Galaxa del Triángulu
From Wikipedia, the free encyclopedia
La Galaxa del Triángulu (tamién conocida como Galaxa espiral M33, Oxetu Messier 33, Messier 33, M33 o NGC 598), ye una galaxa espiral alcontrada na constelación del Triangulum. Ye pequeña en comparanza coles sos vecines mayores, la Vía Lláctea y la Galaxa d'Andrómeda (con ente 30 mil millones y 40 mil millones d'estrelles[3] comparáu con 200 mil millones y 400 mil millones de la primera y el billón de la segunda), pero'l so tamañu ye paecíu al del restu de galaxes espirales del universu.
Galaxa del Triángulu | ||
---|---|---|
Descubrimientu | ||
Descubridor | Giovanni B. Hodierna[1] | |
Data | 1654[1] | |
Datos d'observación (dómina J2000.0) | ||
Tipu | Galaxa espiral (SA(s)cd) | |
Ascensión reuta | 01h 33m 50,9s | |
Declinación | +30° 39' 37" | |
Distancia | 2,8 millones d'al | |
Magnitú aparente (V) | 6,27 | |
Tamañu aparente (V) | 70,8' × 41,7' | |
Desplazamientu al bermeyu | -0,000597 | |
Velocidá radial | -179 km/s | |
Rellumu superficial | 14,4[1] | |
Constelación | Triangulum | |
Carauterístiques físiques | ||
Magnitú absoluta | -19,4[2] | |
Radiu | 25.000 al | |
Otres designaciones | ||
[editar datos en Wikidata] |
M33 ye un miembru del Grupu Llocal de galaxes -el terceru en rellumu y tamañu- y paez tar venceyada gravitacionalmente con Andrómeda, que ta a 720000 años lluz d'ella y a la que orbita nuna órbita d'alta escentricidá.[4] LGS 3, unu de los miembros más pequeños del Grupu Llocal, posiblemente seya una galaxa satélite d'ella.