Conflictu árabe-israelín
From Wikipedia, the free encyclopedia
El conflictu árabe-israelín (n'árabe: الصراع العربي الإسرائيلي Al-Sira'a A el'Arabi A'Israili; n'hebréu: הסכסוך הישראלי-ערבי Hai'Sikhsukh Hai'Yisraeli-Aravi) referir a la tensión político y los conflictos armaos ente'l Estáu d'Israel y los sos vecinos árabes sobremanera los palestinos.
Esti artículu o seición refierse o ta rellacionáu con un conflictu armáu actualmente en cursu. La información d'esti artículu pue cambiar. Por favor, nun amiestes datos especulativos y recuerda allugar referencies a Fontes d'enfotu pa dar más detalles. |
Conflictu árabe-israelín | ||||
---|---|---|---|---|
Fecha | 15 mayu 1948 → anguaño | |||
Llugar | Oriente Mediu | |||
Resultáu | En cursu | |||
Belixerantes | ||||
| ||||
Palestina • El Líbanu • Lliga Árabe • Xunión Soviética / Rusia • Irán • Estaos Xuníos Resoluciones de Naciones Xuníes | ||||
[editar datos en Wikidata] |
La so definición, hestoria y posibles soluciones son materia de permanente alderique y los problemes qu'inclúi varien col tiempu. Al día de güei, les principales cuestiones son la soberanía de la Franxa de Gaza y Cixordania, l'estatus de la parte oriental de Xerusalén, de los Altos del Golán y de les Granxes de Shebaa, el destín de los asentamientos israelinos y de los refuxaos palestinos, la reconocencia d'Israel y Palestina y del so derechu a esistir y vivir en paz al abellugu d'amenaces y actos de fuercia, según la rellación d'Israel con Siria y El Líbanu. Anguaño Israel tien trataos de paz vixentes con Exiptu y Xordania que garanticen la so convivencia. Coles mesmes, tien trataos d'alto'l fueu roblaos con El Líbanu, Siria y Arabia Saudita que, magar nun reconocen la esistencia d'Israel, sí que supunxeron na práutica un mecanismu eficaz pal cese de les hostilidaes. Tamién esiste un complexu alcuerdu con Palestina, que supón l'establecimientu d'una especie de protectoráu israelín sobre zona palestina y un altu'l fueu parcial.