From Wikipedia, the free encyclopedia
HD 69830 ye una estrella de tipu G7,5-K0 V de la constelación de Puppis. Al so alredor orbiten trés planetes de masa neptuniana[10] y un posible cinturón d'asteroides.[11]
Ye'l primer sistema planetariu estrasolar con una estrella asemeyada al Sol que nun contién un planeta xovianu. De los trés planetes descubiertos, el más esterior alcuéntrase na llamada "zona habitable" del sistema, esto ye, nel rangu de distancies a la estrella onde puede atopase agua n'estáu líquidu. Los planetes tienen 10, 12 y 18 vegaes la masa de la Tierra y orbiten alredor de la estrella con periodos de 9, 32 y 197 díes, respeutivamente. Fueron afayaos per aciu l'espectrógrafu HARPS del telescopiu de 3,6 metros del Observatoriu de La Silla que forma parte del European Southern Observatory, nel desiertu d'Atacama (Chile).
Nome !Masa (MJ) |
Semiexe mayor (UA) |
Periodu orbital (díes) |
Escentricidá | Representación artística | |
---|---|---|---|---|---|
b | 0,033 | 0,0785 | 8,667 ± 0,003 | 0,1 ± 0,04 | |
c | 0,038 | 0,186 | 31,56 ± 0,04 | 0,13 ± 0,06 | |
d | 0,058 | 0,63 | 197 ± 3 | 0,07 ± 0,07 |
En 2005, el telescopiu espacial Spitzer detectó polvu alredor d'esta estrella. Estes observaciones son consistentes cola esistencia d'un cinturón d'asteroides venti veces más masivu que'l del Sistema Solar asitiáu nel interior de la órbita del planeta más esterior. La cinturón sería tan masivu que los cielos nocherniegos de los planetes próximos rellumaríen con una lluz zodiacal 1000 vegaes más intensa que la vista dende la Tierra, superando con muncho la brillantez de la Vía Lláctea.
El polvu detectáu podría tar causada pola evaporación d'un cometa de la midida de Plutón venáu gravitacionalmente. Amás, l'analís del polvu, inclúi la presencia d'una forma d'olivino llamáu forsterita, similar a la del cometa Hale-Bopp. Per otru llau, les probabilidaes que'l Spitzer detectara un supercometa cayendo escontra la estrella, un acontecimientu raru y de curtia duración, son baxes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.