Hayao Miyazaki
From Wikipedia, the free encyclopedia
Hayao Miyazaki (宮崎 駿, Miyazaki Hayao?, Bunkyō, Tokiu, Xapón, 5 de xineru de 1941) ye un direutor de cine d'animación, productor, animador, ilustrador, dibuxante de mangues y productor d'anime xaponés, de sonadía internacional y con una carrera de cinco décades. Xunto con Isao Takahata, fundó Studio Ghibli, un estudiu de películes y animación. Foi comparáu con Walt Disney, Steven Spielberg o Orson Welles.[13]Ente los sos filmes d'animación más populares tópense títulos como Sen to Chihiro no kamikakushi (que degoló los ingresos en taquilles de Xapón y superó l'ésitu llográu por Titanic, tamién llogró'l premiu como Película del Añu nos Premios de l'Academia de Xapón, y foi la primer película d'anime en ganar un Premiu Óscar), Mononoke Hime, Tonari no Totoro, El castiellu ambulante y Ponyo nel cantil. Les sos películes falen de la rellación de la humanidá cola naturaleza, la teunoloxía y la dificultá de caltener una ética pacifista; les protagonistes regularmente son neñes y muyeres nueves fuertes ya independientes. En dos de los sos filmes, El castiellu de Cagliostro y El castiellu nel cielu, preséntense villanos tradicionales, ente que n'otros, como Nausicaä y Mononoke Hime (1997; la primer película animada en ganar la categoría de Película del Añu nos Premios de l'Academia Xaponesa y, por curtiu tiempu, la más taquillera en Xapón, hasta que foi clisada por Titanic el mesmu añu), esisten antagonistes moralmente ambiguos con carauterístiques positives. Co-escribió Arrietty y el mundu de los diminutos y La llomba de les amapoles.
Hayao Miyazaki | |
---|---|
Vida | |
Nacimientu | Bunkyō[1], 5 de xineru de 1941[2] (83 años) |
Nacionalidá | Xapón [3] |
Residencia | Tokorozawa |
Llingua materna | xaponés |
Familia | |
Padre | Katsuji Miyazaki |
Casáu con | Akemi Ōta (1965 – ) |
Fíos/es | |
Estudios | |
Estudios |
universidad Gakushūin (es) 1963) : ciencies polítiques, economía Toyotama High School, Tokyo (en) Suginami Ward Omiya Junior High School (en) |
Llingües falaes | xaponés[4] |
Oficiu | direutor de cine, animador, mangaka, guionista, montador, productor de cine, lletrista, ilustrador, ambientalista, realizador, historietista, diseñador de personajes (es) , mechanical designer (en) , direutor d'animación |
Emplegadores |
Museo Ghibli (es) Tokuma Memorial Cultural Foundation for Animation (en) Toei Animation (abril 1963 – 1971) Shin-Ei Animation (es) (1971 – década de 1970) Nippon Animation (es) (1973 – 1978) TMS Entertainment (es) (1979 – 1984) Nibariki (en) (abril 1984 – 1r abril 2016) Studio Ghibli (1985 – |
Trabayos destacaos |
Nausicaä del Valle del Viento (es) El castillo en el cielo (es) Tonari no Totoro Majo no Takkyūbin (es) Porco Rosso (es) Mononoke Hime Sen to Chihiro Howl no Ugoku Shiro (es) Gake no ue no Ponyo (es) Kaze Tachinu (es) El castillo de Cagliostro (es) Panda Kopanda (es) Kimitachi wa Dō Ikiru ka (es) |
Premios |
ver
|
Nominaciones |
ver
|
Influyencies | Osamu Tezuka, Sōji Yamakawa, Antoine de Saint-Exupéry, Ursula K. Le Guin, Jean Giraud, Yuri Norshtéin (es) y Lev Atamanov (es) |
Seudónimos | 秋津 三朗 y 照樹 務 |
IMDb | nm0594503 |
ghibli.jp | |
El 1 de setiembre de 2013, anunció, al traviés d'un comunicáu del presidente de la compañía, Koji Koshino, que la so película El vientu llevántase (estrenada en Xapón el 20 de xunetu de 2013) sería'l so últimu llargumetraxe, y que se retiraría como direutor de proyeutos d'animación de Ghibli.[14][15][16][17][18] N'agostu de 2014, l'Academia d'Artes y Ciencies de Hollywood informó de la concesión a Mizayaki del Óscar honoríficu como reconocencia a tola so trayeutoria.[19]Esti premiu foi-y apurríu na ceremonia de los Óscar en xineru del 2015. Nel 2002, el críticu cinematográficu Roger Ebert suxurió que Miyazaki podría ser el meyor creador de películes d'animación de la hestoria, y allabó la fondura y nivel artísticu de les sos creaciones.[20]
El 25 de febreru de 2017, Studio Ghibli confirmó oficialmente'l regresu de Miyazaki. Dellos medios apuntaron a que dichu torna va venir de la mano d'una adautación a la llongura del curtiumetraxe Kemushi non Boro (Boro el guxanu), col enfotu de que la película tea llista antes de los Xuegos Olímpicos de Tokiu, previstos pa 2020.[21] El 10 d'agostu de 2017, l'estudiu reabrió les sos puertes.[22][23][24]