Gil Carlos Rodríguez Iglesias
xurista asturianu 1946-2019() From Wikipedia, the free encyclopedia
Gil Carlos Rodríguez Iglesias (26 de mayu de 1946, Xixón – 17 de xineru de 2019, Madrid) ye un xurista asturianu. Foi xuez del Tribunal de Xusticia de la Unión Europea qu'aportó al cargu'l 31 de xineru de 1986. Foi presidente del tribunal ente'l 7 d'ochobre de 1994 y el 7 d'ochobre de 2003.
Gil Carlos Rodríguez Iglesias | |||
|---|---|---|---|
| |||
| Vida | |||
| Nacimientu | Xixón, 26 de mayu de 1946 | ||
| Nacionalidá |
 España | ||
| Muerte | Madrid, 17 de xineru de 2019[1] (72 años) | ||
| Estudios | |||
| Estudios |
Universidá d'Uviéu Universidá Autónoma de Madrid | ||
| Nivel d'estudios | doctor | ||
| Llingües falaes |
castellanu[2] inglés francés alemán | ||
| Oficiu | xuez, profesor universitariu, xurista, escritor, abogáu | ||
| Emplegadores |
Universidá Complutense de Madrid Universidá d'Estremadura Universidá de Granada Universidá Autónoma de Madrid Universidá d'Uviéu Universidá de Friburgu Tribunal de Xusticia de la Xunión Europea | ||
| Premios |
ver
| ||
 | |||
_GC.svg){kind=small}
Ocupa la cátedra de Derechu internacional públicu na Universidá Complutense de Madrid y ye titular de la Cátedra Jean Monnet de Derechu comuñal européu, amás de direutor del Real Institutu Elcano d'Estudios Internacionales y Estratéxicos.
Apodera'l inglés, l'alemán y el francés, amás del castellanu, la so llingua materna.
Nacíu en Xixón, Asturies, Gil Carlos Rodríguez Iglesias consiguió la llicenciatura en Derechu en 1968, pola Universidá d'Uviéu. En 1975 llograría'l doctoráu pola Universidá Autónoma de Madrid.
El so llabor docente empezó n'ochobre de 1968, desempeñando'l puestu de Profesor Ayudante de Derechu internacional na Universidá d'Uviéu. Dexaría'l cargu n'avientu de 1969. Ente xineru de 1970 y abril de 1972 sería Wissenschaftlicher Assistent nel Institutu de Derechu Públicu de la Universidá de Friburgu de Brisgovia.
A partir d'ochobre de 1972, ocuparía'l cargu de Profesor Ayudante del departamentu de Derechu internacional de la Universidá Autónoma de Madrid. Nel mes de setiembre de 1974 entraría nel departamentu de Derechu internacional públicu, yá nel cargu de Profesor Axuntu, permaneciendo nél hasta 1982.
En 1982 llograría la plaza de caderalgu de Derechu Internacional Públicu na Universidá d'Estremadura. Al añu siguiente consiguiría la mesma plaza, pero na Universidá de Granada, onde permanecería hasta 2003.
A partir de 1986 compaxinaría'l so cargu académicu en Granada (en servicios especiales) col cargu de xuez del Tribunal de Xusticia de la Unión Europea (TJUE), desempeñando a partir de 1994 la función de presidente del altu tribunal. En 1996 sería investido doctor honoris causa pola Universidá de Turín (Italia) y pola Universidá Babes-Bolyai de Cluj Napoca (Rumanía). Un añu más tarde, tamién recibiría'l doctoráu honoris causa de la Universidá del Sarre (Alemaña).
En 2001, recibiría'l so cuartu doctoráu honoris causa na Universidá d'Uviéu, onde se llicenció en Derechu. Finalmente, en 2002, perteneciendo inda a la institución xudicial europea, llograría'l so postreru doctoráu HC pola Universidá San Clemente de Ohrid de Sofía, Bulgaria. Dexaría'l TJUE en 2003, y n'avientu del mesmu añu ocuparía la cátedra de Derechu internacional públicu de la Universidá Complutense de Madrid. En setiembre de 2004 llograría la cátedra Jean Monnet de Derechu comuñal européu de la mesma universidá.
Ente 2004 y 2005 sería direutor del Departamentu d'Estudios Europeos del Institutu Universitariu de Investigación Ortega y Gasset, y a partir de xunu de 2005, direutor del Real Institutu Elcano d'Estudios Internacionales y Estratéxicos.
Rodríguez Iglesias ye miembru numerario de l'Asociación Española de Profesores de Derechu Internacional y Rellaciones Internacionales (AEPDIRI).
N'ochobre de 2010 foi investido Doctor Honoris Causa pola Universidá de Cádiz. El 3 de payares de 2017 foi-y concedida la gran cruz de la Orde Civil d'Alfonso X el Sabiu.[8]
El 17 de xineru de 2019, con 72 años, Rodríguez Iglesias fina en Madrid, por cuenta d'una enfermedá dexenerativa.[9]
- El régimen jurídico de los monopolios de Estado en la Comunidad Económica Europea, Instituto de Estudios Administrativos, Madrid 1976.
- Rechtsprobleme des Beitritts Spaniens zur Europäischen Gemeinschaft (Vortrag im Europa-Kolleg Hamburg), Hamburgo, 1985.
- El Derecho comunitario europeo y su aplicación judicial (dirigido conjuntamente con D.J. Liñán Nogueras), Civitas, Madrid 1993.
- Política, Economía y Derecho en el Proceso de Integración Europea, Seminario sobre "Unión Europea y Mercorsur: El papel de los órganos jurisdiccionales en los procesos de integración", Asunción, 1997.
- La dimensión constitucional del Derecho Comunitario Europeo. Discurso de ingreso como Académico Honorario en la Academia Asturiana de Jurisprudencia, Oviedo, 1998.
- Mélanges en hommage à Fernand Schockweiler (dirigido conjuntamente con Ole Due, Romain Schintgen y Charles Elsen), Nomos, Baden-Baden, 1999.
- Problèmes d´interprétation. À la mémoire de Constantinos N. Kakouris (presidente del Comité editorial), Ant. N. Sakoulas / Bruylant, Atenas – Komotini / Bruselas, 2003.
- Europa und seine Verfassung. Festschrift für Manfred Zuleeg (dirigido conjuntamente con Charlotte Gaitanides y Stefan Kadelbach), Nomos, Baden-Baden, 2005, 2ª ed. 2007
- Tribunal de Xusticia de la Unión Europea
- Derechu comuñal européu
- Derechu internacional públicu
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
