políticu y economista español From Wikipedia, the free encyclopedia
Ernest Lluch Martín (21 de xineru de 1937, Vilassar de Mar – 21 de payares de 2000, Barcelona), foi un políticu español qu'exerció de Ministru de Sanidá y Consumu ente 1982 y 1986 baxo'l mandatu del expresidente y exsecretariu xeneral del Partíu Socialista Obreru Español, Felipe González. El 21 de payares del añu 2000 ye asesináu nun atentáu de la banda terrorista Euskadi Ta Askatasuna (ETA).
Ñació en Vilassar de Mar, en 1937, en plena Guerra Civil. En 1961 se llicenció en Ciencies polítiques, Económiques y Comerciales na Universidá de Barcelona. Trabayó nesa Universidá hasta 1966, cuando-y expulsen por motivos políticos. Nel añu 1970 asoleyó la so Tesis doctoral "El pensamiento económico en Cataluña entre el renacimiento económico y la revolución industrial: la irrupción de la escuela clásica y la respuesta proteccionista" y nesi mesmu añu entamó a trabayar como Profesor na Facultá d'Economía de la Universidá de Valencia.
Afilióse al PSOE y llogró ser diputáu d'esti ente 1977 y 1989; en 1982, cuando Felipe González gana les Eleiciones xenerales d'España de 1982, ye nomáu Ministru de Sanidá y Consumu del Gobiernu d'España hasta 1986. Ernest Llucha foi defensor de la Sanidá pública y universal. En 1986 conviértese en Catedráticu na Universidá de Barcelona y ente 1989 y 1995, asume'l cargu de Rector de la Universidá Internacional de Menéndez Pelayo.
En payares del añu 2000 ye asesináu pola banda terrorista ETA.
Dellos meses enantes del so asesinatu, espublizó un artículu n'El Correo, nel qu'esponía la so tesis sobre la primer víctima d'ETA na que defendía que nun foi nin el Guardia Civil de tráficu José Pardines, nin el policía franquista Melitón Manzanas, sinón el nácaru Begoña Urroz Ibarrola.[9] Vinculáu a Donostia y miembru de la organización pacifista vasca Elkarri, Lluch destacó como defensor del diálogu y partidariu d'establecer puentes como preséu p'algamar el respetu a los Derechos humanos y la pacificación d'Euskadi. El fiscal de l'Audiencia Nacional, declaró qu'esti foi un fechu perimportante pa ser escoyíu víctima de la banda terrorista.[10]
El 21 de payares del añu 2000 foi asesináu con dos disparos na cabeza por ETA cuando s'alcontraba nel garaxe del so domiciliu sitiáu na avenida de Chile, de Barcelona. El so cuerpu ye atopáu por un vecín una hora y media dempués del atentáu.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.