y llatinoamericanos), confirmaron que la estratexa de política internacional (forzar tensión p'algamar delles ventaxes), sirvió pa enfriar la tensión na que la península lleva sumida dende la so dixebra en 1945.
Kim Jong-il entamó de nuevo esa política de xestión de la tensión ente los años 2003 y 2004. La inclusión pola alministración del presidente d'Estaos Xuníos, George W. Bush, de Corea del Norte nun exe del mal de países capaces de desestabilizar l'equilibriu mundial, fizo que dende Pyongyang contribuyérase a azuzañar la tensión na Península per aciu l'anunciu d'abandonu del Tratáu de non proliferación nuclear que Corea del Norte firmara na década de 1990. Posteriores negociaciones rebaxaron la tensión con renovaos alcuerdos ente Estaos Xuníos y Corea del Norte nunes negociaciones nes que tamién intervinieren Corea del Sur, Xapón o China.