Premios Óscar
From Wikipedia, the free encyclopedia
Los Premios de l'Academia, meyor conocíos como los Oscar, son los premios cinematográficos daos añalmente, nel mes de febreru, pola Academia de les Artes y de les Ciencies Cinematográfiques en Los Angeles, California.
Premiu Óscar | ||
---|---|---|
Premiu a | La escelencia en llogros cinematográficos | |
Concedíu por | Academia de les Artes y les Ciencies Cinematográfiques | |
Llocalización | Estaos Xuníos | |
Historia | ||
Primer entrega |
16 de mayu de 1929 1ª ceremonia de premiación | |
Premios a |
Óscar a la meyor película Óscar al meyor direutor Óscar al meyor actor Óscar a la meyor actriz Óscar al meyor actor de repartu Óscar a la meyor actriz de repartu Óscar a la meyor película d'animación Óscar a la mejor película de habla no inglesa (es) Óscar al meyor guión orixinal Óscar al meyor guión adautáu Óscar a la meyor fotografía Óscar al meyor cantar orixinal Óscar al meyor diseñu de vestuariu Óscar al mejor director de comedia (es) Óscar a la meyor banda sonora Óscar a la mejor partitura dramática original (es) Óscar al mejor documental largo (es) | |
Sitiu oficial | ||
[editar datos en Wikidata] |
El premiu ye una estatuilla dorada que representa un home desnudu calteniendo una espada qu'espera de pie so un rollu de película con cinco radios. Cada radiu simboliza una de les cinco rames orixinales de l'Academia: actores, guionistes, direutores, productores y téunicos. La estatuilla foi creada en 1928 pol escenógrafu de la Metro Goldwyn Mayer, Cedric Gibbons, que dibuxó un bocetu de la estatuilla qu'entregaríen a los premiaos. A partir de 1931 conoceríase popularmente col nome d'Oscar dende que, según se cuenta a mou d'anécdota, Margaret Herrick esclamó al vela que se-y asemeyaba al so tíu Oscar.
La primer ceremonia d'entrega de los premios de l'Academia tuvo llugar el 16 de mayu de 1929 nel Hollywood Roosevelt Hotel, trescurriendo ensin sobresaltos al conocese los nomes de los premiaos dende'l 18 de febreru.
Al concursu presentábense orixinalmente les películes estrenaes en Los Angeles dende'l 1 d'agostu fasta'l 31 de xunetu del añu anterior a la ceremonia d'entrega de los premios. Pa los premios de 1933 acordóse prollongar el plazu d'estrenu fasta'l 31 d'avientu de 1932, fecha que se caltuvo a partir d'entós, de forma qu'a partir de 1934 concursen les películes estrenaes ente l'1 de xineru y el 31 d'avientu.
La eleición de los ganadores realízase en dos etapes. Na primera son nomaos al Oscar cinco posibles ganadores. Esta nominación realícenla los miembros de l'Academia que pertenecen a la mesma especialidá de los nomaos. Asina, por exemplu, los actores voten a los actores que son nomaos, los guionistes a los guionistes, y asina socesivamente. Pol contrariu'l ganador en ca categoría ye elixíu pola totalidá de los miembros de l'Academia, seya cuala seya la so especialidá. Toles votaciones faense en secretu y la de los ganadores de tal forma, que nengún miembru l'Academia conoz los resultaos. Pa ello intervién una prestixosa firma d'auditoría, que ye la encargada de facer el recuentu los votos. Fasta'l momentu la ceremonia, nel que son presentaos los nomaos de ca categoría y ye abiertu'l sobre llacráu col nome'l ganador, nun esisten más qu'especulaciones.