Guerra árabe-israelina de 1948
From Wikipedia, the free encyclopedia
Plantía:Campaña Conflicto árabe-israelín
Guerra árabe-israelina de 1948 | ||||
---|---|---|---|---|
Parte de Nakba | ||||
Fecha | 30 payares 1947 → 20 xunetu 1949 | |||
Llugar | Israel (entós Mandatu Británicu de Palestina). | |||
Causes |
Guerra Civil mientres el Mandatu de Palestina. Naciones árabes refugaron la creación del Estáu d'Israel. | |||
Resultáu |
Victoria decisiva d'Israel. Armisticiu árabe-israelín de 1949 | |||
Belixerantes | ||||
| ||||
Comandantes | ||||
| ||||
Fuercies en combate | ||||
| ||||
Baxes | ||||
| ||||
[editar datos en Wikidata] |
La guerra árabe-israelina de 1948, tamién conocida polos israelinos como guerra de la Independencia (hebréu: מלחמת העצמאות) o guerra de Lliberación (hebréu: מלחמת השחרור), foi'l primeru d'una serie de conflictos armaos qu'enfrentaron al Estáu d'Israel y a los sos vecinos árabes, no que se conoz globalmente como'l conflictu árabe-israelín. Pa los árabes palestinos esta guerra marcó l'empiezu de lo qu'ellos denominen Nakba (n'árabe النكبة, ‘Catástrofe').
Les Naciones Xuníes alcordaron la partición del Mandatu Británicu de Palestina en dos estaos: unu xudíu, col 55 % del territoriu (incluyendo por completu'l desiertu del Néguev), y otru árabe, col restu sacante Xerusalén, que sería considerada zona internacionalizada. Esti resolución foi aceptada polos dirixentes xudíos, pero refugada poles organizaciones paramilitares sionistes y polos árabes nel so conxuntu.[10]
Dichu mandatu expiró el 15 de mayu de 1948. Seis hores antes, pa nun coincidir col sabbat, na tarde del 14 de mayu, fuera proclamada por David Ben-Gurión la independencia d'Israel en Tel Aviv, reconocida rápido per Estaos Xuníos, la Xunión Soviética y munchos otros países. El mesmu día de la retirada británica de la rexón, tropes exipcies, iraquíes, libaneses, siries y transjordanas, sofitaes por voluntarios libios, saudinos y yemeninos, empezaron la invasión del acabante proclamar Estáu xudíu.